ন' লেণ্ড'ছ ছং

ন' লেণ্ড'ছ ছং (No Land 's Song; آواز بی‌سرزمین / Âvâz-e Bi-Sarzamin) হ'ল ২০১৪ চনত মুক্তিপ্ৰাপ্ত আয়াত নাজাফিৰ দ্বাৰা লিখিত আৰু পৰিচালিত এখন ইৰানী তথ্যচিত্ৰ। ইয়াত অভিনয় কৰিছে ক্ৰমে‍ ছাৰা নাজাফি, পাৰভিন নামাজি, ছায়েহ ছডেফি, এমেল মাথলুথি, এলিজ কেৰন আৰু জিন চেৰহালে।

সংক্ষিপ্তসাৰ

১৯৭৯ চনৰ বিপ্লৱৰ পৰিপ্ৰেক্ষিতত, নতুন শাসন কালত ইৰাণত মহিলাসকলক পুৰুষৰ সন্মুখত একক শিল্পী হিচাপে ৰাজহুৱাভাৱে গান গাবলৈ বাধা নিষেধ কৰা হৈছিল।^১২

ছাৰা নাজাফি নামৰ এগৰাকী যুৱ সুৰকাৰে চেন্সৰশ্বিপ আৰু সাংস্কৃতিক, ধৰ্মীয় আৰু আইনী নিষিদ্ধকৰণক অমান্য কৰি মহিলা একক গায়কসকলৰ বাবে এক সংগীতানুষ্ঠান আয়োজন কৰাৰ সিদ্ধান্ত লয়।^১২

নাজাফিয়ে আনসকলকো তালিকাভুক্ত কৰিবলৈ আৰম্ভ কৰে। আন দুগৰাকী ইৰানী গায়ক ক্ৰমে‍ পাৰভিন নামাজী আৰু ছায়েহ ছডেইফিক তেওঁৰ লগত যোগদান কৰিবলৈ নিযুক্তি দিয়ে। ইয়াৰ পৰিৱৰ্তে, নামাজী আৰু ছডেইফিয়ে পেৰিছৰ পৰা তিনিগৰাকী মহিলা গায়কক আমন্ত্ৰণ জনায়। তেওেঁলাক ক্ৰমে‍ এলিজ কেৰন, জিন চেৰহাল আৰু এমেল মাথলুথী। তেওঁলোকৰ ঘোষিত অভিপ্ৰায় হৈছে তেহৰাণত অনুষ্ঠিত হ'বলগীয়া এক অনুষ্ঠানত একক শিল্পী হিচাপে একেলগে প্ৰদৰ্শন কৰা। ইৰাণৰ চলচ্চিত্ৰ মহোৎসৱত কোৱা অনুসৰি, এই সংগীতৰ সহযোগিতাই ফ্ৰান্স আৰু ইৰাণক একত্ৰিত কৰা এটা "সংগীতৰ দলং" পুনৰ মুকলি কৰিব।^১২

তথ্যচিত্ৰখনে প্ৰশ্ন উত্থাপন কৰিছে যে মহিলাসকলে কেতিয়াও নিষেধাজ্ঞা বা হস্তক্ষেপ অবিহনে, একেলগে মিশ্ৰিত দৰ্শকৰ সন্মুখত গীত গাবলৈ সফল হ'বনে‍। তেওঁলোকৰ তাৎক্ষণিক অন্বেষণত সফলতাই এক আকৰ্ষণীয় নাটকৰ সৃষ্টি কৰে। আনহাতে, দীৰ্ঘম্যাদী প্ৰভাৱ অধিক সন্দেহজনক।^১২৩৪

কোৱা হয় যে তথ্যচিত্ৰখন চৰকাৰৰ মহিলা বিদ্বেষী অতিৰিক্ততাৰ প্ৰতিৰোধ। নাজাফিয়ে দাবী কৰে, "মহিলাৰ কণ্ঠ ম্লান হৈ গৈ আছে।" ^৩

