পাৰ্ছি (শ্ৰুতিকথা)

পাৰ্ছি (প্ৰাচীন গ্ৰীক: Πέρση, ইংৰাজী: Perse, আক্ষৰিক অৰ্থ: 'ধ্বংসকাৰী') গ্ৰীক শ্ৰুতিকথা অনুসৰি টাইটান অ'চেনাছ আৰু টেথিছৰ তিনি হাজাৰ অ'চেনিডৰ ভিতৰত অন্যতম সামুদ্ৰিক দেৱী৷^১২৩ তেওঁৰ নামটো পাৰ্ছা (Persa), পাৰ্ছাইড (Perseide), পাৰ্ছিয়া (Persea)^৪ বা পাৰ্ছেইছ (Perseis) বুলিও বানান কৰা হৈছিল।^৫ পাৰ্ছি সৌৰ দেৱতা হেলিঅ’ছলৈ বিয়া হৈছিল৷ তেওঁলোকৰ কেইবাজনো সন্তানৰ ভিতৰত যাদুকৰী দেৱী চাৰ্চে (Circe) অন্যতম।

কিংবদন্তি

পাৰ্ছি আছিল সূৰ্য্য দেৱতা হেলিঅ'ছৰ অন্যতম পত্নী।^৬৭ হোমাৰ আৰু হেছিঅ'ডৰ মতে, হেলিঅ'ছৰ আৰু তেওঁৰ সন্তান আছিল চাৰ্চে আৰু এইটেছ,^৮ পিছৰ লেখকসকলৰ মতে তেওঁলোকৰ সন্তান হৈছে পেছিফে, পাৰ্ছেছ, এল'ইয়াছ, আৰু আনকি কেলিপ্সোৰ কথাও উল্লেখ কৰিছে, কেলিপ্সোক সাধাৰণতে এটলাছৰ কন্যা বুলি কোৱা হয়। পাৰ্ছি আৰু সকলো পোহৰৰ উৎস হেলিঅ'ছৰ সন্তান সকল কিয় ইমান অন্ধকাৰ আৰু ৰহস্যময় হ’ল সেয়া স্পষ্ট নহয়।^৯

যেতিয়া এফ্ৰোডাইটিয়ে হেলিঅ'ছক মৰ্ত্যৰ ৰাজকুমাৰী লিউকোথ'ৰ প্ৰেমত পৰিবলৈ অভিশাপ দিছিল, তেতিয়া তেওঁ পাৰ্ছিৰ কথা পাহৰি গৈছিল বুলি কোৱা হয়।^১০ তেওঁৰ কন্যা চাৰ্চে আৰু পেছিফাইৰ দৰেই তেওঁক ডাইনী আৰু বনৌষধি আৰু ঔষধৰ জ্ঞানৰ সৈতে জড়িত যেন লাগে।^১১১২ তেওঁ হয়তো ডাইনী দেৱী হেকেটৰ সৈতেও জড়িত আছিল, যাক পাৰ্ছেইছ বুলিও কোৱা হৈছিল (যেনেকৈ "পাৰ্ছেছৰ কন্যা") আৰু তেওঁক এটা সংস্কৰণত চাৰ্চেৰ মাতৃ বুলিও কোৱা হয়।^১৩১৪