ব্ৰুনা মাৰ্কেজিনি

ব্ৰুনা ৰেইছ মাইয়া^১২ (জন্ম ৪ আগষ্ট ১৯৯৫)^৩, পেছাগতভাৱে ব্ৰুনা মাৰ্কেজিনি নামে জনাজাত, এগৰাকী ব্ৰাজিলিয়ান অভিনেত্ৰী, চলচ্চিত্ৰ নিৰ্মাতা আৰু মডেল। তেওঁ ২০০০ চনত শিশু কাৰ্যসূচী জেন্টে ইনোচেণ্টেত শিশু সাক্ষাৎকাৰগ্ৰহণকাৰী হিচাপে টেলিভিছনত আত্মপ্ৰকাশ কৰে। তাৰ পিছত তেওঁ একাধিক টেলেনোভেলাত অভিনয় কৰে। তেওঁৰ কেৰিয়াৰত তেওঁ ট্ৰফেউ ইম্প্ৰেন্সা^৪, কণ্টিগো! বঁটা (২০০৪)^৫ আৰু য়ং ব্ৰাজিলিয়ান এৱাৰ্ড আদি বঁটা লাভ কৰিছে। ২০২৩ চনত মুক্তিপ্ৰাপ্ত ডিচি ইউনিভাৰ্ছ চলচ্চিত্ৰ ব্লু বিটলত তেওঁ জেনি কৰ্ড চৰিত্ৰত অভিনয় কৰে, যি চৰিত্ৰটো হৈছে জেইমি ৰেইছৰ প্ৰেমৰ আগ্ৰহ। জেইমি ৰেইছ চৰিত্ৰত অভিনয় কৰিছে শোলো মাৰিদুৱেনিয়ায়ে।

প্ৰাৰম্ভিক জীৱন

ব্ৰুনা মাৰ্কেজিনিৰ জন্ম ডুকে দে কাশিয়াছত হৈছিল, যি বাইক্সাদা ফ্লুমিনেন্সে অঞ্চলত অৱস্থিত আৰু ৰিঅ’ দে জেনেইৰু চহৰৰ উপনগৰ হিচাপে পৰিগণিত।^৩ তেওঁৰ জন্মনাম ব্ৰুনা ৰেইছ মাইয়া। তেওঁ নিজৰ পিতৃ-পক্ষীয় আইতাকৰ সন্মানত “মাৰ্কেজিনি” উপাধি গ্ৰহণ কৰে, যাৰ ইটালীয়ান বানান হৈছে Marchesini। তেওঁৰ আইতাক ইটালীয়ান বংশোদ্ভূত আছিল।^৬১২ ৯ বছৰ বয়সত তেওঁ নিজৰ পৰিয়াল— পিতৃ তেল্মো (এজন কাঠমিস্ত্ৰী), মাতৃ নেইদে আৰু সৰু ভগ্নী লুৱানাৰ সৈতে বাৰা দা তিজুকালৈ স্থানান্তৰিত হয়।^৭

ব্যক্তিগত জীৱন

২০১৯ চনত মাৰ্কেজিনিয়ে বাৰা দা তিজুকাত এখন প্ৰাসাদ সদৃশ ঘৰ ক্ৰয় কৰে।^৮

২০১৮ চনত মাৰ্কেজিনিয়ে প্ৰকাশ কৰে যে তেওঁ অতীতত দেহ-ছবি সম্পৰ্কীয় মানসিক সমস্যাৰ লগতে হতাশা আৰু আত্মসম্মানজনিত সমস্যাত ভুগিছিল। এই সমস্যাসমূহ তেওঁৰ দেহ সম্পৰ্কে অনলাইন মন্তব্যসমূহৰ ফলত বৃদ্ধি পাইছিল।^৯

২০১৩ চনৰ পৰা ২০১৪ চনলৈ মাৰ্কেজিনি ব্ৰাজিলীয়ান পেছাদাৰী ফুটবলাৰ নেইমাৰৰ সৈতে সম্পৰ্কত আছিল।^১০

২০২৪ চনৰ আগষ্ট মাহত অভিনেতা, গায়ক আৰু ডিজিটেল প্ৰভাৱক জোাঁও গিলহেৰ্মেয়ে নিশ্চিত কৰে যে তেওঁ মাৰ্কেজিনিৰ সৈতে সম্পৰ্কত আছে।^১১