শিখা স্বৰূপ

শিখা স্বৰূপ (Shikha Swaroop; জন্ম: ২৩ অক্টোবৰ ১৯৭০) হ'ল এগৰাকী ভাৰতীয় অভিনেত্ৰী, মডেল আৰু সৌন্দৰ্য্য প্ৰতিযোগিতাৰ খিতাপধাৰী যিয়ে ১৯৮৮ চনৰ মিছ ইণ্ডিয়া ইণ্টাৰনেশ্যনেল খিতাপ লাভ কৰে।^১

কেৰিয়াৰ

কলেজত পঢ়ি থকাৰ সময়তে ১৯৮৮ চনত শ্ববনম পেটেলৰ সৈতে মিছ ইণ্ডিয়া ইণ্টাৰনেশ্যনেল হয় আৰু ১৯৯১ চনলৈকে এই মুকুট অব্যাহত থাকে‍ আৰু প্ৰীতি মানকোটিয়াৰ হাতত তুলি‍ দিয়ে। ^২

পৃষ্ঠপোষক ইভছ উইকলিৰ মৃত্যুৰ বাবে ১৯৮৯ আৰু ১৯৯০ চনৰ ভিতৰত কোনো সৌন্দৰ্য্য প্ৰতিযোগিতা অনুষ্ঠিত নহ’ল। ১৯৯১ চনত নতুন পৃষ্ঠপোষক ফেমিনাই দায়িত্ব লোৱাৰ পিছত পুনৰ প্ৰতিযোগিতাসমূহ আৰম্ভ হয়। ১৯৮৮ চনত মিছ ইণ্ডিয়া হিচাপে অভিষিক্ত হোৱাৰ উপৰিও ১৯৮৮ চনতেই অল ইণ্ডিয়া পিষ্টল শ্বুটিং চেম্পিয়নশ্বিপত সোণৰ পদক লাভ কৰিছিল।মডেলিং আৰু বহু সামগ্ৰীৰ ব্ৰেণ্ড এম্বেছাদৰ হোৱাৰ উপৰিও তেওঁ ভাৰত আৰু বিদেশৰ ৪০০ৰো অধিক শ্ব’ৰ ফেশ্বন মডেল আছিল। তেওঁ ৰাষ্ট্ৰীয় পৰ্যায়তো বেডমিণ্টন খেলিছিল। ৫ ফুট ১১ ইঞ্চি উচ্চতাত সেই সময়ত আটাইতকৈ ওখ অভিনেত্ৰী আছিল। তেওঁ গুৰুতৰভাৱে অসুস্থ হৈ পৰাত গুৰুতৰ সমস্যাৰ সন্মুখীন হৈছিল আৰু তেওঁৰ কেৰিয়াৰত বাধাৰ সৃষ্টি হৈছিল৷

১৯৯০-ৰ দশকৰ কেইবাখনো হিন্দী চলচ্চিত্ৰ আৰু টেলিভিছনত চন্দ্ৰকান্ত ত অভিনয় কৰিছিল, যিখন প্ৰচুৰ হিট হৈছিল৷ ১৯৮০ চনৰ পৰা নব্বৈৰ দশকৰ আৰম্ভণিতে শিখাক ভাৰতৰ অন্যতম বাঞ্ছনীয় মহিলা হিচাপে গণ্য কৰা হৈছিল। ১১খন চিনেমাত মুখ্য চৰিত্ৰত অভিনয় কৰিছিল, ইয়াৰে কিছুমানত বহু অভিনেতা আছিল; তেওঁ অভিনয় কৰা চিনেমাবোৰ হ'ল অনিল শৰ্মাৰ তহলকা, পুলিচৱালা গুণ্ডা, প্ৰাণলাল মেহতাৰ পুলিচ পাব্লিক, গুলচন কুমাৰৰ নাগ মণি, কায়দা কানুন, পিয়াৰ হুয়া চোৰী চোৰী, চিতা, থানেদাৰনি, আৰু আৱাজ দে কাহান হায়।

তেওঁৰ আন আন জনপ্ৰিয় টিভি শ্ব’সমূহ হ’ল হিমেশ ৰেশমিয়াৰ আন্দাজ, অমৰপ্ৰেম, অনুপমা, সুনীল অগ্নিহোত্ৰীৰ যুগ, আৰু সিদ্ধান্ত ভিজনৰ কাহান ছে কাহান টক। টিভি ধাৰাবাহিক কহানি চন্দ্ৰকান্ত কিৰ জৰিয়তে তেওঁ পুনৰ প্ৰত্যাৱৰ্তন কৰে। জি টিভি শ্ব' ৰামায়ণত কৈকেয়ীৰ চৰিত্ৰতো অভিনয় কৰিছিল।

ব্যক্তিগত জীৱন

তেওঁ হৈছে মৰমিয়াল পিতৃ-মাতৃৰ একমাত্ৰ সন্তান আৰু এক শান্ত আৰু সন্তুষ্ট জীৱন যাপন কৰে।তেওঁ বিবাহিত।

চলচ্চিত্ৰগ্ৰাফী

টেলিভিছন