শ্ৰীনিধি শেট্টী

শ্ৰীনিধি ৰমেশ শেট্টী (জন্ম: ২১ অক্টোবৰ ১৯৯২) এগৰাকী ভাৰতীয় অভিনেত্ৰী আৰু সৌন্দৰ্য্য প্ৰতিযোগিতাৰ খিতাপ ধাৰণকাৰী, যিয়ে মূলতঃ কন্নড় ভাষা, তেলুগু ভাষা আৰু তামিল ভাষা চলচ্চিত্ৰত অভিনয় কৰে। ২০১৬ চনত তেওঁ মিছ চুপ্ৰানেচনেল প্ৰতিযোগিতাত জয়ী হয়, তেওঁ এই মুকুট লাভ কৰা দ্বিতীয়গৰাকী ভাৰতীয় হিচাপে পৰিগণিত হয়।^১২ শ্বেট্টীয়ে কন্নড় একচন ডুৱেলজি KGF (২০১৮ – ২০২২)ৰ সৈতে অভিনয়ত আত্মপ্ৰকাশ কৰে আৰু ছিকুৱেলৰ বাবে শ্ৰেষ্ঠ অভিনেত্ৰীৰ "SIIMA বঁটা" লাভ কৰে।^৩ তাৰ পিছত তেওঁ HIT: The Third Case (২০২৫) চলচ্চিত্ৰত অভিনয় কৰে।^৪

প্ৰাথমিক জীৱন আৰু শিক্ষা

শ্ৰীনিধি ৰমেশ শেট্টীৰ জন্ম হৈছিল ১৯৯২ চনৰ ২১ অক্টোবৰত তাৰিখে^৫ বাংগালুৰুৰ টুলুভা পৰিয়ালত, যি বাণ্ট সম্প্ৰদায়ৰ অন্তৰ্গত।^৬ তেওঁৰ পিতৃৰ নাম ৰমেশ শেট্টী আৰু মাতৃৰ নাম কুশলতা।^৭

তেওঁ শ্ৰীনাৰায়ণ গুৰু ইংৰাজী মাধ্যম বিদ্যালয়ত শিক্ষা গ্ৰহণ কৰাৰ পাছত বিশ্ববিদ্যালয়ৰ প্ৰাক পাঠ্যক্ৰম চেণ্ট. এলয়ছিয়াছ প্ৰি-ইউনিভাৰ্চিটি কলেজৰপৰা আৰু জৈন বিশ্ববিদ্যালয়, বেংগালুৰুৰপৰা ইলেক্ট্ৰিকেল ইঞ্জিনিয়াৰিঙৰ স্নাতক ডিগ্ৰী লাভ কৰি সুখ্যাতিৰে স্নাতক ডিগ্ৰী লাভ কৰে।^৮

অভিনয় কেৰিয়াৰ

শেট্টীয়ে ২০১৮ চনৰ কন্নড় ভাষা ভাষাৰ এক্সন চলচ্চিত্ৰ KGF: Chapter 1-ৰ জৰিয়তে অভিনেত্ৰী হিচাপে আত্মপ্ৰকাশ কৰে। এই চলচ্চিত্ৰখনত তেওঁ য়শৰ বিপৰীতে অভিনয় কৰিছিল।^৯ এই চলচ্চিত্ৰখনৰ পৰিচালনা কৰিছিল প্ৰশান্ত নীলে। তেওঁ দৃঢ়চেতা এগৰাকী যুৱতী ৰীনা দেশাইৰ ভূমিকাত অভিনয় কৰে।^১০ চলচ্চিত্ৰখন বক্স অফিচত সফল হয় আৰু সেই বছৰৰ সৰ্বাধিক সফল কন্নড় চলচ্চিত্ৰ হিচাপে পৰিগণিত হয়।^১১ দ্য ইণ্ডিয়ান এক্সপ্ৰেছৰ মনোজ কুমাৰ আৰে তেওঁৰ চৰিত্ৰক "অধলিখিত" বুলি মন্তব্য কৰে।^১২ এই চলচ্চিত্ৰই তেওঁক "ফিল্মফেয়াৰ সৰ্বশ্ৰেষ্ঠ মহিলা অভিষেক – দক্ষিণ" আৰু "চীমা সৰ্বশ্ৰেষ্ঠ মহিলা অভিষেক – কন্নড়" বৰ্গত মনোনয়ন লাভ কৰে।^১৩

