মাইয়া দ্য ডন

মাইয়া আৰ্লি, পেছাদাৰীভাৱে মাইয়া দ্য ডন নামেৰে পৰিচিত, এগৰাকী আমেৰিকান ৰেপাৰ আৰু গীতিকাৰ। তেওঁ তেওঁৰ গীত "টেলফি"ৰ বাবে বেছিকৈ পৰিচিত।

জীৱন আৰু জীৱিকা

মাইয়া আৰ্লি^১ নিউয়ৰ্ক মহানগৰৰ ব্ৰুকলিনত জন্মগ্ৰহণ কৰিছিল।^২ কৈশোৰ কালৰ পৰাই তেওঁ ৰেপিং উপভোগ কৰিছিল আৰু নিজৰ ভায়েকৰ সৈতে বেটল ৰেপ কৰিছিল।^৩৪

"মাইয়া দ্য ডন" নামৰে, তেওঁ প্ৰথমে টিক্‌টক্‌ত বিউটি-সম্পৰ্কীয় সামগ্ৰীবোৰৰ ভিডিঅ' তৈয়াৰ কৰিছিল।^১ ২০২২ চনত, প্ৰায় ৫ লাখ অনুসৰণকাৰী থাকোঁতে, তেওঁ সংগীত সৃষ্টি আৰু মুক্তিৰ দিশত ধাবিত হয়।^১২ "চিৰাক" আৰু "২২২" শীৰ্ষক গানসমূহৰ জৰিয়তে তেওঁ টিক্‌টক্‌ত জনপ্ৰিয়তা লাভ কৰে।^১

তেওঁৰ সফল গীত "টেলফি" ২০২২ চনৰ অক্টোবৰ মাহত মুক্তি পায়, আৰু ইউটিউবত প্ৰায় ১০ লাখ দৰ্শন লাভ কৰে।^২৫ এই গীতটো টেলফাৰ ব্ৰেণ্ডৰ জনপ্ৰিয় বেগৰ বিষয়ে উল্লেখ কৰে।^২

২০২৩ চনৰ জানুৱাৰীত, তেওঁ আৰু ব্ৰুকলিনৰ আন এজন ৰেপাৰ লোলা ব্ৰুক ফ্ল’ মিলিৰ "Conceited" ৰিমিক্সত বিশেষ শিল্পী হিচাপে অংশ গ্ৰহণ কৰে।^২ তেওঁ নিউ ইয়ৰ্ক ফেশ্বন উইকত MEFeater-ৰ গেলেনটাইনৰ অনুষ্ঠানত পৰিৱেশন কৰে।^৬ ২০২৩ চনৰ মাৰ্চত, টিক্‌টকে #WomeninHipHop অভিযানৰ অংশ হিচাপে তেওঁক "Visionary Voices" সন্মান প্ৰদান কৰে।^১

২০২৩ চনৰ শেষৰ ফালে, তেওঁ ফ্ল’ মিলিৰ "থেংচ ফ'ৰ কামিং হিয়াৰ, হো" পৰ্য্যটনত সহায়ক শিল্পী হিচাপে অংশগ্ৰহণ কৰে।^৭

তেওঁৰ প্ৰথম এলবাম "Hot Commodity" RCAৰ অধীনত ২০২৩ চনৰ অক্টোবৰ মাহত মুক্তি পাইছিল।^৮

২০২৪ চনত, তেওঁ XXL Freshman Class ২০২৪ৰ বাবে নিৰ্বাচিত হৈছিল।

বাহ্যিক সংযোগ

• ইনষ্টাগ্ৰামত মাইয়া দ্য ডন
• AllMusic-ত মাইয়া দ্য ডন