সাজিন গোপু

' সাজিন গোপু (Sajin Gopu) এগৰাকী ভাৰতীয় চলচ্চিত্ৰ অভিনেতা, তেওঁ মূলতঃ মালয়ালম ভাষা চলচ্চিত্ৰ উদ্যোগত কাম কৰে। আলুভাৰ বাসিন্দা সাজিন গোপুৱে ২০১৫ চনত মুম্বাই টেক্মী চলচ্চিত্ৰত এটা সৰু চৰিত্ৰত অভিনয় কৰি চলচ্চিত্ৰ জগতত আত্মপ্ৰকাশ কৰে।^১ ২০২১ চনত চুৰুলী চলচ্চিত্ৰৰ জৰিয়তে তেওঁ প্ৰথমবাৰৰ বাবে বিশেষ পৰিচিতি লাভ কৰে। একে বছৰতে জান.ই.মেন চলচ্চিত্ৰতো অভিনয় কৰে। ইয়াৰ পিছত ২০২৩ চনত ৰোমাঞ্চম চলচ্চিত্ৰত অভিনয় কৰি তেওঁ অধিক জনপ্ৰিয়তা অৰ্জন কৰে।^২

প্ৰাৰম্ভিক জীৱন

সাজিন গোপুৰ জন্ম কেৰালাৰ আলুভাত। দেউতাক গোপালকৃষ্ণন আৰু মাতৃ প্ৰমিলাৰ জ্যেষ্ঠ পুত্ৰ। তেওঁ আলুভাৰ এছ.এন.ডি.পি. (SNDP) বিদ্যালয়ত মাধ্যমিক শিক্ষা গ্ৰহণ কৰাৰ পাছত আলুভা বয়জ হায়াৰ ছেকেণ্ডাৰী স্কুলৰপৰা উচ্চতৰ মাধ্যমিক শিক্ষা সম্পূৰ্ণ কৰে। পৰৱৰ্তী সময়ত তেওঁ আংগামালিৰ ডি পল ইনষ্টিটিউট অৱ ছায়েন্স এণ্ড টেকন'লজিত মহাবিদ্যালয়ীয়া শিক্ষা গ্ৰহণ কৰে।^৩

কৰ্মজীৱন

সাজিন গোপুৱে ২০১৫ চনত মুম্বাই টেক্সি চলচ্চিত্ৰৰ জৰিয়তে ডাঙৰ পৰ্দাত অভিনয়ৰ আৰম্ভণি কৰে।^৪ এই চলচ্চিত্ৰখনত তেওঁ এটা সৰু চৰিত্ৰত অভিনয় কৰিছিল। ইয়াৰ পিছত তেওঁ থিলোথামা চলচ্চিত্ৰতো এটা সৰু চৰিত্ৰত অভিনয় কৰে। ২০২১ চনত লিজো জোচে পেলিচেৰী পৰিচালিত চুৰুলী চলচ্চিত্ৰত জীপ চালকৰ চৰিত্ৰত অভিনয় কৰাটো সাজিন গোপুৰ অভিনয় জীৱনৰ এক গুৰুত্বপূৰ্ণ ভূমিকা হিচাপে পৰিগণিত হয়।^৫ একে বছৰতে তেওঁ Jan.E.Man চলচ্চিত্ৰত সাজি ভাইপিনৰ চৰিত্ৰত অভিনয় কৰে। এই চৰিত্ৰত তেওঁৰ অভিনয়ে সমালোচকসকলৰ প্ৰশংসা লাভ কৰে।^৬ ২০২৩ চনত সাজিন গোপুৱে হৰৰ-ক’মেডি চলচ্চিত্ৰ ৰোমাঞ্চমত অন্যতম মুখ্য চৰিত্ৰত অভিনয় কৰে। ^৭ চলচ্চিত্ৰখনত তেওঁৰ অভিনীত নিৰূপ চৰিত্ৰটো দৰ্শকৰ মাজত যথেষ্ট জনপ্ৰিয় হয়। ২০২৪ চনত Jithu Madhavan পৰিচালিত গেংষ্টাৰ-একচন কমেডি চলচ্চিত্ৰ আৱেশমত আম্বানৰ চৰিত্ৰত অভিনয় কৰি সাজিন গোপুৱে বিশেষ প্ৰশংসা লাভ কৰে।^৮ তেওঁৰ অভিনয় সমালোচক আৰু দৰ্শক উভয়ৰে মাজত সমাদৃত হয়। দ্য নিউ ইণ্ডিয়ান এক্মপ্ৰেছৰ সমালোচক ভিগণেশ মধুৱে আম্বান চৰিত্ৰটোক শক্তিশালী অথচ শিশুসুলভ মনৰ এক হাস্যৰসাত্মক চৰিত্ৰ হিচাপে উল্লেখ কৰি সাজিন গোপুৰ অভিনয়ক প্ৰশংসা কৰিছিল। তেওঁ উল্লেখ কৰিছিল যে সাজিনৰ অভিনয়ে Fahadh Faasilৰ উচ্ছৃংখল অভিনয়ৰ সৈতে সুন্দৰভাৱে সামঞ্জস্য ৰাখিছিল।^৯

ফিল্ম'গ্ৰাফী

সন্মান