পূজা শৰ্মা

পূজা শৰ্মা (Pooja Sharma) এগৰাকী ভাৰতীয় টেলিভিচনৰ অভিনেত্ৰী আৰু মডেল যিয়ে ষ্টাৰপ্লাছৰ 'মহাভাৰত'ত দ্ৰৌপদীৰ চৰিত্ৰত আৰু কালাৰ্চ টিভিৰ 'মহাকালী - অন্ত হী আৰম্ভ হ্যে'ত মহাকালী/পাৰ্ৱতীৰ চৰিত্ৰত অভিনয়ৰ বাবে জনাজাত।^১

কৰ্মজীৱন

সমাৰোহ

শৰ্মাই ফেমিনা মিচ ইণ্ডিয়া ২০০৬ সংস্কৰণৰ শীৰ্ষ ১০ ফাইনালিষ্টৰ ভিতৰৰ এগৰাকী আছিল।^২ তেওঁ সমাৰোহত ‘মিচ বিউটিফুল হেয়াৰ্‌’ উপশিৰোনামো লাভ কৰিছিল।^৩

টেলিভিচন

শৰ্মাই তেওঁৰ কলেজীয়া দিনবোৰত দূৰদৰ্শন আৰু জুম টিভিৰ এটি ক্ৰীড়া-ভিত্তিক ট’ক শ্ব’ত আঁতধৰোঁতা (anchor) হিচাপে কাম কৰিছিল।^৪ ২০১২ চনত ষ্টাৰ প্লাচৰ 'তেৰী মেৰী লাভ ষ্ট’ৰিজ'ৰ জৰিয়তে তেওঁ অভিনয় জীৱনৰ পাতনি মেলিছিল, য’ত তেওঁ এটি খণ্ডত চিয়া বেহলৰ চৰিত্ৰত অভিনয় কৰিছিল। ২০১৩ চনত, তেওঁ ষ্টাৰ প্লাচৰ 'মহাভাৰত'ত দ্ৰৌপদীৰ চৰিত্ৰত অভিনয় কৰিছিল।^৫ শ্ব’টো সমালোচনামূলক আৰু বাণিজ্যিকভাৱে সফল হৈছিল।^৬ শ্ব’ত তেওঁ অভিনয় বাবে বহু প্ৰশংসিত হৈছিল আৰু তেওঁ ব্যাপক খ্যাতি আৰু জনপ্ৰিয়তা অৰ্জন কৰিছিল। শ্ব’টো ২০১৪ চনৰ আগষ্টত শেষ হৈছিল। ২০১৪ চনৰ শেষৰ পিনে, তেওঁক বিগ মেজিকৰ ব্যংগাত্মক শ্ব’ ‘আজব গজব ঘৰ জামাই’ত লক্ষ্মীৰ ভূমিকাত দেখা গৈছিল।^৭ ২০১৫ চনত, তেওঁক ষ্টাৰ প্লাচৰ 'দোষ্টি... ইয়াৰিয়ান... মনমাৰজিয়া'ত কেমিঅ’ এপিয়াৰেঞ্চ হিচাপে দেখা গৈছিল।^৮

টেলিভিচনত আঢ়ৈ বছৰ অনুপস্থিতিৰ পিছত, ২০১৭ চনত শৰ্মাক কালাৰ্চ টিভিৰ 'মহাকালী - অন্ত হী আৰম্ভ হ্যে'ত মহাকালী/পাৰ্ৱতীৰ ভূমিকাত অভিনয় কৰা দেখা গৈছে।^৯ অনুষ্ঠানটো 'মহাভাৰত'ৰ দৰে সফল নহ’ল যদিও দৰ্শকসকলোৰ মাজত জনপ্ৰিয় হৈছিল। ২০১৮ আৰু ২০১৯ চনত তেওঁ এটি শ্ব’ত কণ্ঠ নিগৰাইছিল আৰু তিনিটা শ্ব’ত তেওঁ বৰ্ণনা (narrated) কৰিছে।

মিডিয়া

শৰ্মাই ইণ্ডিয়ান টেলিভিচন ২০১৭ৰ "টাইমচ্‌ অফ ইণ্ডিয়া"ত Top 20 Most Desirable Women ৰ তালিকাত ১৭ নম্বৰত আছিল।^১০

টেলিভিচন

কণ্ঠশিল্পী হিচাপে