তেজস্বিনী গৌড়া

তেজস্বিনী গৌড়া (Tejaswini Gowda; জন্ম: ১১ নৱেম্বৰ ১৯৬৬) কৰ্ণাটক(ভাৰত)ৰ কনকাপুৰাৰ পৰা ভাৰতীয় জাতীয় কংগ্ৰেছ দলক প্ৰতিনিধিত্ব কৰি চতুৰ্দশ লোকসভাৰ (২০০৪–২০০৯) সদস্য হৈছিল। এই আসনখনেই পাছলৈ বাংগালুৰু (গ্ৰাম্য) আসনলৈ ৰূপান্তৰিত হয়, আৰু ২০০৯ চনত তৃতীয় স্থান লাভ কৰাৰ সময়ত তেওঁ নতুন আসনখনৰ পৰা প্ৰতিদ্বন্দ্বিতা কৰে। ২০১৪ চনৰ মাৰ্চ মাহত তেওঁ কংগ্ৰেছ দল এৰি ভাৰতীয় জনতা পাৰ্টীত যোগদান কৰে।.^১২০২৪ চনৰ মাৰ্চ মাহত তেওঁ কৰ্ণাটক বিধান পৰিষদৰ সদস্য পদ ত্যাগ কৰে।^২

প্ৰাথমিক জীৱন আৰু শিক্ষা

১৯৬৬ চনৰ ১১ নৱেম্বৰত বাংগালুৰু গ্ৰাম্য জিলাৰ দোদ্দাৰায়প্নাহল্লীত মুনিনানজপ্পা আৰু মুনিথায়াম্মাৰ ঘৰত তেজস্বিনীৰ জন্ম হৈছিল। বাংগালুৰুৰ বিবেকানন্দ আইন মহাবিদ্যালয়ৰ পৰা তেওঁ ৰাজনীতি বিজ্ঞানত স্নাতকোত্তৰ আৰু আইন বিষয়ত স্নাতক ডিগ্ৰী লাভ কৰিছে। বাংগালোৰ বিশ্ববিদ্যালয়ৰ পৰাও তেওঁ ডক্টৰেট ডিগ্ৰী লাভ কৰিছে। তেওঁৰ এগৰাকী পুত্ৰ আৰু এগৰাকী কন্যা আছে।^৩

সাংবাদিক হিচাপে জীৱন

ৰাজনীতিত প্ৰৱেশ কৰাৰ পূৰ্বে তেজশ্বিনী এগৰাকী গৱেষক পণ্ডিত আছিল৷ তেওঁ জীৱন আৰু সমাজৰ বিভিন্ন দিশ সন্দৰ্ভত লিখিছিল। টেলিভিছনৰ তথ্যচিত্ৰ নিৰ্মাণৰ বাবেও তেওঁ চত্তিশগড় আৰু বস্তৰ আদিবাসী বেল্ট ভ্ৰমণ কৰিছে।

"মুখা মুখী" (কানাড়া ভাষাত ইয়াৰ অৰ্থ মুখামুখিকৈ) চাৰ্ট শ্ব' আয়োজন কৰিবলৈ আৰম্ভ কৰাৰ পিছত ভিৰৰ মাজত তেওঁৰ জনপ্ৰিয়তা বৃদ্ধি পায়। বহু ৰাজনৈতিক ব্যক্তিৰ সাক্ষাৎকাৰ লোৱাৰ পিছত তেওঁৰ জনপ্ৰিয়তা বাঢ়িবলৈ ধৰিলে৷ ৰাজনীতিবিদৰ আন্তঃদলীয় কন্দল আৰু দুৰ্নীতিৰ সৈতে জড়িত প্ৰশ্ন কৰা বিষয়বস্তুৰ বাবেই তেওঁৰ শ্ব’টোৰ জনপ্ৰিয়তা বৃদ্ধি হৈছে।

নিৰ্বাচনী প্ৰদৰ্শন

জনপ্ৰিয়তাৰ সুযোগ লৈ ২০০৪ চনত চতুৰ্দশ লোকসভা নিৰ্বাচনৰ পূৰ্বে তেজশ্বিনীয়ে ভাৰতীয় জাতীয় কংগ্ৰেছত যোগদান কৰে৷ মনোনয়নৰ অন্তিম দিনা কংগ্ৰেছ দলৰ পৰা তেওঁক টিকট দিয়া হৈছিল। ভাৰতীয় জনতা পাৰ্টিৰ নেতা ৰামচন্দ্ৰ গৌড়া আৰু প্ৰাক্তন প্ৰধানমন্ত্ৰী দেৱগৌড়াক পৰাস্ত কৰি এক লাখৰো অধিক ভোটৰ ব্যৱধানত জয়লাভ কৰিবলৈ তেওঁ সক্ষম হয়।^৪২০০৯ চনৰ সাধাৰণ নিৰ্বাচনত বেংগালুৰু গ্ৰাম্য সমষ্টিৰ পৰা তেওঁ কংগ্ৰেছৰ প্ৰাৰ্থী আছিল আৰু জনতা দল(এছ) আৰু বিজেপিৰ প্ৰাৰ্থীৰ পিছত তৃতীয় স্থান লাভ কৰিছিল।