শল্য−মুখা

শল্য−মুখা বা ছাৰ্জিকেল মাস্ক হৈছে চিকিৎসা সম্পৰ্কীয় কাৰ্যত ব্যৱহাৰ কৰিবৰ বাবে স্বাস্থ্য কৰ্মীসকলৰ বাবে নিৰ্মাণ কৰা বিশেষ ধৰণৰ মুখা।^১২ ইয়াক মুখ−আৱৰণ (Face mask) বুলিও কোৱা হয়। এই মাস্ক পিন্ধোতাজনৰ নাক আৰু মুখৰ পৰা ওলোৱা শ্বসন কণিকা আৰু থু−খেকাৰ টোপালত থকা বেক্টেৰিয়াৰ পৰা ৰোগী নাইবা চিকিৎসা কৰ্মীৰ সংক্ৰমণ ৰোধ কৰিবলৈ নিৰ্মাণ কৰা হয়।^৩৪৫ বায়ুৰ ক্ষুদ্ৰ বেক্টেৰিয়া বা ভাইৰাছক শ্বাস−প্ৰশ্বাসৰ জৰিয়তে প্ৰৱেশ কৰাত বাধা দিব পৰাকৈ এই মুখাবোৰ সক্ষম নহয়। অবশ্যে N95 বা FFP ৰ দৰে মুখাই ইণফ্লুৱেঞ্জাৰ দৰে ৰোগৰ বীজাণুক বাধা দিব পাৰে;^৬ আনহাতে পিছৰবিধ মুখাৱৰণ নিৰ্মাণ কৰা পদাৰ্থ, গঠন আৰু কঠিন ৰোধকৰ বাবে পৰীক্ষাগাৰৰ প্ৰয়োগসমূহত ব্যৱহাৰৰ বাবে অধিক কাৰ্যকৰী।^৭৮

সুৰক্ষা আৰু গুণগত দিশ অনুসৰি বিভিন্ন প্ৰকাৰৰ শল্য−মুখা পোৱা যায়। যদিও এই মুখাৰ নাম শল্য−মুখা, তথাপি সকলো শল্য−মুখা শল্য চিকিৎসা সময়ত পিন্ধাৰ বাবে উপযোগী নহয়। এনে মাস্কত ছাৰ্জিকেল, আইছ'লেচন, ডেণ্টেল, বা মেডিকেল আদি লেবেল লগোৱা থাকিবও পাৰে।^৯ চীনত চিকিৎসা মুখা (অ-শল্য) আৰু শল্য-মুখাৰ মাজত পাৰ্থক্য থকা দেখা যায়।^১০

শল্য−মুখাসমূহ মেল্ট ব্লৌয়িং পদ্ধতিত ঊণ-বিহীন কাপোৰৰ পৰা প্ৰস্তুত কৰা হয়। প্ৰায় ১৯৬০ চনৰ পৰা এনে মাস্কৰ ব্যৱহাৰ আৰম্ভ হৈছিল উন্নত দেশ বিলাকক বৃহৎ পৰিমাণত কাপোৰৰ মাস্কৰ সলনি ব্যৱহাৰ হৈছিল। ক'ভিড-১৯ বৈশ্বিক মহামাৰীৰ সময়ত শল্য-মুখাৰ ব্যৱহাৰ এটা বিতৰ্কৰ বিষয় হিচাপে পৰিগণিত হৈছিল,^১১ কিয়নো এই সময়ত এনে মাস্কৰ খুব অভাব ঘটিছিল।^১২১৩

বাহ্যিক সংযোগ

• Filtering out confusion. Frequently Asked Questions about Respiratory Protection, National Institute for Occupational Safety and Health
• Cleaning and Sterilisation of Anaesthetic Equipment
• Coronavirus disease (COVID-19) advice for the public: When and how to use masks