কেনি ৰজাৰচ্‌

কেনেথ ৰে ৰজাৰ্ছ জন্মগত নাম কেনেথ ডোনাল্ড ৰজাৰ্ছ। জন্ম হৈছিল ২১ আগষ্ট, ১৯৩৮ চনত আৰু মৃত্যু হৈছিল ২০ মাৰ্চ, ২০২০ চনত। তেওঁ এগৰাকী আমেৰিকা যুক্তৰাষ্ট্ৰৰ গায়ক আৰু গীতিকাৰৰ লগতে অভিনেতাও আছিল। ২০১৩ চনত তেওঁক কাণ্ট্ৰী মিউজিক হল অৱ ফেমত অন্তৰ্ভুক্ত কৰা হয়।^১ ৰজাৰ্ছ বিশেষভাৱে দেশীয় দৰ্শকৰ মাজত জনপ্ৰিয় আছিল যদিও বিভিন্ন ধাৰাত ১২০ টাতকৈও অধিক হিট একক গীতৰ তালিকাত স্থান লাভ কৰিছিল। কেৱল আমেৰিকাত ২০০ৰো অধিক ব্যক্তিগত সপ্তাহ ধৰি দেশীয় আৰু পপ এলবামৰ তালিকাত শীৰ্ষস্থান দখল কৰিছিল। তেওঁ জীৱনকালত বিশ্বজুৰি ১০ কোটিতকৈও অধিক ৰেকৰ্ড বিক্ৰী কৰিছিল। যাৰ ফলত তেওঁ সৰ্বকালৰ অন্যতম সৰ্বাধিক ৰেকৰ্ড বিক্ৰী হোৱা সংগীত শিল্পী হিচাপে পৰিগণিত হৈছিল।^২তেওঁৰ আটাইতকৈ পৰিচিত গীতসমূহৰ ভিতৰত "দ্য গেম্বলাৰ" আৰু "লুচিল" অন্যতম। তেওঁ কেইবাখনো চিনেমা আৰু টেলিভিছন ধাৰাবাহিকত অভিনয় কৰিছিল। তেওঁৰ "কেনি ৰজাৰ্ছ ৰোষ্টাৰছ" নামৰ ৰোষ্ট চিকেন ৰেষ্টুৰেণ্টৰ গৰাকীও আছিল।

ব্যক্তিগত জীৱন

ৰজাৰ্ছে পাঁচবাৰ বিয়া কৰাইছিল আৰু তেওঁৰ পাঁচজন সন্তান আছিল। ১৯৫৮ চনৰ ১৫ মে’ত জেনিছ গৰ্ডনৰ সৈতে তেওঁৰ প্ৰথম বিবাহ সম্পন্ন হয়। ১৯৬০ চনৰ এপ্ৰিল মাহত তেওঁলোকৰ বিবাহ বিচ্ছেদ হয়।^৩ ১৯৬০ চনৰ অক্টোবৰ মাহত তেওঁ দ্বিতীয় পত্নী জিনক বিয়া কৰাই আৰু ১৯৬৩ চনত তেওঁৰ বটবাহ বিচ্ছেদ হয়। ১৯৬৩ চনৰ অক্টোবৰ মাহত মাৰ্গো এণ্ডাৰছনৰ সৈতে তেওঁৰ তৃতীয় বিবাহ হয় আৰু ১৯৭৫ চনত তেওঁলোকৰ বিবাহ বিচ্ছেদ হয় আৰু বিচ্ছেদৰ সময়ত তেওঁলোকৰ এটা সন্তান আছিল।^৪ ১৯৭৭ চনৰ ১ অক্টোবৰত তেওঁৰ চতুৰ্থ পত্নী অভিনেত্ৰী মেৰিয়ান গৰ্ডনক বিয়া কৰায় আৰু ১৯৯৩ চনত তেওঁলোকৰ বিবাহ বিচ্ছেদ হয় আৰু এজন পুত্ৰ ক্ৰিষ্টোফাৰৰ সৈতে বিবাহ বিচ্ছেদ হয়। ১৯৯৭ চনৰ ১ জুনত ৱাণ্ডা মিলাৰৰ সৈতে তেওঁৰ পঞ্চম বিবাহ হয়। তেওঁলোকৰ যমজ পুত্ৰ আছিল আৰু তেওঁৰ মৃত্যুৰ আগলৈকে ২২ বছৰ ধৰি একেলগে আছিল।

মৃত্যু

২০১৭ চনত ৰজাৰ্ছৰ সাত দশকৰ কেৰিয়াৰ শেষ হবলৈ ধৰে স্বাস্থ্যজনিত কাৰণত। মূত্ৰাশয়ৰ কৰ্কট ৰোগৰ চিকাৰ হবলগীয়া হয়।^৫ ২০২০ চনৰ ২০ মাৰ্চত জৰ্জিয়াৰ ছেণ্ডী স্প্ৰিংছত থকা নিজৰ ঘৰত হস্পিচে যত্ন লোৱাৰ সময়ত ৮১ বছৰ বয়সত ৰজাৰ্ছৰ মৃত্যু হয়। ^৬৭ আটলাণ্টাৰ অকলেণ্ড কবৰস্থানত তেওঁক সমাধিস্থ কৰা হয়। ^৮

অভিনয় জীৱন

বোলছবি