পাঞ্চালী গুপ্তা

পাঞ্চালী গুপ্তা (Panchali Gupta) এগৰাকী ভাৰতীয় অভিনেত্ৰী আৰু মডেল। তেওঁ বহুকেইখন অসমীয়া (দ্ব্যৰ্থতা দূৰীকৰণ পৃষ্ঠা) আৰু হিন্দী ভাষা চলচ্চিত্ৰত কৰা অভিনয়ৰ বাবে জনাজাত। বাতৰি কাকতৰ স্তম্ভলেখক হোৱাৰ উপৰিও তেওঁ এগৰাকী স্ব-নিয়োজিত ৱৰড্ৰ’ব কনচাল্টেণ্ট।^১২

জীৱনী

শৈশৱ আৰু কৈশোৰৰ কালছোৱা পাঞ্চালীয়ে গুৱাহাটীত কটায়। তেওঁ গুৱাহাটীৰ চেইণ্ট মেৰীজ কনভেণ্ট স্কুল আৰু আৰ্য মহাবিদ্যালয়ত পঢ়া-শুনা কৰে। তেওঁ এগৰাকী ৰাষ্ট্ৰীয় পৰ্যায়ৰ জিমনাষ্টো আছিল আৰু ৰাষ্ট্ৰীয় পৰ্যায়ৰ বহু খেলত তেওঁ অসমক প্ৰতিনিধিত্ব কৰিছিল। ১৯৯২ চনত তেওঁ মিচ গুৱাহাটী খিতাপ অৰ্জন কৰে। পৰৱৰ্তী সময়ত তেওঁ মিচ নৰ্থইষ্ট আৰু মিচ আছাম খিতাপ অৰ্জন কৰে। ২০০২ চনত তেওঁ গ্লেডৰেজ মেগা মডেল টাইটেলত বিজয়ী হয়।^১

মাত্ৰ চৈধ্য বছৰ বয়সতে তেওঁ এগৰাকী মডেল হিচাপে কৰ্মজীৱনৰ আৰম্ভণি কৰে। তেওঁ বহুকেইখন চলচ্চিত্ৰৰ উপৰিও মিউজিক ভিডিঅ’ত অৱতীৰ্ণ হয়। আই কিলড্ হিম চাৰ (১৯৯৫),মনচুন ৱেডিং (২০০১),ৰকিন মীৰা (২০০৬) আদি তেওঁৰ উল্লেখযোগ্য ছবি। তেওঁ টেলিগ্ৰাফ কাকতৰ সাপ্তাহিক স্তম্ভ লিখিছিল। পিছত টেলিগ্ৰাফৰ কাম এৰি ইষ্টাৰ্ণ ক্ৰণিক’ল কাকতত যোগ দিয়ে।^১ পাঞ্চালী সকলোতকৈ ফেচনৰ জগতখনতে বেছিকৈ জড়িত। তেওঁ ডুবাই ভিত্তিক আইকনিক গ্ৰুপৰ ইন-হাউচ মডেল। তাৰোপৰি তেওঁ এগৰাকী এগৰাকী স্ব-নিয়োজিত ৱৰড্ৰ’ব কনচাল্টেণ্ট।^১

চলচ্চিত্ৰপঞ্জী