তানিয়া চৌধুৰী

তানিয়া চৌধুৰী (Tania Choudhury; জন্ম: ১৯৯৫) এগৰাকী মহিলা আন্তঃৰাষ্ট্ৰীয় ভাৰতীয় ল'ন বলাৰ।^১ তেওঁ গুৱাহাটীৰ বাসিন্দা, অসম অভিযান্ত্ৰিক মহাবিদ্যালয়ৰ পৰা অভিযান্ত্ৰিক স্নাতক আৰু অসমৰ তেজপুৰ বিশ্ববিদ্যালয়ৰ পৰা এম বি এ ডিগ্ৰী লাভ কৰিছে।

কেৰিয়াৰ

কমনৱেলথ গেমছ

চৌধুৰীয়ে ২০২২ চনলৈ তিনিখনকৈ কমনৱেলথ গেমছত ভাৰতক প্ৰতিনিধিত্ব কৰিছিল। তেওঁ ২০১০ চনৰ কমনৱেলথ গেমছত অংশগ্ৰহণ কৰা আটাইতকৈ কম বয়সীয়া ল'ন বল খেলুৱৈ হিচাপে পৰিগণিত হৈছিল।^২ উক্ত প্ৰতিযোগিতাত তেওঁৰ তিনিজনীয়া দলটোৱে পুল বিৰ শীৰ্ষস্থান দখল কৰিছিল যদিও ইংলেণ্ডৰ হাতত পৰাস্ত হোৱাৰ পিছত ব্ৰঞ্জৰ পদক লাভ কৰাৰ পৰা বঞ্চিত হৈছিল। চাৰি বছৰৰ পিছত তেওঁ ২০১৪ চনৰ কমনৱেলথ গেমছত পুনৰ অংশগ্ৰহণ কৰে।^৩

২০২২ চনত তেওঁ বাৰ্মিংহামৰ কমনৱেলথ গেমছত মহিলাৰ একক আৰু মহিলাৰ তিনিজনীয়া প্ৰতিযোগিতাত অংশগ্ৰহণ কৰে।^৪

বিশ্ব চেম্পিয়নশ্বিপ

তেওঁ ২০২০ চনত অষ্ট্ৰেলিয়াত অনুষ্ঠিত বিশ্ব আউটড'ৰ বলছ চেম্পিয়নশ্বিপৰ বাবেও নিৰ্বাচিত হয়।^৫

এছিয়া পেচিফিক

এছিয়া পেচিফিক বলছ চেম্পিয়নশ্বিপত চৌধুৰীয়ে তিনিটাকৈ পদক লাভ কৰিছে। ২০০৯ চনত তেওঁ চাৰিজনীয়া দলৰ প্ৰতিযোগিতাত ব্ৰঞ্জৰ পদক পোৱাৰ উপৰি কুইন্সলেণ্ডৰ গোল্ড কোষ্টত অনুষ্ঠিত ২০১৯ চনৰ এছিয়া পেচিফিক বলছ চেম্পিয়নশ্বিপত একক আৰু তিনিজনীয়া শাখাত ব্ৰঞ্জৰ পদক লাভ কৰিছিল।^৬৭