দীশা ৰবি

দীশা আনাপ্পা ৰবি (Disha Annappa Ravi; জন্ম: ১৯৯৮/৯৯, বেংগালুৰু) এগৰাকী ভাৰতীয় তৰুণী আৰু এগৰাকী পৰিৱেশ কৰ্মী। তেখেত 'ফ্ৰাইডেছ ফৰ ফিউছাৰ (ভাৰত)'ৰ প্ৰতিষ্ঠাতা। সুপৰিচিত পৰিৱেশ কৰ্মী গ্ৰেটা থুন্‌বাৰিৰ এটা অনলাইন টুলকিটৰ লগত জড়িত থকাৰ অভিযোগক্ৰমে ২০২১ চনৰ ১৩ ফেব্ৰুৱাৰীত দীশা ৰবিক গ্ৰেপ্তাৰ কৰা হৈছিল। তেখেতৰ গ্ৰেপ্তাৰৰ পাৰ্শ্বক্ৰিয়া হিচাপে ভাৰতত চলি থকা কৃষক আন্দোলনটোৰ মাত্ৰা আন্তঃৰাষ্ট্ৰীয় পৰ্যায়ত বিয়পি পৰে।^১২ ভাৰত চৰকাৰে অভিযোগ দৰ্শাইছিল যে, কৃষক আন্দোলনটোৰ প্ৰতি সমৰ্থন জনাবলৈ কিদৰে আৰু কেনেকৈ পথ অৱলম্বন কৰিব লাগে, সেই সন্দৰ্ভত এই টুলকিটটোৱে প্ৰণালীবদ্ধভাৱে সামাজিক ন্যায়প্ৰদানৰ ক্ষেত্ৰত যোগাযোগৰ মাধ্যম হিচাপে কাম কৰিছিল।^৩৪ অভিযোগমতে, ইয়াৰ ফলত একধৰণৰ অচলাৱস্থাৰ সৃষ্টি হৈছিল।^৫৬ দীশা ৰবিৰ গ্ৰেপ্তাৰৰ ঘটনাক্ৰমক ৰাষ্ট্ৰীয় আৰু আন্তঃৰাষ্ট্ৰীয় পৰ্যায়ত ব্যাপক ৰূপত সমালোচনা কৰা হয়।

প্ৰাৰম্ভিক জীৱন

দীশা হৈছে বাংগালোৰৰ এগৰাকী তৰুণী। তেখেত এগৰাকী পৰিৱেশ আৰু জলবায়ু কৰ্মী।^৭ তেখেত ভাৰতৰ "ফ্ৰাইডেইছ ফ'ৰ ফিউছাৰ"ৰ এগৰাকী প্ৰতিষ্ঠাপক।^৮২৯ 'দ্য কুইণ্ট'ৰ মতে, ৰবি 'ফ্ৰাইডেইছ ফ'ৰ ফিউছাৰ' আন্দোলনৰ অধীনৰ MAPA বিভাগৰ এগৰাকী সদস্য। মাপাৰ অৰ্থ হৈছে- "Most Affected People and Areas"^১০ 'অটো ৰিপৰ্ট আফ্ৰিকা'ৰ সৈতে সম্পন্ন হোৱা এটা বিশেষ সাক্ষাৎকাৰত ৰবিয়ে কৈছে যে, “My motivation to join climate activism came from seeing my grandparents, who are farmers, struggle with the effects of the climate crisis,”।^১১ আৰ্তজনৰ আহ্বানৰ প্ৰতি সঁহাৰি জনাই ৰবিয়ে তেওঁলোকৰ দাবী অথবা অভিযোগসমূহ সমাজৰ সমুখলৈ লৈ আহে।^{৭১২১৩}তেখেতে আন্তৰ্জাতিক জলবায়ু মঞ্চ আৰু কৰ্মীসকলৰ বাবে একাধিক সম্পাদকীয় আৰু লেখা-মেলা প্ৰকাশ কৰিছে।^১৪১৫ ২০২০ চনৰ ছেপ্টেম্বৰত প্ৰকাশিত ব্ৰিটিছ 'ভগ্' আলোচনীৰ সংখ্যাত পাৰিপাৰ্শ্বিক বৰ্ণবাদৰ বিৰুদ্ধে কাম কৰি থকা চাৰিগৰাকী সমাজকৰ্মীৰ লগত দিশা ৰবিকো স্থানাভুক্ত কৰা হয়।^{২১৬১৭} ২০২১ চনৰ ১৫ ফেব্ৰুৱাৰীত 'দ্য নিউ ইণ্ডিয়া এক্সপ্ৰেছ' কাকতে দীশা ৰবিক "বাংগালোৰৰ গ্ৰেটা" হিচাপে নামকৰণ কৰে।^১৮

২০২০ চনৰ ছেপ্টেম্বৰতে, ৰবিয়ে ব্যাখ্যা কৰে যে, “I'm striking because we're living through the climate crisis. Heavy rains and lax measures taken by governments have led to millions of people being displaced because of floods, particularly in India. My house was flooded last week.”^১৯

বাংগালোৰস্থিত মাউণ্ট কাৰ্মেল কলেজৰ পৰা দীশা ৰবিয়ে স্নাতক ডিগ্ৰী সম্পূৰ্ণ কৰে।^৫ ৰবি এগৰাকী "ভেগান"। গ্ৰেপ্তাৰৰ পূৰ্বতে ৰবিয়ে এটা ভেগান ফুড কোম্পানীত "ৰন্ধন অভিজ্ঞতা প্ৰবন্ধক" হিচাপে কাম কৰি আছিল।^১৭২৮