দীপালী পন্ত যোশী

দীপালী পন্ত যোশী (Deepali Pant Joshi) ভাৰতীয় ৰিজাৰ্ভ বেংকৰ এগৰাকী প্ৰাক্তন কাৰ্যবাহী সঞ্চালক (২০১৭ চনত তেওঁ অৱসৰ গ্ৰহণ কৰে‍)।^১ তেওঁ এগৰাকী উন্নয়ন অৰ্থনীতিবিদ আৰু অৰ্থনৈতিক বিষয়ৰ লেখিকা।^২ তেওঁৰ পেছাদাৰী দায়িত্বসমূহৰ ভিতৰত আছে মুদ্ৰা ব্যৱস্থাপনা বিভাগ, আইনী বিভাগ আৰু প্ৰিমিচেছ বিভাগ। তেওঁ তথ্য অধিকাৰ আইনৰ অধীনৰ প্ৰথমগৰাকী আপীল কৰ্তৃপক্ষ আছিল, লগতে ইনষ্টিটিউট অৱ বেংকিং পাৰ্চনেল বাছনি (আই.বি.পি.এছ.) ৰ পৰিচালনা পৰিষদত আৰ.বি.আই. মনোনীত আৰু ভাৰতীয় ৰিজাৰ্ভ বেংক নোট মুদ্ৰণ প্ৰাইভেট লিমিটেড (বি.আৰ.বী.এন.এম.পি.এল.)ৰ বোৰ্ডৰ সঞ্চালক আছিল।

যোশীয়ে ৰাজস্থানৰ আৰ বি আইৰ আঞ্চলিক সঞ্চালক হিচাপেও কাৰ্যনিৰ্বাহ কৰি আহিছে। কাৰ্যবাহী সঞ্চালক হিচাপে নিযুক্তি পোৱাৰ পূৰ্বে যোশীয়ে গ্ৰাহক সেৱা বিভাগ আৰু গ্ৰাম্য পৰিকল্পনা আৰু ঋণ বিভাগৰ দায়িত্বত আছিল।

প্ৰাৰম্ভিক জীৱন

দীপালী পন্ত যোশীয়ে প্ৰয়াগৰাজৰ ছেইণ্ট মেৰী কনভেণ্ট ইণ্টাৰ কলেজ আৰু এলাহাবাদ বিশ্ববিদ্যালয়ত অধ্যয়ন কৰিছিল। তেওঁৰ পিতৃ জগদীশ মোহন পন্ত এলাহাবাদ উচ্চ ন্যায়ালয়ৰ অধিবক্তা আৰু পিছলৈ উত্তৰ প্ৰদেশ ৰাজ্যৰ মহাপ্ৰশাসক আৰু অফিচিয়েল ট্ৰাষ্টী হৈছিল৷ তেওঁৰ মাতৃ অধ্যাপিকা চন্দ্ৰ পন্তে এলাহাবাদ বিশ্ববিদ্যালয়ৰ ইতিহাস বিভাগত অধ্যাপনা কৰিছিল।

ব্যক্তিগত জীৱন

যোশী আছিল পৰিয়ালৰ একমাত্ৰ সন্তান। তেওঁ ৰাজীৱ যোশীৰ সৈতে‍ বিবাহপাশত আৱদ্ধ হৈছিল। তেওঁলোকৰ দুজন পুত্ৰ আছে; তেওেঁলাক ক্ৰমে‍ পৰিতোষ আৰু কুনাল।

কেৰিয়াৰ

যোশী হাৰ্ভাৰ্ড ইউনিভাৰ্চিটি এছিয়া চেণ্টাৰৰ ফেল', তাৰ পৰাই তেওঁ বিত্ত আৰু অৰ্থনীতি ক্ষেত্ৰত পোষ্ট ডক্টৰেট ডিগ্ৰীৰ গৱেষণা কৰিছিল। এলাহাবাদ বিশ্ববিদ্যালয়ৰ পৰা ডক্টৰেট ডিগ্ৰী আৰু আইন আৰু ব্যৱস্থাপনা ডিগ্ৰী লাভ কৰিছিল। ১৯৮১ চনত প্ৰত্যক্ষ নিযুক্তি হিচাপে ভাৰতীয় ৰিজাৰ্ভ বেংকত যোগদান কৰা যোশী তেতিয়াৰ পৰাই ৰিজাৰ্ভ বেংকত আছে। আৰ বি আই হায়দৰাবাদত আৰ্বান বেংক আৰু মুদ্ৰা ব্যৱস্থাপনাৰ দায়িত্বত থকা মুখ্য জেনেৰেল মেনেজাৰ হিচাপে তেওঁ কেইবাটাও গুৰুত্বপূৰ্ণ পেছাদাৰী দায়িত্ব আৰু প্ৰশাসনিক দায়িত্ব পালন কৰি আহিছে। তেওঁ অন্ধ্ৰ প্ৰদেশ ৰাজ্যৰ বেংকিং ন্যায়াধীশ আৰু বেংকাৰ প্ৰশিক্ষণ মহাবিদ্যালয়ৰ অধ্যক্ষ আৰু অন্ধ্ৰ বেংকৰ ব’ৰ্ডৰ সঞ্চালিকা আছিল। তেওঁৰ পূৰ্বৰ পেছাদাৰী দায়িত্ব আছিল গ্ৰাম্য পৰিকল্পনা আৰু ঋণ বিভাগৰ মুখ্য মহাপ্ৰবন্ধক। তেওঁ এগৰাকী প্ৰসিদ্ধ লেখিকা আৰু তেওঁৰ এই কৃতিত্বত চাৰিখন গুৰুত্বপূৰ্ণ গ্ৰন্থ আছে। তেওঁ কৃষি বেংকিং মহাবিদ্যালয়ক অনুষদৰ সহায় আগবঢ়ায় আৰু মচূৰীৰ আই.এ.এছ একাডেমী, হায়দৰাবাদৰ প্ৰশাসনিক কৰ্মচাৰী মহাবিদ্যালয় আৰু কেইবাখনো ভাৰতীয় আৰু বিদেশী বিশ্ববিদ্যালয়ত বিস্তৃতভাৱে‍ বক্তৃতা প্ৰদান কৰিছে‍। তেওঁ কেইবাটাও গুৰুত্বপূৰ্ণ আন্তঃৰাষ্ট্ৰীয় সন্মিলনত আৰবিআইক প্ৰতিনিধিত্ব কৰিছে আৰু জি-২০ৰ বিত্তীয় অন্তৰ্ভুক্তি বিশেষজ্ঞ গোটত ভাৰতক প্ৰতিনিধিত্ব কৰিছে‍। তেওঁৰ নীতিগত স্বাৰ্থ কল্যাণ আৰু উন্নয়ন অৰ্থনীতি, আইন আৰু মুদ্ৰা ব্যৱস্থাপনা ক্ষেত্ৰখনৰ লগতো জডি়ত হৈ‍ আছে।^৩

