এমিলি আৰ্মষ্ট্ৰং

এমিলি মাৰ্চিয়া আৰ্মষ্ট্ৰং (Emily Marcia Armstrong; জন্ম: ৬ মে', ১৯৮৬) এগৰাকী আমেৰিকান গায়িকা আৰু গীটাৰিষ্ট। তেওঁ ডেড ছাৰাৰ সহ-প্ৰতিষ্ঠাপক আছিল৷ ২০২৪ চনৰ ছেপ্টেম্বৰ মাহত লিংকিন পাৰ্ক পুনৰ সংঘবদ্ধ হোৱা মুহূৰ্তত তেওঁ মুখ্য গায়িকা হিচাপে পৰিচিত হয়৷ বেণ্ডটোৰ এই পুনৰ্মিলন তেওঁলোকৰ দীৰ্ঘদিনীয়া মুখ্য কণ্ঠশিল্পী চেষ্টাৰ বেনিংটনৰ মৃত্যুৰ সাত বছৰৰ পাছত হৈছে।

প্ৰাৰম্ভিক জীৱন

আৰ্মষ্ট্ৰঙৰ লছ এঞ্জেলছত জন্ম হৈছিল। তেওঁৰ পিতৃ-মাতৃ চাৰ্চ অৱ চাইন্টোলজিৰ বিশিষ্ট সদস্য আছিল আৰু তেওঁ চাইন্টোলজিষ্ট হিচাপে ডাঙৰ-দীঘল হৈছিল।^১ ১১ বছৰ বয়সত তেওঁ গীত লিখিবলৈ আৰু গীটাৰ বজাবলৈ আৰম্ভ কৰিছিল, আৰু ১৫ বছৰ বয়সত গান গাবলৈ আৰম্ভ কৰিছিল।তেওঁ হাইস্কুল এৰিছিল৷ তেখেতে কয় যে তেওঁ ৰক বেণ্ডত থাকিব বিচাৰে আৰু আন একো কাম কৰাৰ কোনো আগ্ৰহ নাই।^২ ২০১২ চনত এল পাছ' টাইমছৰ সৈতে হোৱা এক সাক্ষাৎকাৰত আৰ্মষ্ট্ৰঙে কয় যে সংগীতেই তেওঁক জীৱনত অনুপ্ৰাণিত কৰি ৰখা একমাত্ৰ বস্তু।^৩