প্ৰিয়ংকা য়োশিকাৱা

প্ৰিয়ংকা য়োশিকাৱা (জন্ম: ২০ জানুৱাৰী, ১৯৯৪) জাপানী সৌন্দৰ্য প্ৰতিযোগিতাৰ এগৰাকী বিজয়ী, মডেল আৰু উদ্যোগী। তেওঁ ২০১৬ চনত মিছ ৱৰ্ল্ড জাপানৰ মুকুট অৰ্জন কৰিছিল।^১ তেওঁ জাপানী আৰু বঙালী-ভাৰতীয় মিশ্ৰিত বংশোদ্ভূত।^২ তেওঁ দ্বিতীয়গৰাকী হাফু মহিলা যি জাপানৰ এখন মুখ্য সৌন্দৰ্য প্ৰতিযোগিতাত জয়ী হয়; তাৰ আগতে আৰিযানা মিয়াম’টোয়ে ২০১৫ চনত মিছ ইউনিভাৰ্চ জাপান লাভ কৰিছিল।

মিছ ৱৰ্ল্ড জাপান ২০১৬

২০১৬ চনৰ ৬ ছেপ্টেম্বৰ তাৰিখে য়োশিকাৱাই মিছ ৱৰ্ল্ড জাপান ২০১৬ৰ মুকুট অৰ্জন কৰে। তাৰ পিছত তেওঁ মিছ ৱৰ্ল্ড ২০১৬-ত জাপানক প্ৰতিনিধিত্ব কৰে আৰু শীৰ্ষ ২০ স্থানত স্থান লাভ কৰে।^৩৪

ব্যক্তিগত জীৱন

য়োশিকাৱাৰ মাতৃ জাপানী আৰু পিতৃ বঙালী-ভাৰতীয়। তেওঁৰ পিতৃ পুৰুষ আছিল পশ্চিমবংগৰ প্ৰথম মুখ্যমন্ত্ৰী প্ৰফুল্লচন্দ্ৰ ঘোষৰ বংশৰ।^৫৬

তেওঁ টকিঅ'ত জন্মগ্ৰহণ কৰে। ৬–৯ বছৰ বয়সৰ ভিতৰত তেওঁ স্যাক্ৰামেণ্টো, কেলিফ’ৰ্ণিয়াত বাস কৰিছিল। পাছত তেওঁ এবছৰ কলিকতাত থাকি পুনৰ জাপানলৈ উভতি যায়।^৭

তেওঁ ইংৰাজী ভাষা, বঙালী ভাষা আৰু জাপানী ভাষা ভাষাত কথা পাতিব পাৰে। মিছ ৱৰ্ল্ড জাপান হোৱাৰ আগতে তেওঁ অনুবাদক, শিল্প-চিকিৎসক (art therapist) আৰু হাতীৰ প্ৰশিক্ষক হিচাপেও কাম কৰিছিল।^৮

২০২০ চনত তেওঁ "MUKOOMI" নামৰ CBD-ভিত্তিক ছ্কিনকেৰ আৰু সুস্থতা (wellness) ব্ৰেণ্ড উদ্বোধন কৰিছিল।^৯

বৈষম্য আৰু সামাজিক অভিজ্ঞতা

AFP-ৰ সৈতে কথা পাতি তেওঁ কৈছিল যে, মিশ্ৰ বংশোদ্ভূত হোৱাৰ কাৰণে জাপানত কৈশোৰত বহু অসুবিধা ভোগ কৰিব লগা হৈছিল।^১০

২০১৬ চনত মিছ জাপানৰ মুকুট লাভ কৰাৰ পাছত সামাজিক মাধ্যমত কিছুমান জাপানী নেটিজেনে তেওঁৰ "খালী জাপানী নোহোৱা" বংশ পৰিচয় লৈ সমালোচনা কৰিছিল। য়োশিকাৱাই উত্তৰ দি কৈছিল— "মই জাপানী আৰু মোৰ দেশক প্ৰতিনিধিত্ব কৰাত গৌৰৱবোধ কৰোঁ।" ^১১

