বাৰ্নহাৰ্ড ৰিমান

জৰ্জ ফ্ৰিডৰিখ বাৰ্নহাৰ্ড ৰিমান (ছেপ্তেম্বৰ ১৭, ১৮২৬ – জুলাই ২০, ১৮৬৬) এজন প্ৰভাৱশালী জাৰ্মান ভাষা গণিতজ্ঞ আছিল। গাণিতিক বিশ্লেষণ, সংখ্যা-তত্ত্ব আৰু অৱকলজীয় জ্যামিতিলৈ তেওঁ চিৰকলীয়া অৱদান আগবঢ়াই থৈ গৈছে। তেওঁৰে আৱিস্কাৰ ৰিমান জ্যামিতি পিছলৈ এলবাৰ্ট আইনষ্টাইনৰ সাধাৰণ আপেক্ষিকতাবাদৰ গাণিতিক ভেঁটি হয়গৈ।

জন্ম আৰু বংশ পৰিচয়

১৮২৬ চনৰ ১৭ ছেপ্টেম্বৰত হানোভাৰ ৰাজ্য ( বৰ্তমান জাৰ্মানী ) ডানেনবাৰ্গৰ উচৰৰ ব্ৰেছেনেলজ নামৰ এখন গাঁৱত ৰীমনৰ জন্ম হয় দেউতাকৰ নাম ফ্ৰেডৰিক ৰীমান আৰু মাকৰ নাম চাৰ্লত এবেলব। তেখেতৰ দেউতাক এজন দুখীয়া লুথৰীয়া নেতা আছিল। ≤^১

শিক্ষা

তেখেত প্ৰথম হানোভাৰ স্থানীয় মাধ্যমিক বিদ্যালয়ত অধ্যয়ন কৰে। আৰু পিছত ১৮৪২ চনত আইকৰ মৃত্যুৰ পিছত হানোভাৰৰ পৰা গুচি আহি লুনেবাৰ্গত উচ্চ বিদ্যালয় অধ্যায়ন কৰে। ১৮৪৬ চনত তেওঁ গুৰ্টিনজেন বিশ্ববিদ্যালয়লৈ গৈ ধৰ্মতত্ত্ব বিভাগত নাম লগায়। কিন্তু ৰীমানে গুৰ্টিনজেনত গণিত অধ্যয়ন কৰিবলৈ ল'লেও ১৮৪৭ চনত তেওঁ ' ট্ৰেন্সফাৰ ' লৈ বাৰ্লিন বিশ্ববিদ্যালয়লৈ যায় আৰু তাত গণিত বিষয়ৰ অধ্যয়নত নিজকে নিমগ্ন কৰে। পাছে ১৮৪৯ চনত তেওঁ পুনৰ গুৰ্টিনজেনলৈ ঘূৰি আহে।^২

কৰ্মজীৱন

১৮৪৭ চনত ৰীমানে গুৰ্টিনজেন বিশ্ববিদ্যালয়ৰ নিয়মীয়া দৰমহা পোৱা। এজন শিক্ষক হিচাপে নিযুক্ত হয়। ১৮৫৯ চনত লেজেৰ্ডন দিৰিছলেটৰ মৃত্যুৰ পিছত ৰীমান গুৰ্টিনজেন বিশ্ববিদ্যালয়ৰ গণিত বিষয়ৰ মুৰব্বী অধ্যাপক হয় ৰিমানে ' উচ্চতৰ মাত্ৰা ' তত্ত্বৰ আধাৰত এক গানিতিক প্ৰবন্ধ প্ৰস্তুত কৰি ১৮৫৪ চনত এক বক্তৃতা দিলে। তেওঁৰ মৃত্যুৰ দুবছৰ পাছত ১৮৬৮ চনত এই নিবন্ধ তথা গৱেষণাপত্ৰ ছপা ৰূপত প্ৰকাশিত হৈছিল। ১৭৫৯ চনত ৰীমানে ফৰিয়াৰ ছিৰিজ, জাৰ্তিল বিশ্লেষণ আৰু ' এনালাইটিকেল ' সংখ্যা তত্ত্ব সম্পৰ্কত যিখন গৱেষণা প্ৰস্তুত কৰিছিল সেইখন সেই বিষয়ত বৰ্তমানলৈকে আটাইতকৈ গুৰুত্বপূৰ্ণ গৱেষণা পত্ৰ।^৩