নীলাচল উৰণ সেতু

নীলাচল উৰণ সেতু বা মালিগাঁও উৰণ সেতু হৈছে অসমৰ গুৱাহাটী মহানগৰত অৱস্থিত এখন উৰণ সেতু। এই উৰণ সেতুৰ দৈৰ্ঘ্য হৈছে ২.৬ কিঃমিঃ যি গুৱাহাটীৰ মালিগাঁও চাৰিআলি আৰু কামাখ্যা গেটৰ মাজত সংযোগ স্থাপন কৰে। এই উৰণ সেতুৰ পৰা পাণ্ডুঘাট ফিডাৰ পথলৈও ৩০০ মিটাৰ দৈৰ্ঘ্যৰ এক বৰ্দ্ধিত অংশৰ নিৰ্মাণ কৰা হৈছে। ২০২৩ চনৰ ৩০ আগষ্টত অসমৰ মুখ্যমন্ত্ৰী হিমন্ত বিশ্ব শৰ্মা ডাঙৰীয়াই এই উৰণ সেতুৰ আনুষ্ঠানিকভাৱে উদ্বোধন কৰে।^১

ইতিহাস

অসমৰ ৰাজধানী গুৱাহাটীক ‘দক্ষিণ-পূব এছিয়াৰ প্ৰৱেশদ্বাৰ’লৈ ৰূপান্তৰিত কৰাৰ দৃষ্টিত ২০২০ চনৰ ১১ অক্টোবৰত অসমৰ প্রাক্তন মুখ্যমন্ত্ৰী সৰ্বানন্দ সোণোৱাল ডাঙৰীয়াই মালিগাঁও উৰণ সেতুৰ আধাৰশিলা স্থাপন কৰে। এই উৰণ সেতুৰ নিৰ্মাণ ৪২০.৭৫ কোটি টকা ব্যয় সাপেক্ষে সম্পূৰ্ণ কৰা হৈছে।^২