ষ্টেভ ছফিৰ

ষ্টেভ শ্বাফিৰ (Stav Shaffir; জন্ম: ১৭ মে' ১৯৮৫) এগৰাকী ইজৰাইলী ৰাজনীতিবিদ আৰু নেচেটৰ প্ৰাক্তন সদস্য। গ্ৰীণ পাৰ্টিৰ নেত্ৰী হিচাপে ডেম’ক্ৰেটিক ইউনিয়নৰ মিত্ৰতাৰ নেচেটৰ সদস্য আছিল।

জীৱনী

ইজৰাইলৰ নেতানিয়াত আচকেনাজী ইহুদী, পোলেণ্ড-ইহুদী, লিথুৱেনিয়ান-ইহুদী ৰোমানিয়ান-ইহুদী আৰু ইৰাকী-ইহুদী বংশৰ পৰিয়ালত ছফিৰে জন্মগ্ৰহণ কৰিছিল। ১২ বছৰ বয়সত ছফিৰৰ পৰিয়াল শ্বেৰন অঞ্চলৰ এখন সৰু চহৰ পাৰ্দেছিয়ালৈ গুচি যায়, য’ত তেওঁৰ পিতৃ-মাতৃৰ এখন একাউণ্টিং ফাৰ্ম আছিল। ছফিৰে হানোয়াৰ হাঅভেড ভেহালমেড (ফেডাৰেচন অৱ ৱৰ্কিং এণ্ড ষ্টাডিয়িং ইউথ)ত যোগদান কৰে। হাইস্কুলৰ পিছত ছফিৰে ইজৰাইলৰ ছ'চাইটি ফৰ দ্য প্ৰটেকচন অৱ নেচাৰৰ সৈতে জড়িত স্বেচ্ছাসেৱী গোটৰ অংশ হিচাপে টাইবেৰিয়াছত এবছৰ কাম কৰিছিল।^১ ইজৰাইলৰ বায়ুসেনাৰ বিমান একাডেমীত কেডেট হিচাপে ইজৰাইল প্ৰতিৰক্ষা বাহিনীত তেওঁ কাৰ্যনিৰ্বাহ কৰিছিল। পাঁচ মাহৰ পিছত তেওঁ আইডিএফৰ আলোচনী বামাহানেত লিখিবলৈ আৰম্ভ কৰে।^২ এই পদত তেওঁ গাজাৰ পৰা ইজৰাইলী বিচ্ছিন্নতা আৰু ২০০৬ চনৰ লেবানন যুদ্ধৰ বিষয়ে আলোচনা কৰিছিল।^২

সামৰিক সেৱা সম্পূৰ্ণ কৰাৰ পিছত ছফিৰে লণ্ডনৰ চিটি ইউনিভাৰ্চিটিৰ অলিভ ট্ৰি বৃত্তি কাৰ্যসূচীত^৩৪ গ্ৰহণ কৰে, যিটো ইজৰাইল-পেলেষ্টাইন সংঘাতৰ যথাৰ্থ অৱস্থা সলনি কৰিব বিচৰা ভৱিষ্যতৰ নেতাসকলক সমৰ্থন কৰাৰ পদক্ষেপ। লণ্ডনত অধ্যয়নৰ সময়ত ছফিৰে স্নাতক পাৰ্লিয়ামেণ্টৰছ কাৰ্যসূচীৰ অংশ হিচাপে ব্ৰিটিছ সংসদত ইণ্টাৰ্ণ হিচাপে কাম কৰিছিল^৫ আৰু ইংলেণ্ডত ইৰাকী শৰণাৰ্থীসকলক সামৰি লোৱা লেখাটোৰ বাবে ২০০৮ চনত ছাত্ৰ সাংবাদিকসকলৰ বাবে জে আৰ এছ প্ৰতিযোগিতাত ৰানাৰ্ছ আপ হিচাপে সন্মানিত হৈছিল।^৬৭ ২০০৯ চনত ছফিৰে সমাজবিজ্ঞান আৰু সাংবাদিকতাত বি.এ. ডিগ্ৰী লাভ কৰিছিল৷^৮

পিয়ানো, ড্ৰাম, গীটাৰ, ভায়লিন আৰু অউড বজোৱা ছফিৰে^৯ ইজৰাইলত ৰমাত-হাশ্বাৰনৰ ৰিমন স্কুল অৱ জাজ এণ্ড কণ্টেম্পৰেৰী মিউজিকত এবছৰ ধৰি অধ্যয়ন অব্যাহত ৰাখে। তাৰ পিছত তেওঁ টেল আভিভ বিশ্ববিদ্যালয়ৰ কন ইনষ্টিটিউট ফৰ দ্য হিষ্ট্ৰী এণ্ড ফিল'চফি অৱ চাইন্স এণ্ড আইডিয়াছত এম.এ প্ৰগ্ৰেমত নামভৰ্তি কৰে।^৮