মল্লিকা দুৱা

মল্লিকা দুৱা (জন্ম ১৮ জুলাই ১৯৮৯) এগৰাকী ভাৰতীয় কৌতুকাভিনেত্ৰী, অভিনেত্ৰী আৰু লেখিকা। শিট পিপল ছে: সৰোজিনী নগৰ এডিশ্বন নামৰ ভাইৰেল ভিডিঅ’টোৰ জৰিয়তে তেওঁ বিশেষভাৱে জনপ্ৰিয়তা লাভ কৰে।^১ ভিডিঅ’টো তেওঁ নিজে লিখি, ৰূপায়ণ কৰি আৰু অভিনয় কৰিছিল। তেওঁ পদ্মশ্ৰী সন্মানপ্ৰাপ্ত সাংবাদিক বিনোদ দুৱাৰ কন্যা।^২

প্ৰাৰম্ভিক জীৱন

দুৱাই দিল্লীৰ মডাৰ্ন স্কুল, বাৰাখম্বা ৰোডত শিক্ষালাভ কৰে। তেওঁ আংশিক ছাৰাইকি আৰু আংশিক তামিল ভাষা পৰিয়ালৰ সন্তান। সামাজিক মাধ্যমত তেওঁৰ চুটি ভিডিঅ’বোৰৰ প্ৰেৰণা মূলতঃ দিল্লীৰ দৈনন্দিন জীৱনৰ পৰা আহে। তেওঁ আমেৰিকাৰ ফ্ৰেংকলিন এণ্ড মাৰ্শাল কলেজত থিয়েটাৰ বিষয়ত অধ্যয়ন কৰে। বিজ্ঞাপন ক্ষেত্ৰত তেওঁৰ কৰ্মজীৱন মেককেইন এৰিকছনত প্ৰশিক্ষণাৰ্থী হিচাপে আৰম্ভ হয় আৰু পিছলৈ কণ্ট্ৰেক্ট এডভাৰ্টাইজিঙতো কাম কৰে।^৩

সাংবাদিক পিতৃ বিনোদ দুৱাৰ বাবে সৰুৰে পৰাই তেওঁ সংবাদ-মাধ্যমৰ পৰিৱেশৰ সৈতে পৰিচিত হয়। পিতৃৰ অনুৰোধত তেওঁ চাৰিবছৰ বয়সৰ পৰাই শাস্ত্ৰীয় সংগীত শিক্ষা আৰম্ভ কৰে, যদিও সংগীতক তেওঁ কেতিয়াও পেছা হিচাপে বাছনি কৰা নাছিল।^৪

কেৰিয়াৰ

২০১৬ চনৰ আগষ্ট মাহত দুৱা পূৰ্ণসময়ৰ বিনোদনশিল্পী হিচাপে কাম কৰিবলৈ মুম্বাইলৈ যায়। ২০১৭ চনত তেওঁ নিজা ইউটিউব চেনেল আৰম্ভ কৰে আৰু অল ইণ্ডিয়া বেকচডৰ সৈতে নিয়মিতভাৱে সহযোগিতা কৰে।^৫

তেওঁ দ্য ট্ৰিপ ৱেব শৃংখলাত অভিনয় কৰে আৰু ২০১৭ চনত হিন্দী মিডিয়াম চলচ্চিত্ৰত ইৰফান খানৰ সৈতে পৰ্দা ভাগ কৰে।^৬ ২০১৮ চনত তেওঁ নমস্তে ইংলেণ্ড আৰু জিৰো চলচ্চিত্ৰত অভিনয় কৰে।^৭ ২০২০ চনত ইন্দু কি জৱানী চলচ্চিত্ৰতো তেওঁ অভিনয় কৰে।

সক্ৰিয়তা

দুৱাৰ ভিডিঅ’বোৰ ব্যঙ্গাত্মক স্বভাৱৰ, য’ত সমাজৰ বাস্তৱ সমস্যাবোৰক হাস্যৰসৰ সৈতে উপস্থাপন কৰা হয়। তেওঁ নাৰীবাদৰ পক্ষে সজোৰে মত প্ৰকাশ কৰে আৰু সামাজিক মাধ্যমত মহিলা সশক্তিকৰণ, যৌন হাৰাশাস্তি, বডি-শ্যামিং আদি বিষয়ত সজাগতা সৃষ্টি কৰে।^৮

চলচ্চিত্ৰ

ৱেব শৃংখলা