টান (২০১৪ চলচ্চিত্ৰ)

টান হৈছে ২০১৪ চনৰ ভাৰতীয় বাংলা চলচ্চিত্ৰ, ৰচনা আৰু পৰিচালনা কৰিছে মুকুল ৰয় চৌধুৰীয়ে।^১২ এই চলচ্চিত্ৰখন বেশ্যাৰ জীৱন আৰু মানৱ সৰবৰাহৰ ওপৰত আধাৰিত।^৩৪ বাংলাদেশৰ প্ৰখ্যাত কবি সাহিত্যিক আল মাহমুদৰ জলবেশ্যা নামৰ গল্প আধাৰত এইখন চলচ্চিত্ৰ নিৰ্মাণ কৰা হৈছে। এই চলচ্চিত্ৰৰখনৰ অন্তৰ্গত স্বপ্নেৰ ঠোঁটে শীৰ্ষক গীতটোত কণ্ঠদান কৰিছে অসমৰ জনপ্ৰিয় গায়ক জুবিন গাৰ্গে।

অভিনেত্ৰা-অভিনেত্ৰী

• ঋতুপৰ্ণা সেনগুপ্ত, (সুন্দৰী)
• দেৱলীনা দত্ত, (মেঘনা)
• চন্দন সেন, (আবেদ মিঞা)
• কৌশিক সেন
• ৰাজেশ শৰ্মা, (জাহাংগীৰ চৰ্দাৰ)
• সুমন্তো চট্টোপাধ্যায়, (সাজু)
• দেবদুত ঘোষ
• নন্দিনী চেটাৰ্জী
• পামেলা সিং ভূটৰীয়া

পটভূমি আৰু কাহিনী

সুন্দৰবন অঞ্চলৰ জলসীমাত ৰাজত্ব কৰে কিছুমান জলদস্যু৷ সিহঁতে অবৈধভাবে বাঘ চিকাৰ কৰে, চামৰা বিক্ৰী কৰে বিদেশত৷ ইয়াৰ উপৰিও সৰু ডাঙৰ লুটপাটতো আছেই৷ এই জলদস্যুসকলে নানা ঠাইত ডকাইতি কৰিবলৈ গৈ উঠাই আনে গাঁৱৰ ছোৱালী বিলাকক৷ নিজৰ যৌনক্ষুধা পৰিপূৰ্ণ কৰাৰ লগতে সিহঁতে এই ছোৱালী বিলাকক দি যৌন ব্যৱসায় চালায়৷ সুন্দৰবন এলাকাত নৌকাৰ বা নাওৰ ওপৰতে চলি থাকে সেই ভাসমান বেশ্যাপল্লী। আৰু সেয়ে সেই ছোৱালী বিলাকক কোৱা হয় জলবেশ্যা৷

বাংলাদেশৰ প্ৰখ্যাত কবি সাহিত্যিক আল মাহমুদে জলবেশ্যা নামৰ এটি গল্প লিখিছিল৷ সেই কাহিনীটোৰ মূলত আছে এনে এদল ছোৱালী যিসকল একলগে বেদেনী আৰু বেশ্যা৷ সিহঁত ভাঁহি ফুৰে সুন্দৰবনৰ গভীৰ অৰণ্যৰ কাষেৰে বৈ থকা খাঁড়িত (উপ নদীত)৷ সাপৰ বিষ বিক্ৰী কৰাৰ লগতে সিহঁতে ৰাতিৰ সময়ত বিক্ৰী কৰে সিহঁতৰ শৰীৰো৷ ইহঁতৰ মূৰৰ ওপৰত চৰ্দাৰ হিচাবে থাকে এজন জল-মাফিয়া, যাৰ নেতৃত্বত গোপনে সুন্দৰবনৰ বাঘৰ চামৰা, হৰিণাৰ চামৰা, কাঠ আদি ৰপ্তানি হয়, তেনেদৰেই সংলগ্ন দুইদেশৰ মাজত চোৰাং ভাবে চালান হয় আৰু অনেক বস্তু৷ জঙ্গলৰ কোৰ এৰিয়া, য’ত সাধাৰণ ব্যক্তিৰ প্ৰবেশ নিষেধ, তাতেই ইহঁতৰ গোপন বাণিজ্যৰ ডেৰা (জুপুৰী)৷ দুইদেশৰ প্ৰশাসনক বুড়া আঙুলি দেখুৱাই দলবল লৈ দিনে নিশাই ইহঁতৰ ৰাজত্ব৷ ইহঁত কোনো কাল্পনিক চৰিত্ৰ নহয়৷ বৰঞ্চ অধিক মাত্ৰাতেই বাস্তৱিক৷

উক্ত ঘটনাৰ আলমত কলকাতাৰ পৰা টান নামৰ এখন ১৮+ বাংলা ছবি নিৰ্মাণ কৰিছিল৷ হৃদয়স্পৰ্শী কাহিনী৷ ১৮+ যদিও, অশ্লীল দৃশ্য বিশেষ নাই৷ অৱশ্যে মুখৰ ভাষাত অশ্লীলতা বিদ্যমান৷ উক্ত অঞ্চলত তেনে অশ্লীল শব্দ মুকলি ভাবেই ব্যৱহাৰ হয়৷ আৰু সেই অঞ্চলৰ কথিত ভাষাৰ ব্যৱহাৰে চিনেমাখনক বিশেষ ৰূপত আকৰ্ষণীয় কৰি তুলিছে৷ ঋতুপৰ্ণা সেনগুপ্তাৰ অভিনয়ৰ লগতে জুবিন গাৰ্গৰ কণ্ঠই কাহিনীটো আৰু অধিক হৃদয়স্পৰ্শী কৰি তুলিছে৷