চনিৰা বজ্ৰাচাৰ্য

চনিৰা বজ্ৰাচাৰ্য ( चनिरा बज्राचार्य; জন্ম ১৯৯৫) নেপালৰ পাটনাৰ এগৰাকী প্ৰাক্তন কুমাৰী বা জীৱন্ত দেৱী।

জীৱনী

নেপালত জন্মগ্ৰহণ কৰা এই দেৱী গৰাকী ২০০০ চনৰ এপ্ৰিল মাহত জীৱন্ত দেৱী হিচাপে নিৰ্বাচিত হৈছিল আৰু পাঁচ বছৰ বয়সত সিংহাসনত বহিছিল। ^১ ২০০১ চনৰ মে’ মাহৰ শেষৰ ফালে তেওঁ চাৰিদিনধৰি কান্দিছিল যিটোক অশুভ লক্ষণ বুলি আখ্যা দিয়া হৈছিল। তেওঁৰ কান্দোন বন্ধ হোৱাৰ পিছদিনাই নেপালৰ ৰাজহত্যা সংঘটিত হয়। ^২ কুমাৰীৰ প্ৰথাৰ দৰে প্ৰথমবাৰৰ বাবে ঋতুস্ৰাৱ হোৱাৰ সময়ত ১৫ বছৰ বয়সত যৌৱনকালত উপনীত হোৱাৰ লগে লগে তেওঁৰ ৰাজত্বৰ অন্ত পৰে। তেওঁৰ পিছতে সমীতা বজ্ৰাচাৰ্য ৰাজপাটত বহে ৷ ^৩ বজ্ৰাচাৰ্য হৈছে তিনি দশক ধৰি পাটনত ৰাজত্ব কৰা আটাইতকৈ দীৰ্ঘজীৱী দেৱীসকলৰ ভিতৰত অন্যতম ধন কুমাৰী বজ্ৰাচাৰ্যৰ ভতিজী। ^৪

বজ্ৰাচাৰ্যই সাৱলীল ইংৰাজী ক'ব পাৰে। তেওঁৰ জীৱন্ত দেৱী হিচাপে ৰাজত্বকালত তেওঁক ইংৰাজী শিকোৱা হৈছিল। ^৫ জীৱন্ত দেৱী হিচাপে অৱসৰ লোৱাৰ পিছত তেওঁ কাঠমাণ্ডু বিশ্ববিদ্যালয়ত ব্যৱসায় প্ৰশাসন বিষয়ত অধ্যয়ন কৰে আৰু শেষত ব্যৱসায় প্ৰশাসনত স্নাতকোত্তৰ ডিগ্ৰী লাভ কৰে। ^৬

বাহ্যিক সংযোগ

• 100 Women at BBC Online
• The ex-Kumari: Chanira Bajracharya (Patan / Lalitpur)