টি পি ৰাজলক্ষ্মী

তিৰুভায়ৰু পঞ্চপাকেছা ৰাজলক্ষ্মী (Thiruvaiyaru Panchapakesa Rajalakshmi; ১১ নৱেম্বৰ ১৯১১^১ – ১৯৬৪^২) এগৰাকী ভাৰতীয় অভিনেত্ৰী, দক্ষিণ ভাৰতৰ প্ৰথম মহিলা পৰিচালক, চলচ্চিত্ৰ নিৰ্মাতা, গায়িকা, প্ৰযোজক আৰু সমাজ সংস্কাৰক, যাক মৰমত "চিনেমা ৰাণী টি.পি.আৰ" নামেৰে সম্বোধন কৰা হয়। তেওঁ প্ৰথম তামিল আৰু তেলেগু চলচ্চিত্ৰৰ নায়িকা, প্ৰথম দক্ষিণ ভাৰতীয় মহিলা পৰিচালক, চিত্ৰনাট্য লেখিকা, গায়িকা, সংগীত পৰিচালক আৰু প্ৰযোজক। তেওঁ দ্ৰাবিড় আন্দোলনৰ সমৰ্থক আছিল আৰু দ্ৰাবিড় নেতাসকলৰ লগত ওতঃপ্ৰোত সম্পৰ্ক আছিল।

তেওঁৰ কৃতি মিছ কমলা আছিল এখন বৈপ্লৱিক ছবি, যিয়ে সমাজলৈ নাৰী সমতাৰ এক শক্তিশালী বাৰ্তা প্ৰেৰণ কৰিছিল। এগৰাকী মহিলা চলচ্চিত্ৰ পৰিচালকৰ পৰিচালনাত এইখনেই আছিল প্ৰথমখন তামিল পূৰ্ণদৈৰ্ঘ্য ছবি। এই ছবিখনে ৰাজলক্ষ্মীক দক্ষিণ ভাৰতৰ প্ৰথমগৰাকী আৰু সমগ্ৰ ভাৰতৰ দ্বিতীয় গৰাকী মহিলা পৰিচালক স্থান দিছিল। ছবিখনৰ প্ৰযোজনা আৰু পৰিচালনাৰ উপৰিও ছবিখনৰ ৰচনা, সংগীত আৰু সম্পাদনা তেওঁৰে আছিল।

ৰাজলক্ষ্মী দক্ষিণ ভাৰতীয় চলচ্চিত্ৰ প্ৰথম নায়িকা আছিল, যাক লৈ তেওঁৰ প্ৰশংসকসকলে ৰচিগৰ মনৰাম নামেৰ অনুৰাগী সংঘ গঠন কৰিছিল।^৩

১৯৬৪ চনত ৰাজালক্ষ্মীক কলাইমামণি বঁটা প্ৰদান কৰা হয়।^৪

বাহ্যিক সংযোগ

• (25 September 2013). Chief Minister honoring Cinema Rani T.P.Rajalakshmi
• The Queen of South Indian Cinema. দ্য টাইম্‌ছ অৱ ইণ্ডিয়া
• Directors who made a difference in the Tamil Cinema World
• Randor Guy. (2008). Women on Top. Galatta Cinema. পৃ. 80
• Mohan V. Ram. (22 June 2011). The Rani of cinema. The Hindu
• Randor Guy. (27 March 2009). Miss Kamala 1938. The Hindu
• – a song from the film Paranjothi (1945)