মুকুন্দ ৰাজবংশী

ড° মুকুন্দ ৰাজবংশী (Dr.Mukunda Rajbongshi) হৈছে এগৰাকী অসমীয়া লেখক৷ তেখেতৰ ঘৰ লখিমপুৰ জিলাত৷ ডঃ মুকুন্দ ৰাজবংশী উত্তৰ লখিমপুৰ মহাবিদ্যালয়ৰ গণিত বিষয়ৰ প্ৰাক্তন মুৰব্বী অধ্যাপক আছিল আৰু লখিমপুৰ বালিকা মহাবিদ্যালয়ৰ প্ৰাক্তন অধ্যক্ষ আছিল। বৰ্তমান তেখেত জিনিয়াছ একাডেমীৰ পৰিচালন সম্পাদক হিচাপে কৰ্মৰত৷

জন্ম আৰু বংশ পৰিচয়

ডঃ মুকুন্দ ৰাজবংশীৰ জন্ম হৈছিল ১৯৪১ চনৰ ১ নৱেম্বৰ তাৰিখে,ডিব্ৰুগড়ত।^১

শিক্ষা

ডঃ মুকুন্দ ৰাজবংশীদেৱে ১৯৬৬ চনত গুৱাহাটী বিশ্ববিদ্যালয়ৰ পৰা গণিত বিষয়ত এম. এছ.চি. আৰু ১৯৮২ চনত হায়দৰাৱাদৰ ওছমানিয়া বিশ্ববিদ্যালয়ৰ পৰা গণিত বিষয়ত স্নাতকোত্তৰ ডিগ্ৰী আৰু পি.এইচ.ডি ডিগ্ৰী লাভ কৰে।^২

চাকৰি জীৱন

ডঃ মুকুন্দ ৰাজবংশীদেৱ উত্তৰ লখিমপুৰ মহাবিদ্যালয়ৰ গণিত বিষয়ৰ প্ৰাক্তন মুৰব্বী অধ্যাপক আছিল আৰু লখিমপুৰ বালিকা মহাবিদ্যালয়ৰ প্ৰাক্তন অধ্যক্ষ। বৰ্তমান তেওঁ উত্তৰ লখিমপুৰ অৱস্থিত জিনিয়াছ একাডেমি জুনিয়ৰ কলেজৰ পৰিচালন সম্পাদক।^৩

গ্ৰন্থৰ তালিকা

প্ৰকাশিত পুথি:-

(১) নতুন যুগৰ নতুন শিক্ষা

(২) আধুনিক শিক্ষাৰ বলিচাপৰিত

(৩) বিজ্ঞান সংস্কৃতি (দ্বিতীয় সংস্কৰণ)

(৪) সফল জীৱনৰ অভিমুখে

(৫) গণিতৰ কিছু কথা

(৬) জ্ঞানৰ প্ৰাচুৰ্য

(৭) সাংবাদিক জীৱনত এভুমুকি

সম্পাদিত পুথি:-

(৮) Science Education (In the pursuit of New Education Policy) (প্ৰকাশক:- Lakhimpur Science Society)

(৯) Sister Nivedita (প্ৰকাশক:- Vivekananda Kendra Institute of Culture)^৪