সীতা সোৰেন

সীতা মুৰ্মু ওৰফে সীতা সোৰেন এগৰাকী ভাৰতীয় ৰাজনীতিবিদ আৰু জামাৰ পৰা ঝাৰখণ্ড বিধানসভাৰ সদস্য হিচাপে কাৰ্যনিৰ্বাহ কৰা ঝাৰখণ্ড মুক্তি মৰ্চাৰ এগৰাকী নেত্ৰী ৷ তেওঁ জেএমএমৰ মুৰব্বী শিবু সোৰেনৰ বোৱাৰী আৰু প্ৰয়াত দুৰ্গা সোৰেনৰ পত্নী ৷^১২৩ তেওঁ ২০১২ চনৰ ৰাজ্যসভা নিৰ্বাচনত ভোটদানত ধন লাভ কৰাৰ অভিযোগ উত্থাপন কৰি ৭ মাহ কাৰাবাস খাটিছিল। এতিয়া তেওঁ জামিন লাভ কৰিছে।^৪৫

ৰাজনৈতিক যাত্ৰা

২০০৯ চনত ঝাৰখণ্ডৰ জামা সমষ্টিৰ পৰা বিধায়ক হিচাপে নিৰ্বাচিত হয়। নিৰ্বাচিত হোৱাৰ পিছত ঝাৰখণ্ড মুক্তি মৰ্চাৰ ৰাষ্ট্ৰীয় সাধাৰণ সম্পাদক হিচাপে নিযুক্তি লাভ কৰে ৷ ২০১৪ চনত একেটা সমষ্টিৰ পৰাই ঝাৰখণ্ড বিধানসভা নিৰ্বাচনত প্ৰতিদ্বন্দ্বিতা কৰি জয়ী হৈছিল। ২০১৯ চনত ঝাৰখণ্ডৰ জামা সমষ্টিৰ পৰা তৃতীয়বাৰৰ বাবে বিধায়ক নিৰ্বাচনত জয়লাভ কৰিছিল।^৬