শ্ৰীলা মজুমদাৰ

শ্ৰীলা মজুমদাৰ (Sreela Majumdar; ১৯৫৮/১৯৫৯ – ২৭ জানুৱাৰী ২০২৪) বাংলা ভাষাৰ চলচ্চিত্ৰ জগতৰ এগৰাকী প্ৰয়াত ভাৰতীয় অভিনেত্ৰী।^১২৩৪ ‘চোখৰ বালি’ (২০০৩) ছবিখনত তেওঁ ঐশ্বৰ্য ৰায়ৰ বাবে ভইচ ডাবিং কৰিছিল।

প্ৰাৰম্ভিক জীৱন

ৰামচন্দ্ৰ মজুমদাৰ আৰু ননী মজুমদাৰৰ ঘৰত শ্ৰীলা মজুমদাৰৰ জন্ম হয়। কলিকতা বিশ্ববিদ্যালয়ৰ অধীনস্থ বংগাবাসী মহাবিদ্যালয়ৰ পৰা স্নাতক ডিগ্ৰী লাভ কৰে। ১৯৮০ চনত মৃণাল সেনৰ পৰিচালনাত নিৰ্মিত ‘পৰশুৰাম’ ছবিত তেওঁৰ অভিষেক হয় যদিও তেওঁৰ প্ৰথম মুক্তি পোৱা ছবি আছিল এক ‘দিন প্ৰতিদিন’।^৫ তেওঁ শ্যাম বেনেগাল আৰু তৰুণ মজুমদাৰৰ সৈতেও কাম কৰিছিল।

কৰ্মজীৱন

১৯৮০ চনত মৃণাল সেনৰ ‘পৰশুৰাম’ছবিত শ্ৰীলাক অভিনয় জগতৰ লগত চিনাকি কৰাই দিয়া হৈছিল; তেতিয়া শ্ৰীলা আছিল ১৬ বছৰীয়া কিশোৰী। নাটকৰ আখৰাত শ্ৰীলাৰ অভিনয় দেখি মৃণালে নিজৰ ছবিৰ অভিনেত্ৰী হিচাপে শ্ৰীলাক বাছি লৈছিল। ইয়াৰ পিছত শ্ৰীলাই ‘এক দিন প্ৰতি দিন’, ‘আকালৰ সন্ধানে’, ‘খাৰিজ’ আদি উল্লেখযোগ্য ছবিত অভিনয় কৰিছিল। তেওঁ শ্বাবানা আজমী, স্মিতা পাটিল, নাছিউৰুদ্দিন শ্বাহৰ দৰে অভিনেতাৰ সৈতে পৰ্দা শ্বেয়াৰ কৰিছিল।

শ্যাম বেনেগালৰ পৰিচালনাত ‘আৰোহণ, ‘মান্দী’আদি ছবিত কাম কৰিছিল। ঋতুপৰ্ণ ঘোষৰ ‘চোখৰ বালি’ত ঐশ্বৰ্য ৰায় বচ্চনৰ বাবে কণ্ঠদান কৰিছিল শ্ৰীলাই। ছবিৰ উপৰিও মঞ্চতো শ্ৰীলাই অভিনয় চলাই যায়। সত্য বেনাৰ্জীৰ নাটক ‘নহৱত’ত শ্ৰীলাৰ অভিনয়ে দৰ্শকৰ দৃষ্টি আকৰ্ষণ কৰিছিল। বাণিজ্যিক ধাৰাৰ ছবিতো শ্ৰীলাৰ অভিনয় যথেষ্ট প্ৰশংসিত হৈছে। অঞ্জন চৌধুৰীৰ ‘পূজা’ত শ্ৰীলাৰ অভিনয়ক দৰ্শকে স্মৰণ কৰে। একেদৰে হৰনাথ চক্ৰৱৰ্তীৰ ‘প্ৰতিবাদ’ ছবিতো সমানেই দৃষ্টি আকৰ্ষণ কৰিছে শ্ৰীলাই। এই ছবি দুখনে তেওঁক গ্ৰাম্য বংগৰ এক ঘৰুৱা নামত পৰিণত কৰিছিল। কিন্তু পিছলৈ শ্ৰীলাই কাম কমাই দিয়ে। কিছু অসুস্থতাৰ বাবে শ্ৰীলাক পৰ্দাত বিশেষ দেখা পোৱা নগ’ল। শ্ৰীলাৰ বহু সহকৰ্মীসকলৰ বহুতে আক্ষেপ প্ৰকাশ কৰে যে এগৰাকী দক্ষ আৰু পেছাদাৰী অভিনেত্ৰী হোৱা সত্ত্বেও পৰ্দাত তেওঁক সঠিকভাবে ব্যৱহাৰ কৰা নহ’ল।

শেষবাৰৰ বাবে তেওঁক কৌশিক গাংগুলীৰ ‘পালান’ ছবিত দেখা যায়। তথাপিন চলচ্চিত্ৰ জগতৰ বাহিৰত তেওঁক শেষবাৰৰ বাবে দেখা গৈছিল আলিপুৰ মিউজিয়ামত পশ্চিম বংগৰ মুখ্যমন্ত্ৰী মমতা বেনাৰ্জীৰ বিজয়া সন্মিলন অনুষ্ঠানত।^৬

মৃত্যু

২০২৪ চনৰ ২৭ জানুৱাৰীত ৬৫ বছৰ বয়সত ডিম্বাশয়ৰ কেঞ্চাৰ ৰোগত আক্ৰান্ত হৈ শ্ৰীলা মজুমদাৰৰ মৃত্যু হয়। ^{৭৮৯১০} She had been suffering from cancer for 3.6 years.