ভিয়েনা

ভিয়েনা (;^১২ Wien, ) অষ্ট্ৰিয়াৰ নখন প্ৰদেশৰ এখন। ই অষ্ট্ৰিয়াৰ ভিতৰতে সৰ্ববৃহৎ মহানগৰী আৰু ইয়াৰ ৰাজধানী। এই মহানগৰৰ জনসংখ্যা প্ৰায় ১.৮ মিলিয়ন যি অষ্ট্ৰিয়াৰ মুঠ জনসংখ্যাৰ এক তৃতীয়াংশ। ^৩ জনসংখ্যাৰ ফালৰ পৰা ভিয়েনা ইউৰোপিয়ান ইউনিয়নৰ ভিতৰত সপ্তম বৃহৎ মহানগৰ। বিংশ শতাব্দীৰ আৰম্ভণিলৈকে এই মহানগৰীৰ বিশ্বৰ সৰ্ববৃহৎ জাৰ্মান ভাষী বসবাস কৰা মহানগৰৰূপে পৰিগণিত হৈছিল।^৪ বৰ্তমান বাৰ্লিনৰ পিছতে জাৰ্মানভাষী লোকৰ জনসংখ্যাৰ ক্ষেত্ৰত এই মহানগৰীৰ স্থান দ্বিতীয়।^৫৬ ৰাষ্ট্ৰসংঘ, অপেক (OPEC)-কে ধৰি ভিয়েনাত ভালেসংখ্যক আন্তৰাষ্ট্ৰীয় সংগঠন আছে।

ভৌগোলিক অৱস্থান

ভিয়েনা অষ্ট্ৰিয়াৰ পূবে অৱস্থিত। এই চহৰৰ সীমাত চেক ৰিপাব্লিক, শ্ল’ভাকিয়া আৰু হাংগেৰী অৱস্থিত। সীমামূৰীয়া ব্ৰেটিছলাভা (Bratislava)-ৰ সৈতে ভিয়েনাই তিনি মিলিয়ন লোকৰ এক মেট্ৰ’পলিটান মহানগৰৰ সৃষ্টি কৰিছে। ২০০১ চনত ইয়াৰ চিটি চেণ্টাৰক ইউনেষ্ক’ই ৱৰ্ল্ড হেৰিটেজ ছাইট ৰূপে স্বীকৃতি দিছে।^৭

মুখ্য আকৰ্ষণ

ভিয়েনা চহৰৰ প্ৰসিদ্ধ সংগীতৰ ধাৰাৰ বাবে এই চহৰক সংগীতৰ চহৰ (City of Music) বুলি জনা যায়। ^৮ এই চহৰ বিংশ শতিকাৰ প্ৰাৰম্ভতে ইউৰোপিয়ান সংগীতৰ এক কেন্দ্ৰবিন্দু হৈ উঠে। তদুপৰি এই চহৰ বিশ্বৰ প্ৰথম মনোবিজ্ঞানী (psycho-analyst) চিগমুণ্ড ফ্ৰয়েদ (Sigmund Freud) ৰো গৃহ চহৰ।^৯ এই চহৰখন প্ৰাচীন অট্টালিকা, বাগিচা আৰু নানা ঐতিহাসিক কৃতীচিহ্নৰেও পৰিপূৰ্ণ।^১০

মাৰচাৰ (Mercer) নামৰ মানৱ-সম্পদ বিকাশৰ এক সংগঠনৰ বাৰ্ষিকভাৱে চলাই অহা ’জীৱন ধাৰণৰ মানদণ্ড ( "Quality of Living") শীৰ্ষক ছাৰ্ভেত ২০০৯ ৰ পৰা ২০১৫ চনলৈ একেৰাহে ভিয়েনাই বিশ্বৰ সকলো মহানগৰক পিছ পেলাই সৰ্বোচ্চ স্থান দখল কৰি আহিছে। ^{১১১২১৩১৪১৫১৬} অন্য এক একে বিষয়ৰ ছাৰ্ভে (Monocle) ত ২০১৫ ত বিশ্বৰ মুখ ২৫খন মহানগৰৰ ভিতৰত ভিয়েনাই দ্বিতীয় স্থান দখল কৰিবলৈ সক্ষম হয়। ^{১৭১৮১৯২০২১}

বাহ্যিক সংযোগ

• Pippal, M.: A short History of Art in Vienna, Munich: C.H. Beck 2000, ISBN 978-3-406-46789-9, provides a concise overview.
• Dassanowsky, Robert ed,: "World Film Locations: Vienna", London: Intellect/Chicago: U of Chicago Press, 2012, ISBN 978-1-84150-569-5. International films about Vienna or Austria shot on location throughout cinema history.