নাগমা শ্ৰেষ্ঠ

নাগমা শ্ৰেষ্ঠ (:Nagma Shrestha (नेपाली:नग्मा श्रेष्ठ) জন্ম ১০ নৱেম্বৰ ১৯৯১, কাঠমাণ্ডু, নেপাল) এগৰাকী নেপালী সৌন্দৰ্য্য প্ৰতিযোগিতাৰ খিতাপধাৰী, টেলিভিছন উপস্থাপক আৰু প্ৰযোজক।তেওঁ ২০১২ চনত মিছ নেপাল অৰ্থ উপাধি লাভ কৰি খ্যাতি অৰ্জন কৰিছিল। ২০১৭ চনত প্ৰথম মিছ ইউনিভাৰ্ছ নেপাল হিচাপে মুকুট পিন্ধোৱাৰ পিছত তেওঁ ব্যাপকভাৱে দৰ্শকৰ দৃষ্টি আকৰ্ষণ কৰিব পাৰিছিল।[2]^১

জীৱন আৰু কেৰিয়াৰ

১৯৯১ চনৰ ১০ নৱেম্বৰত শ্ৰেষ্ঠ জন্মগ্ৰহণ কৰে নেপালৰ কাঠমান্ডুত। তেওঁ ইউনাইটেড একাডেমী নেপালৰ পৰা মাধ্যমিক শিক্ষা সমাপ্ত কৰে আৰু তাৰ পিছত ২০১৪ চনত নেপালৰ টাইমছ বিজনেছ স্কুলৰ পৰা বিজনেছ এডমিনিষ্ট্ৰেচনত স্নাতক ডিগ্ৰী লাভ কৰে।^২ তেওঁ কর্নেল বিশ্ববিদ্যালয়ৰ পৰা নেতৃত্ব (Leadership) বিষয়টো প্ৰধান বিষয় হিচাপে অধ্যয়ন সম্পন্ন কৰি মেজৰ লাভ কৰে।^৩ ২০১২ চনৰ মিছ নেপালত অংশগ্ৰহণ কৰিছিল, য'ত তেওঁ মিছ আৰ্থ নেপাল ২০১২ খিতাপ লাভ কৰিছিল। ইয়াৰ পিছত ২০১৭ চনত মিছ নেপাল অৰ্গেনাইজেশ্যনে তেওঁক মিছ ইউনিভাৰ্ছ নেপাল ২০১৭ হিচাপে মুকুট পিন্ধাইছিল।^৪৫ ২০২০ চনত তেওঁ মিছ ইউনিভাৰ্ছ নেপাল সংগঠনৰ সৈতে ৰাষ্ট্ৰীয় সঞ্চালক হিচাপে জড়িত হৈ পৰে আৰু ২০২৩ চনলৈকে এই পদত কাৰ্যনিৰ্বাহ কৰে।^৬

তেওঁ নেপালৰ টেলিভিছন উদ্যোগৰ অন্যতম প্ৰধান ব্যক্তিত্ব। ২০১৫ চনত ইমেজ মেগা মডেল আৰু মিউজিক অৱ ইউৰ চয়েচ (MOYC) অনুষ্ঠান ইমেজ চেনেলত পৰিচালনা কৰিছিল।^৭৮ ২০১৩ চনত তেওঁ ইমেজ চেনেলৰ উদ্বোধনী পৰিচয় ভিডিঅ’ত উপস্থিত থাকি চমুকৈ অভিনয় কৰিছিল। ২০২৪ চনৰ পৰা, তেওঁ ইন্টাৰনেচনেল এছ’চিয়েছন অৱ ইউথ এণ্ড ষ্টুডেন্টছ ফ’ৰ পিচ (IAYSP)-ৰ সৈতে কাম কৰি আহিছে^৯ আৰু আই এ ৱাই এছ পিৰ (IAYSP) ৰাষ্ট্ৰসংঘৰ প্ৰতিনিধি হিচাপে কাৰ্যনির্বাহ কৰিছে।^{১০ ১১}