মেই জিন্দা হুঁ

মেই জিন্দা হুঁ ' (অনু. মই জীয়াই আছো; Ladies Only) ১৯৮৮ চনত সুধীৰ মিশ্ৰৰ দ্বাৰা ৰচিত আৰু পৰিচালিত এখন ভাৰতীয়, হিন্দী ভাষাৰ নাট্যধৰ্মী ছবি, য'ত ৰাজেন্দ্ৰ গুপ্ত, পংকজ কাপুৰ, দীপ্তি নাভাল আৰু আলোক নাথে অভিনয় কৰিছে।^১

৩৬তম ৰাষ্ট্ৰীয় চলচ্চিত্ৰ বঁটাত এই ছবিখনে সামাজিক বিষয়ৰ শ্ৰেষ্ঠ ছবিৰ ৰাষ্ট্ৰীয় চলচ্চিত্ৰ বঁটা লাভ কৰে।^২ ছবিখন ভাৰতৰ ৰাষ্ট্ৰীয় চলচ্চিত্ৰ উন্নয়ন নিগমে (NFDC) প্ৰযোজনা কৰিছিল। ২০১২ চনত চলচ্চিত্ৰ পুনৰুদ্ধাৰ প্ৰকল্পত এইখনকো অন্তৰ্ভুক্ত কৰা হৈছিল, য'ত ৮০খন ভাৰতীয় চলচ্চিত্ৰৰ ধ্ৰুপদী ছবি জড়িত আছিল।^৩

প্লট

বীনা গাঁৱৰ ছোৱালী। চহৰৰ এটা মধ্যবিত্ত পৰিয়াললৈ তেওঁৰ বিয়া হৈছিল। পিছে বিয়াৰ বেছিদিন নহওতেই গিৰিয়েকে তেওঁক এৰি যায়। তেওঁ কাম আৰম্ভ কৰে আৰু নিজৰ পৰিয়ালটো পোহপাল দিয়ে। অৱশেষত তেওঁ সহকৰ্মী এজনৰ প্ৰেমত পৰে আৰু তেতিয়াই তেওঁৰ স্বামী ঘূৰি আহে।^৪৫