২০২২ চনত চাৰি বছৰৰ বিৰতিৰ পিছত তেওঁ ৰীনা চৰিত্ৰত পুনৰভিনয় কৰে চলচ্চিত্ৰখনৰ চিকুৱেল KGF: Chapter 2-ত।^১৪১৫ এই চলচ্চিত্ৰখন ২০২২ চনৰ দ্বিতীয় সৰ্বাধিক আয় কৰা ভাৰতীয় চলচ্চিত্ৰ আৰু সৰ্বকালীণ প্ৰসিদ্ধ কন্নড় চলচ্চিত্ৰ হিচাপে পৰিগণিত হয়।^১৬ এই দুয়োখন চলচ্চিত্ৰই সৰ্বাধিক আয় কৰা ভাৰতীয় চলচ্চিত্ৰৰ তালিকাত স্থান লাভ কৰিছে।^১৭ তাৰণ আদৰ্শয়ে উল্লেখ কৰে— “শ্ৰীনিধি চমকপ্ৰদ আৰু সক্ষম অভিনয় কৰিছে।”^১৮ এই অভিনয়ৰ বাবে তেওঁ "চীমা সৰ্বশ্ৰেষ্ঠ অভিনেত্ৰী – কন্নড়" বৰ্গত বিজয়ী হয়।^১৯

সেই বছৰে তেওঁ তামিল ভাষা চলচ্চিত্ৰ ''ক'ব্ৰা'ত বিক্ৰমৰ বিপৰীতে অভিনয় কৰে।^২০ এই চলচ্চিত্ৰখন বক্স অফিচত ব্যৰ্থ হয়।^২১ তেওঁ ভাবনা মেনন নামৰ এগৰাকী অপৰাধবিজ্ঞান অধ্যাপকৰ ভূমিকাত অভিনয় কৰে, যাৰ বাবে সমালোচকৰপৰা মিশ্ৰ প্ৰতিক্ৰিয়া লাভ কৰে।^২২

তিনিবছৰৰ আন এটা বিৰতিৰ পিছত, ২০২৫ চনত শেট্টীয়ে তেলুগু ভাষা চলচ্চিত্ৰত প্ৰৱেশ কৰে HIT: The Third Case-ৰ জৰিয়তে। তেওঁ আইপিএছ আৰক্ষী কৰ্তা মৃদুলাৰ ভূমিকাত ননিৰ বিপৰীতে অভিনয় কৰে।^২৩২৪ দ্য হিন্দুৰ সংগীতা দেবী দুণ্ডূৱে মন্তব্য কৰে— “শ্ৰীনিধি ফ্ৰেঞ্ছাইজীটোৰ বাবে অন্যতম শ্ৰেষ্ঠ সংযোজন; তেওঁ শ্ৰেয়স, সুষমা আৰু এক আশ্চৰ্যজনক পৰিৱৰ্তন আনি দিছে।”^২৫ এই চলচ্চিত্ৰখন বাণিজ্যিকভাৱে সফল হয় আৰু ২০২৫ চনৰ ষষ্ঠ সৰ্বাধিক আয় কৰা তেলুগু চলচ্চিত্ৰ হিচাপে পৰিগণিত হয়।^২৬

তেওঁ তাৰ পিছত তেলুগু ভাষা চলচ্চিত্ৰ Telusu Kada-ত আইভিএফ বিশেষজ্ঞ ড° ৰাগা কুমাৰৰ ভূমিকাত সিদ্ধু জোন্নালাগাড্ডাৰ বিপৰীতে অভিনয় কৰে।^২৭ ইণ্ডিয়া টুডেৰ টি. মৰুতি আচাৰ্যই মন্তব্য কৰে— “ফ্লেষবেক আৰু অনুভৱনীয় দৃশ্যসমূহত শ্ৰীনিধিয়ে গভীৰতা আৰু সূক্ষ্মতা যূক্ত এক শক্তিশালী অভিনয় প্ৰদান কৰিছে।”^২৮

মিডিয়া ইমেজ

২০১৬ চনত শেট্টীক বেংগালুৰু টাইমছ মষ্ট ডিজায়াৰেবল উইমেন হিচাপে নিৰ্বাচিত কৰা হৈছিল।^২৯ একেখন তালিকাতে ২০১৮ আৰু ২০১৯ চনত ৪ৰ্থ, ২০২০ চনত ৫ম স্থান লাভ কৰিছিল।^{৩০৩১৩২} ইনষ্টাগ্ৰামত তেওঁ অন্যতম অনুসৰণ কৰা কন্নড় অভিনেত্ৰী।^৩৩

চলচ্চিত্ৰপঞ্জী

বঁটা আৰু মনোনয়ন