ছাব্ৰিনা কাৰ্পেণ্টাৰ

ছাব্ৰিনা এনলিন কাৰ্পেণ্টাৰ (ইংৰাজী: Sabrina Annlynn Carpenter; জন্ম: ১১ মে', ১৯৯৯) এগৰাকী আমেৰিকান গায়িকা, গীতিকাৰ আৰু অভিনেত্ৰী। প্ৰথমে ডিজনী চেনেলৰ ধাৰাবাহিক গাৰ্ল মিটছ ৱৰ্ল্ড (২০১৪–২০১৭) ত মায়া হাৰ্টৰ চৰিত্ৰত অভিনয় কৰি তেওঁ প্ৰাধান্য লাভ কৰে। পিছত ডিজনীৰ মালিকানাধীন হলিউড ৰেকৰ্ডছৰ সৈতে চুক্তিবদ্ধ হৈ তেওঁ আইজ ৱাইড অ'পেন (২০১৫), ইভলিউচন (২০১৬), চিংগুলাৰ: এক্ট ১ (২০১৮) আৰু চিংগুলাৰ: এক্ট ২ (২০১৯) নামৰ ষ্টুডিঅ' এলবামসমূহ মুকলি কৰে।

২০২১ চনত কাৰ্পেণ্টাৰে আইলেণ্ড ৰেকৰ্ডছত যোগদান কৰে আৰু তেওঁৰ পঞ্চম এলবাম ইমেইলছ আই কেন'ট চেণ্ড (২০২২) প্ৰকাশ কৰে, য'ত বহু-প্লেটিনাম একক গীত “ননচেন্স” আৰু “ফেদাৰ” অন্তৰ্ভুক্ত আছিল। তেওঁৰ ষষ্ঠ ষ্টুডিঅ' এলবাম শ্বৰ্ট এন ছুইট (২০২৪) ইউ এছ বিলবোৰ্ড ২০০ ৰ শীৰ্ষস্থান লাভ কৰে আৰু দুটা গ্ৰেমী বঁটা লাভ কৰে। এই এলবামৰপৰা “এছপ্ৰেছ'” আৰু “প্লিজ প্লিজ প্লিজ” নামৰ বিশ্বব্যাপী এক নম্বৰ গীত প্ৰচাৰিত হয়, যাৰ ভিতৰত “প্লিজ প্লিজ প্লিজ” এ তেওঁৰ প্ৰথমবাৰৰ বাবে বিলবোৰ্ড হট ১০০ ৰ শীৰ্ষস্থান দখল কৰে। তেওঁৰ সপ্তম ষ্টুডিঅ' এলবাম মান'ছ বেষ্ট ফ্ৰেণ্ড (২০২৫)য়েও বিলবোৰ্ড ২০০ ৰ শীৰ্ষস্থান লাভ কৰে আৰু “মানচাইল্ড” নামৰ এক নম্বৰ গীত প্ৰকাশ কৰে।

কাৰ্পেণ্টাৰে এডভেঞ্চাৰছ ইন বেবীচিটিং (২০১৬), দ্য হেট ইউ গিভ (২০১৮), দ্য শ্বৰ্ট হিষ্ট্ৰী অৱ দ্য লং ৰোড (২০১৯), ক্লাউডছ (২০২০) আৰু ইমাৰ্জেন্সি (২০২২) আদি ছবিত অভিনয় কৰিছে। তেওঁ নেটফ্লিক্সৰ টল গাৰ্ল (২০১৯), টল গাৰ্ল ২ (২০২২) আৰু ৱৰ্ক ইট (২০২০) ছবিতো অভিনয় কৰে; ইয়াৰে ৱৰ্ক ইট ছবিখন তেওঁ কাৰ্যবাহী প্ৰযোজনা কৰিছিল। ব্ৰডৱেত তেওঁ ২০২০ চনত মিউজিকেল মিন গাৰ্লছ ত কেডি হেৰনৰ চৰিত্ৰত অভিনয় কৰিছিল।

