শৈলক্ষ্মী বালিজেপালী

শৈলক্ষ্মী বালিজেপালী (: Sailakshmi Balijepally (২৫ জানুৱাৰী ১৯৭৪ – ১৬ ডিচেম্বৰ ২০২৩) এগৰাকী ভাৰতীয় শিশু চিকিৎসক আৰু শিশু আৰু মাতৃৰ স্বাস্থ্য আৰু সুস্থতাৰ ক্ষেত্ৰত কাম কৰা একম ফাউণ্ডেশ্যন নামৰ এন জি অ’ৰ প্ৰতিষ্ঠাপক। ভাৰতৰ ৰাষ্ট্ৰপতিগৰাকীয়ে ২০১৪ বৰ্ষৰ বাবে নাৰী শক্তি পুৰস্কাৰৰে সন্মানিত কৰিছিল।

জীৱন আৰু কৰ্ম

বালিজেপালীয়ে ভাৰতৰ ছেকেণ্ডৰাবাদত ডাঙৰ-দীঘল হৈছিল আৰু তাতেই বাৰ বছৰ কেয়ছ হাইস্কুল ফৰ গাৰ্লছত পঢ়িছিল। তাইৰ মাক-দেউতাক দুয়োজনেই ডাক্তৰ আছিল আৰু বালিজেপালীয়েও এজন ডাক্তৰ হোৱাৰ আকাংক্ষা কৰিছিল। চিকিৎসা বিজ্ঞানত অধ্যয়ন কৰি হৃদৰোগ বিশেষজ্ঞ হোৱা তাইৰ ডাঙৰ ভনীয়েক আছিল তাইৰ আদৰ্শ। দুবছৰ ধৰি ছেইণ্ট ফ্ৰান্সিছ কলেজ ফৰ উইমেনত অধ্যয়ন কৰি গান্ধী মেডিকেল কলেজত নাম ভৰ্তি কৰে। তাত পাঁচ বছৰ অধ্যয়ন কৰি চিকিৎসক আৰু অস্ত্ৰোপচাৰ বিশেষজ্ঞ দুয়োটাতে যোগ্যতা অৰ্জন কৰে।^১

২০০১ চনৰ ২০ জানুৱাৰীত গুজৰাটত ভূমিকম্পৰ ফলত ২০ হাজাৰ লোকৰ মৃত্যু হয় আৰু বহু লোক আহত হয়। পৰীক্ষাৰ সৈতে মোকাবিলা হোৱাৰ পিছতো বালিজেপালীয়ে স্বেচ্ছাসেৱী চিকিৎসা সাহায্যৰ বাবে আগবাঢ়ি আহিছিল। সাত বছৰৰ পাছত যেতিয়া বিহাৰৰ বানপানীয়ে লাখ লাখ লোকক গৃহহীন কৰি পেলাইছিল, কাৰণ এখন নদীৰ গতিপথ সলনি হৈ বহু বসতিপ্ৰধান অঞ্চল বানপানীত বুৰাই পেলাইছিল তেতিয়াও পুনৰ স্বেচ্ছাসেৱী হিচাপে তেওঁ কাম কৰিছিল।^১

বালিজেপল্লী এজনী জুনিয়ৰ পৰামৰ্শদাতা হিচাপে কৰ্মৰত আছিল। যেতিয়া তেওঁক ৬০ টা অনাথাশ্ৰমক সহায় কৰাৰ উপায় বিচাৰিবলৈ দায়িত্ব দিয়া হৈছিল। তেওঁ প্ৰতিটো অনাথাশ্ৰমক এজনকৈ শিশুৰোগ বিশেষজ্ঞৰ সৈতে জুৰি লগাই দিছিল। শিশুৰোগ বিশেষজ্ঞসকলে সহায় কৰিবলৈ আগ্ৰহী আছিল, কিন্তু সময়ৰ লগে লগে এই ব্যৱস্থাটোৱে সঠিকভাৱে কাম নকৰিলে।^১

২০০৯ চনত EKAM ফাউণ্ডেচন প্ৰতিষ্ঠা কৰাটোৱে শিশুসুৱাস্থ্য সেৱা যোগান ধৰা সন্দৰ্ভত সমস্যাটোত পুনৰকেন্দ্ৰিত হোৱাৰ বাবে তেওঁৰ চেষ্টা আছিল।

বালিজেপালীয়ে ২০১৫ চনত নেতৃত্ব আৰু কৃতিত্বৰ বাবে প্ৰথম আঠটা নাৰী শক্তিৰ বঁটাৰ ভিতৰত এটা বঁটা লাভ কৰে।^২ আন্তঃৰাষ্ট্ৰীয় নাৰী দিৱসৰ দিনা ভাৰতৰ তেতিয়াৰ ৰাষ্ট্ৰপতি প্ৰণব মুখাৰ্জীয়ে এই বঁটা প্ৰদান কৰিছিল।^৩

২০১৮ চনত ইকেএম ফাউণ্ডেশ্যনে ৰয়েল এনফিল্ডৰ সৈতে অংশীদাৰিত্ব গঠন কৰে, যাৰ লক্ষ্য আছিল কাঞ্চীপুৰমৰ মাতৃ আৰু শিশুৰ স্বাস্থ্য আৰু মংগল উন্নত কৰা। এটা দৃষ্টান্তত তেওঁলোকে চেংগলপট্টু চিকিৎসা মহাবিদ্যালয়লৈ চিকিৎসা সঁজুলি দান কৰে।^৪

বালিজেপালিয়ে কেইবাবাৰো আমেৰিকা ভ্ৰমণ কৰিছিল আৰু ইকেএম ইউএছএ গঠনৰ কামো আৰম্ভ কৰিছিল।[উদ্ধৃতিৰ প্ৰয়োজন]।

২০২৩ চনৰ ১৬ ডিচেম্বৰত ৪৯ বছৰ বয়সত বালিজেপালীৰ মৃত্যু হয়।^৫