প্ৰদীপ ভূঞা

ড° প্ৰদীপ ভূঞা অসমৰ এগৰাকী বিশিষ্ট লেখক, সাহিত্যিক, প্ৰবন্ধকাৰ তথা অসম সাহিত্য সভাৰ প্ৰাক্তন প্ৰধান সম্পাদক৷^১

প্ৰাৰম্ভিক জীৱন

১৯৬১ চনত জামুগুৰিহাটৰ মাধৱ গাৱত ড° প্ৰদীপ ভূঞা জন্মগ্ৰহণ কৰে৷ ছাত্ৰ অৱস্থাৰ পৰা তেওঁ অসমীয়া সাহিত্য চৰ্চা আৰম্ভ কৰে৷^১

কৰ্মজীৱন

ড° প্ৰদীপ ভূঞা চতিয়া মহাবিদ্যালয়ৰ অসমীয়া বিভাগৰ প্ৰবক্তা ৰূপে কৰ্মৰত আছিল৷ জীৱন কালত তেওঁ ডেৰকুৰিৰো অধিক গ্ৰন্থেৰে অসমীয়া সাহিত্যলৈ অৱদান আগবঢ়ায় ৷ সাহিত্য চৰ্চাৰ লগতে তেওঁ সাংবাদিকতাও কৰে৷ ২০০৭-০৮ আৰু ২০০৮-০৯ বৰ্ষৰ বাবে তেওঁ অসম সাহিত্য সভাৰ প্ৰধান সম্পাদক ৰূপে কাৰ্যনিৰ্বাহ কৰে৷

অৱদান

গ্ৰন্থ

• তেজফুলৰ গামোচা
• জীয়াভৰলীৰ ধল
• স্নেহবন্ধন
• প্ৰেমবন্দিনী
• শংকৰদেৱ-মাধৱদেৱৰ তত্ত্বকথা
• অসমীয়া সাহিত্যৰ জিলিঙনি
• মাধৱদেৱৰ সাহিত্য চৰ্চা
• কামসেন্দূৰ
• মেঘৰ বাবে
• আকাশী গংগা
• নৰমেধ
• মহাপতন
• ৰঙামেঘ
• মায়া কন্যা
• মৰতৰ ফুল
• জীৱন তৃষ্ণা
• মহাপ্ৰস্থান
• জীৱনৰ ৰং
• উত্তৰাধিকাৰী

মৃত্যু

উচ্চ ৰক্তচাপজনিত ৰোগত অসুস্থ হৈ থকা প্ৰদীপ ভূঞাই ২০১৪ চনৰ ৬ আগষ্টৰ দিনা মৃত্যুবৰণ কৰে৷^১