কাৰ্যজীৱন আৰু মডেলিং

মাছ জাপান ২০১৬ৰ মুকুট অৰ্জন কৰাৰ পাছত য়োশিকাৱাই জাপানৰ বহু প্ৰতিষ্ঠিত ফেশ্বন হাউছ আৰু সৌন্দৰ্য ব্ৰেণ্ডৰ সৈতে মডেল হিচাপে কাম আৰম্ভ কৰে। তেওঁ টকিঅ' ফেশ্বন উইকত কেইবাবাৰো ফিচাৰ্ড মডেল হিচাপে অংশ লয় আৰু বিভিন্ন আন্তৰ্জাতিক মঞ্চতো জাজ বা অতিথি হিচাপে আহ্বান লাভ কৰিছিল। তেওঁৰ মডেলিং প্ৰকল্পসমূহত ব্ৰেণ্ড কেম্পেইন, বাণিজ্যিক বিজ্ঞাপন আৰু সাময়িকী ফটোশুটো অন্তৰ্ভুক্ত আছিল।^১২

উদ্যোগ আৰু ব্ৰেণ্ড

২০২০ চনত তেওঁ “MUKOOMI” নামৰ CBD-ভিত্তিক ছ্কিনকেৰ আৰু সুস্থতা (wellness) ব্ৰেণ্ড উদ্বোধন কৰে। ব্ৰেণ্ডটোৱে বহু-সংস্কৃতি, মানসিক সুস্থতা আৰু আত্ম-স্বীকৃতিৰ ধাৰণাক প্ৰচাৰ কৰে। MUKOOMI জাপানত CBD ব্যৱহাৰৰ বৈধতা আৰু জনসচেতনতা বৃদ্ধি কৰিবলৈ বিভিন্ন অনলাইন অনুষ্ঠান, উপহাৰ-অভিযান আৰু স্বাস্থ্য–সচেতনতা কেম্পেইন চলাইছে।^১৩১৪

সামাজিক উদ্যোগ আৰু জনহিতকাৰিতা

য়োশিকাৱাই জাপানত মিশ্ৰিত বংশোদ্ভূত ("হাফু") শিশু আৰু কিশোৰ-কিশোৰীসকলৰ শিক্ষাগত আৰু মনস্তাত্ত্বিক-সামাজিক সুৰক্ষাৰ বাবে বিভিন্ন সংগঠনৰ সৈতে কাম কৰিছে। তেওঁ বৈষম্য, স্কুল-বুলিং, সাংস্কৃতিক বিচ্ছিন্নতা আদি সমস্যাৰ ওপৰত জনসচেতনতা বৃদ্ধি কৰিবলৈ বক্তৃতা, পেনেল আলোচনা আৰু কাৰ্যশালাত অংশ লয়। নিজৰ অভিজ্ঞতা উল্লেখ কৰি তেওঁ কৈছিল যে— “প্ৰতিটো শিশুৱেই নিজৰ পৰিচয় লৈ গৌৰৱান্বিত হ'ব লাগিব।”^১৫

মিডিয়া উপস্থিতি

মুকুট অৰ্জনৰ পিছত য়োশিকাৱাই BBC, CNN, WSJ, AFP, NDTV আদি বহু আন্তৰ্জাতিক সংবাদমাধ্যমত সাক্ষাৎকাৰ দিছে। জাপানৰ টিভি টক–শ্ব’, ফেশ্বন-প্ৰোগ্ৰাম আৰু সংস্কৃতি–ভিত্তিক অনুষ্ঠানতো তেওঁ উপস্থিত থাকে। সামাজিক মাধ্যমসমূহত তেওঁ ফেশ্বন, সৌন্দৰ্য, মানসিক স্বাস্থ্য আৰু জাপান–ভাৰত সংস্কৃতি–সম্পৰ্কিত বিষয় নিয়মিত শ্বেয়াৰ কৰে আৰু তেওঁৰ উল্লেখযোগ্য অনুসৰণকাৰী সংখ্যা আছে।^১৬

বাহ্যিক সংযোগ

• মিছ ৱৰ্ল্ড জাপান – প্ৰিয়ংকা যোশিকাৱা