নাটালিয়া মেটলিনেটছ

নাটালিয়া মেটলিনেটছ (ইউক্ৰেনিয়ান: Наталія Матолінець; জন্ম:২০ ডিচেম্বৰ, ১৯৯০) এগৰাকী ইউক্ৰেনিয়ান ঔপন্যাসিক আৰু গল্প লেখক। তেওঁ ২০২৩ চনত ইএছএফএছ ক্ৰিচেলাছ বঁটা লাভ কৰিছিল।

কৰ্মজীৱন

১৯৯০ চনত ইউক্ৰেইনৰ লুভিভত নাটালিয়া মেটলিনেটছৰ জন্ম হৈছিল। তেওঁ আইভান ফ্ৰেংক’ নেচনেল ইউনিভাৰচিটিত সাংবাদিকতা বিষয়ত অধ্যয়ন কৰিছিল আৰু ২০১৩ চনত ইয়াৰপৰাই স্নাতক ডিগ্ৰী লাভ কৰিছিল।

নাটালিয়া বহু কেইখন উপন্যাসৰ লেখক, ইয়াৰ ভিতৰত তেওঁৰ আৰবান ফেণ্টাচিৰ ত্ৰিলজী ভাৰ্টা ইন দ্য গেম উল্লেখযোগ্য।কেইবাখনো ইউৰোপীয় নগৰক প্ৰেৰণা হিচাপে লৈ তেওঁ এই উপন্যাসখন ৰচনা কৰিছিল। পৌৰাণিক কল্পকাহিনীৰ ভেটিত তেওঁ Hessie, Amaterasu Academy, All My Keys and Gaia আদি কেইবাখনো উপন্যাস লেখিছে। চিৰামিক হাৰ্টচ্‌ উপন্যাসখন বুৰঞ্জীমূলক।

তেওঁ ইউৰ’কন ২০২৩, ইউৰোপিয়ান চাইঞ্চ ফিকচন চ’ছাইটি (ইএছএফএছ)ৰ ক্ৰিচেলাছ বঁটা আদি অনেক সন্মানেৰে সন্মানিত হৈছে।^১ বাৰাবুকা (ইউ কে)ৰ পৰা তেওঁ ‘শ্ৰেষ্ঠ আত্মপ্ৰকাশ’ আৰু ‘শ্ৰেষ্ঠ চিৰিজ’ শিতানত সন্মান^২ লভাৰ লগতে তেওঁৰ কিতাপ বিবিচি চিলড্ৰেন বুক অৱ দ্য ইয়েৰ সন্মানৰ বাবে তালিকাভুক্ত হৈছে।^৩ ২০২২ চনত গ্ডানস্ক (Gdańsk) চিটি কালচাৰ ইনষ্টিটিউট আৰু গ্ডানস্ক চিটি অৱ লিটাৰেচাৰৰ আবাসী হিচাপে কাৰ্যনিৰ্বাহ কৰিছিল,^৪ আৰু ২০২৩ চনত প্ৰাগ ইউনেস্কো চিটি অৱ লিটাৰেচাৰত একে পদবীত অধিষ্ঠিত হৈছিল।^৫৬

তেওঁ পোলেণ্ড,^৭ চেক গণৰাজ্য,^৮ বুলগেৰিয়া,^৯ ছুইডেন^১০ আৰু যুক্তৰাজ্যৰ বিভিন্ন উৎসৱ আদিলৈ পেনেল আলোচনাৰ অতিথি বক্তা হিচাপে আমন্ত্ৰিত হৈছিল।^১১ ২০২৪ চনৰ পৰা তেওঁ ছুইডিছ পেনৰ (Swedish PEN) সদস্য ৰূপে কাৰ্যনিৰ্বাহ কৰিছিল।^১২

তেওঁৰ কিতাপ আৰু চুটিগল্পসমূহ পোলিছ, চেক, বুলগেৰিয়ান আৰু ইংৰাজী ভাষালৈ অনুবাদ হৈছে।

প্ৰকাশিত গ্ৰন্থৰাজি

উপন্যাস

• Varta in the Game (২০১৮)
• Hessie (২০১৮)
• Varta in the Game. The Artifact of Prague (২০১৯)
• Amaterasu Academy (২০১৯)
• চিৰামিক হাৰ্টচ্‌ (২০২০)
• Varta in the Game. The Blood of Budapest (২০২১)
• All My Keys and Gaia (২০২২)
• All My Keys and Gaia. Northern Fire (২০২৪)

উপন্যাসিকা

• দ্য এলায়েন্স ফ’ৰ দ্য ৰেচকিউ অৱ টাইলচ্‌ এণ্ড পিপল (২০২৩)

চুটি গল্প

• দ্য লেডী অৱ দ্য ষ্টাৰি জাৰচ্‌ (নিউমিথচ্‌ ডট কম, ২০২৪)
• আ নেইম বীড এণ্ড আ দিমন (In Another Time Magazine, ২০২৪)