বিক্ৰমজিৎ কঁৱৰপাল

বিক্ৰমজিৎ কঁৱৰপাল (২৯ আগষ্ট ১৯৬৮ – ১ মে ২০২১) এজন ভাৰতীয় চলচ্চিত্ৰ আৰু দূৰদৰ্শন অভিনেতা আছিল। তেওঁ এজন অৱসৰপ্ৰাপ্ত সেনা বিষয়া আছিল। কঁৱৰপালে বহুতো চলচ্চিত্ৰ আৰু দূৰদৰ্শন ধাৰাবাহিকত সহায়কৰ ভূমিকাত অভিনয় কৰিছিল।^১ কঁৱৰপালে ২৪ নামৰ জনপ্ৰিয় দূৰদৰ্শন ছিৰিজত অভিনেতা অনিল কাপুৰৰ সৈতে অভিনয় কৰিছিল।^২ ২০২১ চনত তেওঁ কৰ'নাভাইৰাছ ৰোগ ২০১৯ত আক্ৰান্ত হৈ মৃত্যুবৰণ কৰে।^৩৪

প্ৰাৰম্ভিক জীৱন আৰু কেৰিয়াৰ

কঁৱৰপালৰ জন্ম ভাৰতৰ হিমাচল প্ৰদেশৰ চোলানত হৈছিল। তেওঁ ১৯৬৩ চনত কীৰ্তি চক্ৰ লাভ কৰা ভাৰতীয় সেনা বিষয়া দ্বাৰকা নাথ কঁৱৰপালৰ পুত্ৰ আছিল। ১৯৮৬ চনত বিক্ৰমজিৎ কঁৱৰপালে ছানাৱাৰৰ লৰেন্স স্কুলৰ পৰা উচ্চতৰ মাধ্যমিক পৰীক্ষা সম্পূৰ্ণ কৰে আৰু ১৯৮৯ চনত তেওঁ ভাৰতীয় সেনাবাহিনীত নিযুক্ত হয়। তেওঁ ২০০২ চনত মেজৰ হিচাপে সেনাৰ পৰা অৱসৰ গ্ৰহণ কৰে। ২০০৩ চনত, তেওঁ এজন অভিনেতা হোৱাৰ শৈশৱৰ সপোন পূৰণ কৰিবলৈ বলীউডত আত্মপ্ৰকাশ কৰে আৰু পৰৱৰ্তী সময়ত কেইবাখনো চলচ্চিত্ৰত অভিনয় কৰে।^৫