নাজিৰা

নাজিৰা (IPA: nəˈzɪərə) (Nazira) অসমৰ শিৱসাগৰ জিলাত অৱস্থিত এখন ঐতিহাসিক ঠাই৷

ইতিহাস

নাজিৰা আহোমৰ ৰাজত্ব কালত ৰাজধানী গড়গাওঁৰ দাঁতিকাষৰীয়া অঞ্চলৰূপে যথেষ্ট গুৰুত্বপূৰ্ণ আছিল৷ জনশ্ৰুতি অনুসৰি নাজিৰাৰ নামটো 'নাও-জিৰা' ৰ পৰা আহিছে, আহোম ৰাজত্ব কালত নাজিৰাত দিখৌ নৈত নাও জিৰণি দি থোৱা হৈছিল। সেই সেই নাও জিৰোৱাৰ পৰা নাজিৰা হ’ল বুলি বুৰঞ্জীবিদসকলে কয়। দুই-এজন লেখকৰ মত— নজৰ কৰাৰ কাৰণে নাজিৰা হ’ল।৷ ইতিহাসবিদ সৰ্বানন্দ ৰাজকুমাৰৰ মত অনুসৰি নাজিৰা নামৰ উৎস তাই ভাষাৰ শব্দৰ পৰাহে য'ত, না-ৰ অৰ্থ মাটি, জি-হেলনীয়া আৰু ৰা- যথেষ্ট৷ গতিকে নাজিৰাৰ অৰ্থ বৃহৎ হেলনীয়া মাটি বা অঞ্চল (a much inclined land)৷ ^১

ভৌগোলিক বিৱৰণ

ভৌগোলিকভাৱে নাজিৰা ত অৱস্থিত৷ ^২ এই অঞ্চলৰ সাগৰৰ পৰা গড় উচ্চতা ১৩২ মিটাৰ ( ৪৩৩ ফুট)৷

আন্ত:গাঁথনি

২০১১ চনৰ লোকপিয়ল অনুসৰি, নাজিৰাৰ মুঠ জনসংখ্যা ১২,৪৬৬ জন৷^৩ ইয়াৰে ৫৩% পুৰুষ আৰু ৪৭% মহিলা৷ মুঠ জনসংখ্যাৰ ১১% ছয় বছৰ বয়সৰ অনুৰ্ধৰ৷

নাজিৰাৰ গড় সাক্ষৰতাৰ হাৰ ৮১%৷ ইয়াৰ ভিতৰত পুৰুষ আৰু মহিলাৰ পৃথককৈ গড় সাক্ষৰতাৰ হাৰ হ'ল ক্ৰমান্বয়ে-৮৪% আৰু ৭৮%৷

যাতায়ত ব্যৱস্থা

নাজিৰা শিৱসাগৰ জিলাৰ দিখৌ নৈৰ পাৰত অৱস্থিত৷ শিৱসাগৰ টাউনৰ পৰা ইয়াৰ দুৰত্ব ১৮ কিমি৷ নিকটবৰ্ত্তী বিমানবন্দৰ হৈছে যোৰহাট বিমানবন্দৰ৷

শিক্ষা

নাজিৰাত ভালসংখ্যক শিক্ষা প্ৰতিষ্ঠান আছে৷ ইয়াৰে ভিতৰত উল্লেখযোগ্য হ'ল-

বিদ্যালয়

• নাজিৰা উচ্চতৰ মাধ্যমিক আৰু বহুমুখী বিদ্যালয়
• নাজিৰা উচ্চতৰ মাধ্যমিক বালিকা বিদ্যালয়
• নাজিৰাৰ বৰটোল উচ্চ মাধ্যমিক বিদ্যালয়
• আদৰ্শ বিদ্যা ভৱন
• কেন্দ্ৰীয় বিদ্যালয়
• দিল্লী পাব্লিক স্কুল
• ছেইণ্ট পিটাৰ্ছ
• গুৰুকুল
• অংকুৰণ জাতীয় বিদ্যালয়
• জুভিয়েল ভেলী
• শংকৰদেৱ বিদ্যা নিকেতন, নাজিৰা

মহাবিদ্যালয়

• নাজিৰা মহাবিদ্যালয়
• গড়গাঁও মহাবিদ্যালয়

ৰাজনীতি

নাজিৰা যোৰহাট লোকসভা সমষ্টিৰ অন্তৰ্ভুক্ত৷ ^৪

উল্লেখযোগ্য ঠাই

• গড়গাঁও কাৰেংঘৰ, গড়গাঁও গোলাঘৰ, ৰজাপুল নামৰ এটা ৰজাদিনীয়া পুখুৰী, কেইবাটাও ৰজাদিনীয়া পুখুৰী, কেইবাটাও ৰজাদিনীয়া মৈদাম থকাৰ লগতে, গৰখীয়া মন্দিৰ,মাদুৰি নাজিৰাৰ অৱস্থিত৷ ^৫

উল্লেখযোগ্য ব্যক্তি

• হিতেশ্বৰ শইকীয়া
• ৰবীন দে