নলবাৰী মহাবিদ্যালয়

নলবাৰী মহাবিদ্যালয় (Nalbari College) অসমৰ নলবাৰী চহৰৰ পৰা এক কিঃমিঃ দূৰত জাপাৰকুছি গাঁৱত অৱস্থিত অৱস্থিত এক শৈক্ষিক প্ৰতিষ্ঠান। এই মহাবিদ্যালয়খন প্ৰতিষ্ঠা হৈছিল ১৯৪৫ চনত। ইয়াৰ প্ৰতিস্থাপক অধ্যক্ষ আছিল ত্ৰৈলোক্য নাথ গোস্বামী। বৰ্তমান গুৱাহাটী বিশ্ববিদ্যালয়ৰ অন্তৰ্গত এই মহাবিদ্যালয়খন ৰাষ্ট্ৰীয় মূল্যাংকন আৰু প্ৰত্যায়ন পৰিষদ (National Assessment and Accreditation Council) ৰ দ্বাৰা 'B+' শ্ৰেণীৰ মহাবিদ্যালয় হিচাপে চিহ্নিত হৈছে।^১২

সংক্ষিপ্ত ইতিহাস

ভাৰতে স্বাধীনতা লাভৰ দুবছৰ আগেয়ে ৪ জুলাই, ১৯৪৫ত নলবাৰী মহাবিদ্যালয় প্ৰতিস্থাপিত হয়। সেই সময়ত মঙলদৈৰ পৰা বঙাইগাঁৱলৈ ইয়েই একমাত্ৰ উচ্চ শিক্ষাৰ অনুষ্ঠান আছিল। প্ৰথমতে ই কলিকতা বিশ্ববিদ্যালয়ৰ অন্তৰ্গত আছিল যদিও ১৯৪৮ত গুৱাহাটী বিশ্ববিদ্যালয় স্থাপন হোৱাত এইখনো গুঃবিঃৰ অন্তভুক্ত হয়। ১৯৫৮ চনত এই মহাবিদ্যালয়ত বিজ্ঞান শাখা মুকলি হোৱাত ইয়াৰ ইতিহাসত এক নতুন পৃষ্ঠা সংযোজিত হয়। মাত্ৰ ২৮ জন শিক্ষাৰ্থীৰে আৰম্ভ হোৱা এই মহাবিদ্যালয় বৰ্তমান এক বৃহৎ শিক্ষানুষ্ঠান।^১

সা-সুবিধাসমূহ

এই মহাবিদ্যালয়খনৰ মাটিকালি ১৬.১০ একৰ (আনুমানিক)। ইয়াত কলা আৰু বিজ্ঞান শাখাত শিক্ষাদানৰ বাবে বহুকেইটা ভৱন আছে। স্নাতক পৰ্যায়ত ইয়াত পোন্ধৰটা বিভাগে চৈধ্যটা বিষয়ক প্ৰধান বিষয় হিচাপে শিক্ষাদান কৰে। লগতে ইয়াত গুৱাহাটী বিশ্ববিদ্যালয়ৰ অধীনত অসমীয়াত স্নাতকোত্তৰ শিক্ষা লাভৰো সুবিধা আছে। এই মহাবিদ্যালয়ত থকা আন আন সা-সুবিধাসমূহ হ'ল-এটা স্থায়ী পুথিভঁৰাল, এটা ছাত্ৰাবাস, এটা ছাত্ৰীনিবাস, এখন উদ্ভিদ বিজ্ঞান বাগিচা (Botanical Garden), community information center, কম্পিউটাৰ প্ৰশিক্ষণ কেন্দ্ৰ, মহাবিদ্যালয় কেণ্টিন, এক বৃহৎ খেলপথাৰ (নলবাৰী মহাবিদ্যালয় খেলপথাৰ) আদি। তদুপৰি বৰ্তমান এক ইনড'ৰ ষ্টেডিয়াম নিৰ্মাণৰো যোঁ-জা চলি আছে।

