শাবাব মুস্তাফা

শাবাব মুস্তাফা (জন্ম ২১ জুলাই ১৯৮৬) এগৰাকী বংলাদেশী ৱেব ডেভেলপাৰ আৰু ৱিকিমিডিয়া আন্দোলন বাংলাদেশৰ সভাপতি, লগতে একাউণ্টিঙৰ প্ৰাক্তন শিক্ষক, আৰু বাংলা ভাষাৰ প্ৰযুক্তি আৰু মুক্ত জ্ঞানৰ কৰ্মী।^১ তেওঁ উবুন্টু আৰু লিনাক্স ব্যৱহাৰকাৰীৰ স্বেচ্ছাসেৱী সংস্থাৰ সৈতে জড়িত। তেওঁৰ স্বেচ্ছাসেৱী কাম-কাজৰ ভিতৰত ৱিকিমিডিয়া বাংলাদেশৰ সৈতে তেওঁৰ জড়িততা আটাইতকৈ উল্লেখযোগ্য। ২০১২ চনৰ পৰা তেওঁ বিভিন্ন কাৰ্যকালৰ বাবে সংগঠনটোৰ কাৰ্যনিৰ্বাহক পৰিষদৰ সদস্য আৰু সভাপতি হিচাপে কাৰ্যনিৰ্বাহ কৰি আহিছে। ২০২৫ চনত তেওঁ মেহেদী হাসান খানৰ দলৰ সৈতে একেলগে অভ্ৰ প্ৰকল্পৰ বাবে বিজ্ঞান আৰু প্ৰযুক্তি বিভাগত কেইবাগৰাকী সহকৰ্মীৰ সৈতে মিলি একুশে পদক লাভ কৰে।^২৩৪

প্ৰাৰম্ভিক জীৱন

শাবাব মুস্তাফাৰ জন্ম হৈছিল ২১ জুলাই ১৯৮৬ তাৰিখে। তেওঁ ধানমণ্ডি গভৰ্ণমেণ্ট বয়চ’ হাইস্কুল আৰু ঢাকা চিটি কলেজত অধ্যয়ন কৰিছিল। পাছত তেওঁ ব্যৱসায় অধ্যয়নত স্নাতক ডিগ্ৰী সংগ্ৰহ কৰিছিল।^৫

জীৱিকা

শাবাব মুস্তাফাই প্ৰথমে একাউণ্টিং শিক্ষকৰূপে নিজৰ জীৱিকা আৰম্ভ কৰিছিল। পিছলৈ তেওঁ প্ৰযুক্তি ক্ষেত্ৰলৈ সংক্ৰমণ কৰে আৰু বৰ্তমানে এজন পেছাদাৰী ৱেব ডেভেলপাৰ হিচাপে কৰ্মৰত।^৬৭

স্বেচ্ছাসেৱী কাৰ্য

অভ্ৰ

শাবাব মুস্তাফাই অভ্ৰ কিব'ৰ্ডৰ সমৰ্থন মঞ্চৰ এখন মডাৰেটৰ হিচাপে সেৱা আগবঢ়াইছিল। ইয়াত তেওঁ ব্যৱহাৰকাৰীসকলৰ সমস্যা শুনি সমাধান কৰাত সহায় কৰিছিল। তেওঁ প্ৰভাত আৰু মুনিৰ অপ্টিমা কিব'ৰ্ড বিন্যাসসমূহ একত্ৰিত কৰাতো গুৰুত্বপূৰ্ণ ভূমিকা গ্ৰহণ কৰিছিল।^৮

ৱিকিমিডিয়া

তেওঁ ৱিকিমিডিয়া বাংলাদেশৰ এগৰাকী প্ৰতিষ্ঠাতা সদস্য। বিশ্বব্যাপী ৱিকিমিডিয়া আন্দোলন আন্দোলনৰ একাধিক সমিতি আৰু উপসমিতিতো তেওঁ সেৱা আগবঢ়াইছে। বংলা কম্পিউটিং প্ৰচাৰত যোগদান কৰাৰ উপৰি তেওঁ বংলাদেশৰ লিনাক্স সমাজৰ এজন সক্ৰিয় সংগঠক। ২০১২ চনৰপৰা ২০২৩ চনলৈকে তেওঁ ছয়বাৰ ৱিকিমিডিয়া বাংলাদেশৰ কাৰ্যনিৰ্বাহী সমিতি সদস্য আছিল, লগতে ২০১৮–১৯, ২০২২–২৩ আৰু ২০২৪–২৫ চনত সমিতিখনৰ সভাপতি হিচাপেও কৰ্মৰত আছিল।^৯

অন্যান্য কাৰ্যকলাপ

তেওঁ বংলা ভাষাৰ প্ৰযুক্তি-ভিত্তিক ফ'ৰাম "আমাদেৰ প্ৰযুক্তি ফ'ৰাম"ৰ প্ৰতিষ্ঠাতা মডাৰেটৰ।^১০ লগতে তেওঁ উবুণ্টু বাংলাদেশৰ আহ্বায়ক আছিল। লগতে বাংলাদেশ Linux Users Alliance-ৰ সদস্য আৰু Quantum Foundation-ৰ প্ৰাক্তন সদস্যও আছিল।

বঁটা আৰু স্বীকৃতি

২০২৫ চনত শাবাব মুস্তাফাই একুশে পদক লাভ কৰে।^১১ তেওঁ মেহেদী হাসান খান, ৰিফাত নাবি আৰু তানবিন ইছলাম চিয়ামৰ সৈতে অভ্ৰ কিব'ৰ্ডৰ উন্নয়নমূলক অৱদানৰ বাবে এই বঁটা লাভ কৰে।^১২১৩