প্ৰণীতি সিন্দে

প্ৰণীতি সুশীলকুমাৰ সিণ্ডে (Praniti Sushilkumar Shinde, জন্ম:-৯ ডিচেম্বৰ ১৯৮০) মহাৰাষ্ট্ৰৰ এগৰাকী ভাৰতীয় ৰাজনীতিবিদ।^১ তেওঁ সোলাপুৰ লোকসভা সমষ্টিৰ সংসদ সদস্য। ভাৰতীয় জাতীয় কংগ্ৰেছ পাৰ্টিৰ সদস্য হিচাপে তেওঁ তিনিবাৰকৈ মহাৰাষ্ট্ৰৰ বিধানসভাৰ সদস্য হিচাপে কাৰ্যনিৰ্বাহ কৰিছিল। তেওঁ সোলাপুৰ চহৰৰ কেন্দ্ৰীয় সমষ্টিৰ পৰা নিৰ্বাচিত হৈছিল।^২ ২০২১ চনৰ পৰা মহাৰাষ্ট্ৰ প্ৰদেশ কংগ্ৰেছ কমিটীৰ কাৰ্যকৰী সভানেত্ৰী^৩আৰু বিধানসভা নিৰ্বাচনৰ বাবে কেৰালা প্ৰদেশ কংগ্ৰেছ কমিটিৰ পৰীক্ষণ সমিতিৰ সদস্য।^৪

প্ৰাথমিক জীৱন আৰু শিক্ষা

১৯৮০ চনৰ ৯ ডিচেম্বৰত উজৱালা সিণ্ডে আৰু ভাৰতৰ প্ৰাক্তন গৃহমন্ত্ৰী সুশীলকুমাৰ সিণ্ডেৰ ঘৰত প্ৰণীতি সিন্দেয়ে জন্মগ্ৰহণ কৰিছিল। তেখেতে মহিমৰ বম্বে স্কটিছ স্কুলত স্কুলীয়া শিক্ষা গ্ৰহণ কৰিছিল।^৫ মুম্বাইৰ ছেইণ্ট জেভিয়াৰ কলেজৰ পৰা স্নাতক ডিগ্ৰী লাভ কৰে।^৬ ইয়াৰ পিছত তেওঁ মুম্বাইৰ চৰকাৰী আইন মহাবিদ্যালয়ৰ পৰা আইন বিভাগৰ ডিগ্ৰী সম্পূৰ্ণ কৰে।^৬ তেওঁৰ এন জি অ' জয়জুইৰ জৰিয়তে মানুহক সহায় কৰি এগৰাকী সমাজকৰ্মী হিচাপে দায়িত্ব পালন কৰি আহিছে।^৭

লোকসভা নিৰ্বাচন ২০২৪

২০২৪ চনৰ লোকসভা নিৰ্বাচনত সোলাপুৰ সমষ্টিৰ পৰা কংগ্ৰেছৰ টিকটত প্ৰণীতি সংৰক্ষিত সমষ্টিৰ পৰা জয়লাভ কৰে।^৮