লাইলা হাছান

লাইলা হাছান, জন্ম: ১৯৪৬ চন, এগৰাকী বাংলাদেশী নৃত্য পৰিচালক, নৃত্যশিল্পী আৰু অভিনেত্ৰী।^১ বাংলাদেশ চৰকাৰে শিল্পৰ ক্ষেত্ৰত আগবঢ়োৱা অৱদানৰ বাবে ২০১০ চনত একুশে পদক বঁটা লাভ কৰে।^২

প্ৰাথমিক জীৱন আৰু শিক্ষা

হাছানৰ জন্ম হৈছিল ১৯৪৬ চনত ঢাকাৰ মুন্সিগঞ্জ জিলাৰ বিক্ৰমপুৰত। ১৯৭০ চনত ঢাকা বিশ্ববিদ্যালয়ৰপৰা দৰ্শনত এম এ ডিগ্ৰী লাভ কৰে।^১

কেৰিয়াৰ

হাছানে বুলবুল একাডেমী ফৰ ফাইন আৰ্টছ (BAFA)ৰ মণিবৰ্ধন মহাশয়, অজিত সন্যাল, বাবু ৰাম সিং, জি এ মান্নান আৰু শমাৰ ভট্টাচাৰ্যৰ পৰা নৃত্যৰ পাঠ লাভ কৰে।^৩

১৯৮০–৮৫ চনৰ ভিতৰত বাংলাদেশ টেলিভিছনত টিভি শ্ব’ ৰুমঝুমৰ উপস্থাপক আছিল। এই অনুষ্ঠানত ৰুমানা ৰছিদ ইশিতা, তাৰিন জাহান, শ্ৰবন্তি, ৰিয়া আৰু ৰিচি ছ'লাইমান তেওঁৰ ছাত্ৰ আছিল।^৩

হাছানে থিয়েটাৰ, টেলিভিছন নাটক আৰু ছবিত অভিনয় কৰিছে। তাৰ ভিতৰত উল্লেখযোগ্য হ’ল, "কংকাবতীৰ ঘাটে", ৰক্তকৰবি", "চুটি", "মায়াৰ খেলা", "ৰাজা ৰাণী", "তাছেৰ দেশ", "স্বৰ্গ হোতে বিদায়ে", "শ্যামল মাটিৰ ধৰাতোলে", "নীল দৰ্পণ", "দত্ত", "কেৰানীৰ জীবন", "টেমিং অৱ দ্য শ্ৰু" আৰু "নাক্ষী কনথাৰ মঠ", "মন পবনেৰ নাও","কাজল ৰেখা", "ভেলুৱা সুন্দৰী", "মহুৱা", "ৰাণী ভবনীৰ পাঠ", "ৰত্নদ্বীপ", "পাশাপাশি" আৰু "আশ্চৰ্য এক ৰাতেৰে গাল্পো আদি প্ৰডাকচনত তেওঁৰ অভিনয়।" তেওঁৰ অভিনয় কৰা ছবিসমূহ হ'ল 'ঘৰে বাইৰে', 'ফেলুদা' (২০০৭), 'টিনটৰেট্টো-এৰ জিছু' আৰু 'ই থো প্ৰেম' আৰু 'মনেৰ মানুষ'।^১

১৯৯০ চনত তেওঁ ‘নটৰাজ’ নামেৰে এটা নৃত্য সংগঠন প্ৰতিষ্ঠা কৰিছিল। আৰু ১৯৯৬ চনত নটৰাজে নায়েম হাছান ছুজাৰ সৈতে থিয়েটাৰ, মঞ্চ নাটক আৰম্ভ কৰে। লাইলা হাছানে নটৰাজত সঞ্চালক হিচাপে কাম কৰে আৰু নায়েম হাছান ছুজা মহাসচিবৰ পদ চম্ভালিছিল।^১ লাইলা হাছান বাংলা একাডেমী আৰু পশ্চিম বংগ নৃত্য ফেডাৰেচনৰ আজীৱন সদস্য। এছিয়াটিক ছ’চাইটিৰ সদস্য তথা বাংলাদেশৰ নৃত্য শিল্পী সংস্থাৰ সভানেত্ৰী।

হাছানে নৃত্যৰ ওপৰত দুখন গ্ৰন্থ হৃদয়ে বাজে নূপুৰ (১৯৯৬) আৰু নান্দনিকতাৰ ওপৰত মোহনৰূপীনামেৰে প্ৰকাশ কৰিছে।^৪

ব্যক্তিগত জীৱন

হাছানৰ বিবাহ অভিনেতা হাছান ইমামৰ সৈতে হৈছে।^৫ হাছানৰ ছয়গৰাকী ভাই-ভনী আছে। এগৰাকী ভগ্নী ডেইজী আহমেদ এগৰাকী অভিনেত্ৰী।^৫

বঁটা

লাইলা হাছানে কেইবাটাও উল্লেখযোগ্য বঁটা লাভ কৰে। তাৰ ভিতৰত ২০১০ চনত একুশে পদক, ২০০১ চনত বাচ্ছাছ বঁটা, ২০০১ চনত কাজী মাহবুব উল্লা বেগম জেবুনেছা ট্ৰাষ্ট বঁটা।