প্ৰাৰম্ভিক জীৱন

ছাব্ৰিনা এনলিন কাৰ্পেণ্টাৰ^১২৩ ১৯৯৯ চনৰ ১১ মে'ত^৪৫ কুৱেকাৰটাউন, পেনছিলভেনিয়াত ডেভিড আৰু এলিজাবেথ কাৰ্পেণ্টাৰৰ ঘৰত জন্মগ্ৰহণ কৰে আৰু ইষ্ট গ্ৰিনভিলত ডাঙৰ হয়।^৬৭৮ তেওঁ তিনিগৰাকী জ্যেষ্ঠ ভনীৰ সৈতে ডাঙৰ হয় আৰু ঘৰতে শিক্ষা গ্ৰহণ কৰিছিল।^৯ তেওঁলোকৰ পিতৃ অভিনেত্ৰী নেন্সি কাৰ্টৰাইটৰ সতীয়া ভাতৃ।^{১০১১১২} কাৰ্পেণ্টাৰে ছয় বছৰ বয়সত কণ্ঠ শিক্ষাৰ আৰম্ভ কৰে।^১৩ প্ৰায় দহ বছৰ বয়সত তেওঁ ইউটিউবত ক্ৰিষ্টিনা এগুইলেৰা আৰু এডেলৰ গীত গাই নিজৰ ভিডিঅ' আপলোড কৰিবলৈ আৰম্ভ কৰে।^১৪ তেওঁৰ সংগীতৰ প্ৰতি আগ্ৰহ বঢ়াবলৈ পিতৃয়ে তেওঁৰ বাবে এটা ৰেকৰ্ডিং ষ্টুডিঅ' নিৰ্মাণ কৰিছিল।^৯

ব্যক্তিগত জীৱন

কাৰ্পেণ্টাৰৰ তেওঁৰ তিনিগৰাকী জ্যেষ্ঠ ভনী—ছাৰাহ, শ্যানন আৰু কেলাৰ সৈতে ঘনিষ্ঠ সম্পৰ্ক আছে।^১৫

কাৰ্পেণ্টাৰ পূৰ্বে ২০১৪ চনৰপৰা ২০১৫ চনলৈ অভিনেতা ব্ৰেডলী ষ্টিভেন পেৰীৰ সৈতে আৰু ২০২০ চনৰপৰা ২০২১ চনলৈ অভিনেতা জশুৱা বেছেটৰ সৈতে সম্পৰ্কত আছিল।^১৬১৭ তেওঁ ২০২৩ চনত সংক্ষিপ্ত সময়ৰ বাবে গায়ক শ'ন মেণ্ডেছৰ সৈতে সম্পৰ্কত আছিল^১৮ আৰু ২০২৪ চনৰ আৰম্ভণিৰপৰা শেষলৈ অভিনেতা বেৰী কিওগানৰ সৈতে সম্পৰ্কত আছিল।^১৯

কাৰ্পেণ্টাৰে ২০১৮ চনত লছ এঞ্জেলেছৰ নৰ্থৰিজ অঞ্চলত ১.৭ মিলিয়ন আমেৰিকান ডলাৰৰ ঘৰ ক্ৰয় কৰে। ২০২৩ চনত তেওঁ দ্বিতীয়টো ঘৰ ক্ৰয় কৰে, যি হলিউড হিলছত অৱস্থিত আৰু মূল্য আছিল ৪.৪ মিলিয়ন আমেৰিকান ডলাৰ।^২০ ২০২৫ চনত তেওঁ নিউয়ৰ্ক মহানগৰৰ ট্ৰাইবেকা অঞ্চলত অৱস্থিত ১০৮ লিঅনাৰ্ডত ১০ মিলিয়ন আমেৰিকান ডলাৰৰ এটা পেণ্টহাউছ ক্ৰয় কৰে।^২১২০