পূৰ্বাঞ্চল তাই সাহিত্য সভা

বান অক পাপ লিক মৌঙ তাই (ইংৰাজী: Ban Ok Pup Lik Mioung Tai, তাই: 𑜈𑜃𑜫 𑜒𑜨𑜀𑜫 𑜆𑜆𑜫 𑜎𑜢𑜀𑜫 𑜉𑜢𑜤𑜂𑜫 𑜄𑜩 𑜽) অসমীয়াত পূৰ্বাঞ্চল তাই সাহিত্য সভা হ’ল তাই ভাষা-সাহিত্য-সংস্কৃতিৰ বিকাশ আৰু প্ৰসাৰৰ উদ্দেশ্যে ১৯৮১ চনত গঠন হোৱা এক জাতীয় অনুষ্ঠান। ইয়াৰ প্ৰধান কাৰ্যালয় চৰাইদেউ জিলা জিলাৰ পাটসাকোৰ ডম্বৰু দেওধাই ফুকন ভৱনত অৱস্থিত। ডম্বৰু দেওধাই ফুকন আছিল পূৰ্বাঞ্চল তাই সাহিত্য সভাৰ প্ৰতিষ্ঠাপক সভাপতি আৰু ড° পুষ্প গগৈ ইয়াৰ প্ৰতিষ্ঠাপক সম্পাদক।

ইতিহাস

১৯৮১ চনৰ ৮ এপ্ৰিলত ধেমাজিত বান অক পাপ লিক মৌঙ তাই বা পূৰ্বাঞ্চল তাই সাহিত্য সভাৰ প্ৰতিষ্ঠা হৈছিল। ইয়াৰ প্ৰথমখন অধিৱেশন অনুষ্ঠিত হৈছিল ১৯৮২ চনৰ ৭, ৮ আৰু ৯ মাৰ্চত অবিভক্ত শিৱসাগৰ আৰু বৰ্তমানৰ চৰাইদেউ জিলা জিলাৰ পাটসাকোত। অধিৱেশনত সভাপতিত্ব কৰিছিল ডম্বৰু দেওধাই ফুকনে আৰু ড° পুষ্প গগৈ আছিল সম্পাদক। এই ডম্বৰু দেওধাই ফুকনৰ স্মৃতিতে পৰৱৰ্তী সময়ত সভাৰ মুখ্য কাৰ্যালয়টো ডম্বৰু দেওধাই ফুকন ভৱন নামেৰে নামাকৰণ কৰা হয়।

পূৰ্বাঞ্চল তাই সাহিত্য সভাৰ সভাপতিসকলৰ তালিকা