ভাষণসমূহ

• সামৰণি‍ মন্তব্যসমূহ
• বিত্তীয় অন্তৰ্ভুক্তি আৰু বিত্তীয় সাক্ষৰতা সম্পৰ্কীয় প্ৰদৰ্শন
• ভাৰতীয় বিত্তীয় বজাৰঃ ভাৰতীয় অৰ্থনীতিৰ বিকাশত ইন্ধন যোগোৱা
• ভাৰতীয় গ্ৰাম্য বেংকিং খণ্ড
• গ্ৰাহক সুৰক্ষা-অন্তৰ্ভুক্তিমূলক বিকাশৰ কাৰ্যসূচী সন্দৰ্ভত অনুষ্ঠিত ৰাষ্ট্ৰীয় আলোচনাচক্ৰত ভাৰতীয় ৰিজাৰ্ভ বেংক
• মুম্বাইত বি. চি. এছ. বি. আই.-ৰ দ্বাৰা আয়োজিত প্ৰধান সংহিতা অনুপালন বিষয়া (পি. চি. চি. অ './আঞ্চলিক গ্ৰাম্য বেংকৰ অধ্যক্ষসকলৰ সন্মিলন
• মহাৰাষ্ট্ৰ চৰকাৰৰ সংখ্যালঘু উন্নয়ন বিভাগ আৰু ৰাজ্যিক মহিলা এম. এ. ভি. আই. এম.-ৰ দ্বাৰা আয়োজিত 'নগৰ বিত্ত সক্ষম কৰাৰ প্ৰত্যাহ্বান "শীৰ্ষক সন্মিলনত ভাৰতীয় ৰিজাৰ্ভ বেংকৰ কাৰ্যবাহী সঞ্চালক ডাঃ দীপালী পন্ত যোশীৰ নগৰীয়া ক্ষুদ্ৰ বিত্তীয় সাহায্য সক্ষম কৰাটো মুখ্য ভাষণ।
• বিত্তীয় অন্তৰ্ভুক্তি সম্পৰ্কে ভাষণ
• বিত্তীয় শিক্ষা আৰু গ্ৰাহক সুৰক্ষা
• বিত্তীয় অন্তৰ্ভুক্তি আৰু গ্ৰাহক সুৰক্ষাৰ প্ৰচাৰৰ বাবে বিত্তীয় শিক্ষাৰ চাবি
• বিত্তীয় অন্তৰ্ভুক্তি-এতিয়ালৈকে আৰু আগলৈ যাত্ৰা
• নৈতিকতা আৰু কৰ্পোৰেট প্ৰশাসন-ভাষণৰ ওপৰত এন. আই. এছ. এম. সন্মিলন
• বিত্তীয় সামৰ্থ্য আগুৱাই নিয়াঃ উদ্ভাৱনৰ পৰিসৰ আৰু প্ৰভাৱ
• বিত্তীয় অন্তৰ্ভুক্তি-ভাৰতীয় মডেল-প্ৰত্যাহ্বান আৰু সম্ভাৱনা-প্ৰদৰ্শন, আন্তঃৰাষ্ট্ৰীয় উন্নয়ন কেন্দ্ৰ-হাৰ্ভাৰ্ড কেনেডি স্কুল, কেম্ব্ৰিজ
• বিত্তীয় অন্তৰ্ভুক্তিৰ বাবে গ্ৰহণ কৰা ৰণনীতি
• সমবায়সমূহ শক্তিশালী কৰা-হ্ৰস্বম্যাদী সমবায় ঋণৰ গাঁথনি শক্তিশালী কৰিবলৈ কৰা প্ৰচেষ্টা

গ্ৰন্থপঞ্জি

• সামাজিক বেংকিং প্ৰতিশ্ৰুতি প্ৰদৰ্শন আৰু সম্ভাৱনা ^৪
• কে.কে.বাগচীৰ ভাৰতত নিয়োগ আৰু দৰিদ্ৰতা নিৰ্মূল কাৰ্যসূচী ^৫
• দ্য ফাইনেন্সিয়েল ইনক্লুচন ইম্পেৰেটিভ, কেম্ব্ৰিজ বুকছ, কেম্ব্ৰিজ ইউনিভাৰ্চিটি প্ৰেছ আৰু ভাৰত আৰু বিদেশৰ আলোচনীসমূহত প্ৰকাশিত বহুতো গৱেষণা-পত্ৰ।