বিভিন্ন শাখা আৰু বিভাগসমূহ

নলবাৰী মহাবিদ্যালয়ত অসমীয়া আৰু ইংৰাজী উভয় মাধ্যমতে পাঠগ্ৰহণৰ সুবিধা আছে।

১) কলা শাখা

• অ) দুবছৰীয়া উচ্চ মাধ্যমিক পাঠ্যক্ৰম
• বাধ্যতামূলক বিষয়:
  • ক) ইংৰাজী
  • খ) আধুনিক ভাৰতীয় ভাষা (অসমীয়া)
• ঐচ্চিক বিষয় (যিকোনো চাৰিটা):
  • ক) অৰ্থনীতি
  • খ) ৰাজনীতি বিজ্ঞান
  • গ) ইতিহাস
  • ঘ) তৰ্ক আৰু দৰ্শন
  • ঙ) ঐচ্চিক অসমীয়া
  • চ) গণিত
  • ছ) সংস্কৃত
  • জ) ভূগোল
  • ঝ) পৰিসংখ্যা বিজ্ঞান
  • ঞ) পৰিচয়মূলক কম্পিউটাৰ বিজ্ঞান
• আ) তিনি বছৰীয়া স্নাতক পাঠ্যক্ৰম
• ঐচ্চিক বিষয় (যিকোনো দুটা)
  • খ) ইতিহাস
  • গ) ৰাজনীতি বিজ্ঞান
  • ঘ) দৰ্শন
  • ঙ) গণিত
  • চ) সংস্কৃত
  • ছ) ভূগোল
  • জ) কম্পিউটাৰ
  • ঞ) ঐচ্চিক অসমীয়া
• প্ৰধান (Major) বিষয়:
  • ক) অসমীয়া
  • খ) ইংৰাজী
  • গ) অৰ্থনীতি
  • ঘ) ইতিহাস
  • ঙ) ৰাজনীতি বিজ্ঞান
  • ছ) দৰ্শন
  • ঝ) গণিত
• ই) অসমীয়া আৰু ইংৰাজী বিষয়ত স্নাতকোত্তৰ পাঠ্যক্ৰম

২) বিজ্ঞান শাখা

• অ) দুবছৰীয়া উচ্চ মাধ্যমিক পাঠ্যক্ৰম
• বাধ্যতামূলক বিষয়:
  • ক)ইংৰাজী
  • খ) অসমীয়া/বিকল্প ইংৰাজী
• ঐচ্চিক বিষয় (যিকোনো চাৰিটা):
  • ক) পদাৰ্থ বিজ্ঞান
  • খ) ৰসায়ন বিজ্ঞান
  • গ) গণিত
  • ঘ) জীৱ বিজ্ঞান
  • ঙ) ভূগোল
  • চ) পৰিসংখ্যা বিজ্ঞান
  • ছ) তৰ্ক আৰু দৰ্শন
  • জ) কম্পিউটাৰ বিজ্ঞান
• আ) তিনিবছৰীয়া স্নাতক পাঠ্যক্ৰম
  • ক) ইংৰাজী
• ঐচ্চিক বিষয়
  • গ) উদ্ভিদ বিজ্ঞান
  • ঘ) প্ৰাণী বিজ্ঞান
  • ঙ) গণিত
  • চ) ভূগোল
  • ছ) পৰিসংখ্যা বিজ্ঞান
  • জ) অৰ্থনীতি
  • ঝ) কম্পিউটাৰ বিজ্ঞান
• প্ৰধান (Major) বিষয়:
  • ক) উদ্ভিদ বিজ্ঞান
  • খ) পদাৰ্থ বিজ্ঞান
  • গ) ৰসায়ন বিজ্ঞান
  • চ) গণিত
  • ছ) অৰ্থনীতি^৩

শিক্ষকবৃন্দ