বাণী ভজন

বাণী ভজন (Vani Bhojan) হৈছে তামিলনাডুৰ নীলগিৰি জিলাৰ উদগমণ্ডলম (চমুকৈ উটি)-ত জন্মগ্ৰহণ কৰা এগৰাকী ভাৰতীয় অভিনেত্ৰী আৰু ফেশ্বন মডেল।^১ তেওঁ মূলতঃ তামিল আৰু তেলুগু চলচ্চিত্ৰত অভিনয় কৰে। টেলিভিচনৰ 'দৈৱমঙ্গল' ধাৰাবাহিকৰ সত্যা চৰিত্ৰৰ অভিনয় কৰাত তেওঁ অধিক জনাজাত হয়, যাৰ ফলত বাণী ভজনে ২০১৮ চনত 'চান কুদুমবাম ভীৰুথুগাল ফ’ৰ বেষ্ট এক্ট্ৰেচ্‌' বঁটা লাভ কৰিবলৈ সক্ষম হয়।^২

জন্ম পৰিচয়

বাণী ভজন ১৯৮৮ চনৰ ৭ ডিচেম্বৰত তামিলনাডুৰ নীলগিৰি জিলাৰ উদগমণ্ডলম (চমুকৈ উটি) -ত জন্মগ্ৰহণ কৰে। তেওঁৰ পিতৃ এগৰাকী ৱাইল লাইফ ফটোগ্ৰাফাৰ।^৩২

কেৰিয়াৰ

টেলিভিচন

২০১২ চনত জয়া টিভিৰ ধাৰাবাহিক মায়াত অভিনয় কৰাৰ সময়ত তেওঁ মডেল হিচাপে পৰিৱেশন কৰে। পিছত তেওঁ বিজয় টিভিত প্ৰচাৰিত ধাৰাবাহিক 'আশা'ত মুখ্য ভূমিকা পালন কৰে।^৪ আশাৰ পৰিসমাপ্তিৰ পিছত তেওঁ চান টিভিৰ ধাৰাবাহিক দৈৱমাঙ্গলৰ মুখ্য চৰিত্ৰত অভিনয় কৰে। তেওঁক জি তামিলৰ 'লক্ষ্মী ভানদাসু'টো দেখা গৈছিল।

চলচ্চিত্ৰ

২০১৯ চনত বাণী ভজনে তেলুগু ছবি 'মেকু মাথ্ৰামে চেপ্‌থা'ত আত্মপ্ৰকাশ কৰে।^৫ ২০২০ চনত তেওঁ অশোক চেলভানৰ সৈতে তামিল ছবি 'অঃ মাই কাডাভুলে'ত অভিনয় কৰে,^৬ লগতে তেওঁ বৈভৱ ৰেড্ডীৰ সৈতে 'ল’ক আপ' চলচ্চিত্ৰত কাম কৰে।

টেলিভিচন

ফিল্ম’গ্ৰাফী

বাহ্যিক সংযোগ

• ইনষ্টাগ্ৰাম
• টুইটাৰ
• ফেইচবুক