গোসাঁই-নাম

গোসাঁই-নাম হ'ল অসমীয়া সমাজত প্ৰচলিত এক শ্ৰেণীৰ মৌখিক সাহিত্য। গোসাঁই-নামৰ গীতবিলাক বালক কৃষ্ণৰ কাহিনীৰ ওপৰত আধাৰিত। কংসৰ কাৰাগাৰত জন্ম হোৱা, যশোদাৰ ঘৰত থাকি বৃন্দাবনত গৰু চৰোৱা, নচা, গোৱা, ধেমালি কৰা-এনেবোৰ কাৰ্যৰ আভাস এই গীতবোৰত পোৱা যায়। ব্ৰজগোপী, বিশেষকৈ ৰাধিকা, আৰু কংস ৰজাৰ চন্দন যোগাঁতী কুঁজী বুঢ়ীৰ লগত নাগৰ কৃষ্ণৰ মধুৰ সম্পৰ্কয়ো গীতকাৰসকলক সমল যোগাইছে, আনফালে তেওঁলোকৰ হৃদয়ো স্পৰ্শ কৰিছে। গোসাঁই-নামত নামৰ মহিমাও ভক্তসকলৰ প্ৰাণৰ উচ্ছ্বাসেৰে উচ্ছ্বসিত হৈ উঠিছে।^১২