পান সিং তোমৰ (চলচ্চিত্ৰ)

পান সিং তোমৰ ( Paan Singh Tomar) ২০১০ চনত মুক্তি পোৱা ভাৰতীয় হিন্দী ভাষাৰ এখন জীৱনীমূলক ছবি, য'ত ভাৰতীয় সেনাবাহিনীৰ এজন সৈনিক আৰু সাতবাৰৰ ৰাষ্ট্ৰীয় ষ্টীপলচেজ চেম্পিয়ন আৰু পিছলৈ অস্ত্ৰধাৰী ডকাইতলৈ পৰিণত হোৱা পান সিং তোমৰৰ জীৱনৰ বিষয়ে বৰ্ণিত হৈছে।^১২ ছবিখনৰ পৰিচালক তিগমাংশু ঢুলীয়া আৰু প্ৰযোজক ইউটিভি মোচন পিকচাৰ্ছ। ইৰফান খানে শিৰোনাম চৰিত্ৰত অভিনয় কৰা ছবিখনত সহযোগী অভিনেতা হিচাপে মাহী গিল, বিপিন শৰ্মা আৰু নৱাজুদ্দিন ছিদ্দিকীয়ে অভিনয় কৰিছিল।

₹৪৫ মিলিয়ন (৫৩০,০০০ মাৰ্কিন ডলাৰ) সীমিত বাজেটত নিৰ্মিত^৩ পান সিং তোমৰৰ ২০১০ চনত লণ্ডন চলচ্চিত্ৰ মহোৎসৱত প্ৰিমিয়াৰ হয়। দুবছৰৰ পিছত ২০১২ চনৰ ২ মাৰ্চত ছবিখন ঘৰুৱা ছবিঘৰত মুক্তি পায় আৰু বিশ্বজুৰি ₹২০১.৮০ মিলিয়ন (২.৪ মিলিয়ন মাৰ্কিন ডলাৰ) উপাৰ্জনেৰে বক্স অফিচত ব্যৱসায়িকভাৱে সফল হয়। ৬০তম ৰাষ্ট্ৰীয় চলচ্চিত্ৰ বঁটাত এই ছবিখনে ৰাষ্ট্ৰীয় পৰ্যায়ত শ্ৰেষ্ঠ পূৰ্ণদৈৰ্ঘ্য ছবি আৰু শ্ৰেষ্ঠ অভিনেতাৰ সন্মান লাভ কৰে।^৪

অভিনয়

• ইৰফান খান (পান সিং তোমৰ)
• মাহী গিল (ইন্দ্ৰ সিং তোমৰ)
• হেমেন্দ্ৰ দাণ্ডটিয়া
• বিপিন শৰ্মা (মেজৰ মছন্দ)
• ইমাৰাণ হাছনি (মাতাদিন সিং তোমৰ)
• নৱাজুদ্দিন ছিদ্দিকি (গোপী)
• জাকিৰ হুছেইন (ইন্সপেক্টৰ ৰাথোৰ)
• জাহাংগীৰ খান (ভানৱৰ সিং (দদ্দা))
• সীতাৰাম পাঞ্চল (ৰামচৰণ)
• ৰাজেন্দ্ৰ গুপ্ত (এইচ. ৰন্ধাৱা, ক্ৰীড়া প্ৰশিক্ষক)
• স্বপ্নীল কোত্ৰিৱাৰ (হনুমন্ত, পান সিঙৰ জ্যেষ্ঠ পুত্ৰ)
• বৃজেন্দ্ৰ কালা (সাংবাদিক)
• ৰাজীৱ গুপ্তা (দুৰ্নীতিগ্ৰস্ত পুলিচ)
• ৰবি শাহ (পানৰ ভতিজা বলৰাম)