সম্বৰ্ধনা

ন' লেণ্ড'ছ ছঙে ব্যাপক প্ৰশংসা লাভ কৰিছে। কিছু পৰ্যালোচনাঃ

• দ্য গাৰ্ডিয়ানঃ এখন "দুঃসাহসিক" চলচ্চিত্ৰ আৰু উদ্যোগ।^৫ দুৰ্ভাগ্যজনকভাৱে, চৰকাৰী নিপীড়নৰ পৰা মুক্তি অস্থায়ী বুলি প্ৰমাণিত হৈছিল - হাৰ্ড লাইনাৰে আনকি নেপথ্য গায়ক হিচাপেও মহিলাসকলৰ প্ৰদৰ্শন নিষিদ্ধ কৰিছিল।^৫
• দ্য হলিউড ৰিপ'ৰ্টাৰঃ এখন 'লেটছ ডু এ শ্ব" চলচ্চিত্ৰতকৈ বহু বেছি, পৰ্য্যালোচনাকাৰীয়ে ইয়াক আকৰ্ষণীয়, ৰিভেটিং আৰু শক্তিশালী কৰা বুলি বিবেচনা কৰে, যদিও ইয়াৰ সমাপ্তি সন্দেহজনক নহয়। এই নিষেধাজ্ঞাৰ বাবে প্ৰস্তাৱিত ধৰ্মীয় যুক্তি হ'ল যে মহিলা একক গায়নে পুৰুষ দৰ্শক সদস্যসকলৰ বাবে যৌন উদ্দীপনা সৃষ্টি কৰিব পাৰে আৰু ই চুপত অত্যধিক উপাদান লগোৱাৰ দৰে। "আয়াত নাজাফিৰ তথ্যচিত্ৰখন ইৰাণত এগৰাকী মহিলাৰ গান গোৱাৰ অধিকাৰৰ বাবে যুঁজৰ বিষয়ে।" ^৬
• মিডল ইষ্ট মনিটৰঃ অন্তহীন বাধাৰ সন্মুখীন হৈ দলটোৱে নিজৰ অবাধ্য আৰু বিজয়ী সিদ্ধান্তত উপনীত হ'বলৈ সংগ্ৰাম কৰে। "বলচী মহিলা ইৰানী গায়িকা কামৰ-অল-মোলুক ভাজিৰীৰ স্মৃতিত অনুপ্ৰাণিত হৈ, যিগৰাকীয়ে‍ ১৯২৪ চনত পুৰুষৰ সন্মুখত হিজাব অবিহনে প্ৰদৰ্শন কৰা প্ৰথমগৰাকী মহিলা হৈছিল, তেওঁলোক আশাবাদী হৈ থাকে। ... কনচাৰ্টত তেওঁলোকে‍ নিজৰ একক গীত টিউনিছিয়ান যুৱক-যুৱতীসকলৰ বাবে উৎসৰ্গা কৰে। মহিলা কণ্ঠৰ উদযাপনৰ পৰিৱৰ্তে, এইটো বিদ্ৰোহৰ এক অধিক স্পষ্ট কাৰ্য হৈ পৰিছে যেন লাগে যিয়ে‍ তেওঁলোকৰ আৱে‍গ প্ৰকাশ কৰে।"
• নিউয়ৰ্ক টাইমছঃ চলচ্চিত্ৰ নিৰ্মাণত স্পষ্টভাৱে সাহস দেখুৱাছে‍ আৰু সেয়ে‍ হিউমেন ৰাইটছ ৱাচ ইণ্টাৰনেশ্যনেল নেষ্টাৰ আলমেণ্ড্ৰছ বঁটাৰ যোগ্য, ই "মহিলাৰ প্ৰতি ইৰাণ চৰকাৰৰ মনোভাৱৰ বিষয়ে ইয়াত মতামত স্পষ্ট, ই ইয়াৰ নায়কৰ কাহিনীটো কলাত্মক প্ৰতিৰোধ, হাস্যৰস, বন্ধুত্ব, আৰু অৱশেষত, মহিলাৰ অধিকাৰ অস্বীকাৰ কৰাৰ বাবে কুখ্যাত এখন দেশত বিজয়ৰ বৰ্ণনাৰ সৈতে দৰ্শকৰ হৃদয়ত প্ৰৱেশ কৰে।" ^৪
• ভৰাইটিঃ ছবিখন এখন "গ্ৰিপিং তথ্যচিত্ৰ" আৰু "এক সূক্ষ্ম সঁজুলি থকা, বহু-স্তৰীয় [চলচ্চিত্ৰ]।" এই "তেওঁৰ প্ৰচেষ্টাৰ গ্ৰিপ কৰা ইতিবৃত্তটোৱে প্ৰায় তিনি বছৰ সময় সামৰি লৈছে আৰু ই ৰোলাৰ কোষ্টাৰৰ দৰে উত্থান-পতনৰে ভৰি আছে, আৰু সুন্দৰ সংগীতেৰে ভৰি পৰিছে। অনুপ্ৰেৰণাদায়ক, আলোকিত, দৰ্শক-অনুকূল ছবিখনে" বাণিজ্যিকৰ লগতে সাংস্কৃতিক সফলতা লাভ কৰা উচিত।^৭

বঁটা আৰু মনোনয়ন

ছবিখন এক ডজনৰো অধিক চলচ্চিত্ৰ মহোৎসৱত ব্যাপকভাৱে প্ৰদৰ্শিত হৈছে আৰু যথেষ্ট সমাদৰ লাভ কৰিছে। ইতিমধ্য‍ে মনোনীত হৈ বহুতো বঁটা লাভ কৰিবলৈ সক্ষম হৈছে‍।

তথ্যসূত্ৰ

বাহ্যিক সংযোগ

• (US)
• No Land's Song excerpt via ইউটিউব