কেতিকা শৰ্মা

কেতিকা শৰ্মা (ইংৰাজী ভাষা: Ketika Sharma; জন্ম: ২৪ ডিচেম্বৰ, ১৯৯৯) এগৰাকী ভাৰতীয় চলচ্চিত্ৰ অভিনেত্ৰী যিয়ে মূলতঃ তেলুগু ভাষা চলচ্চিত্ৰত অভিনয় কৰে। তেওঁ ৰোমাণ্টিক (২০২১), ৰংগা ৰংগা বৈভৱংগা (২০২২) আৰু ব্ৰো (২০২৩) আদি ছবিৰ বাবে পৰিচিত। তেওঁ অভিনীত ছবিসমূহৰ ভিতৰত ব্ৰো আটাইতকৈ অধিক উপাৰ্জনকাৰী ছবি।^১

প্ৰাৰম্ভিক জীৱন

শৰ্মাৰ জন্ম ১৯৯৫ চনৰ ২৪ ডিচেম্বৰত ভাৰতৰ নতুন দিল্লীত হৈছিল। পঢ়া-শুনা সমাপ্ত কৰাৰ পাছত তেওঁ মডেলিং আৰম্ভ কৰে। তেওঁ এগৰাকী ছ’চিয়েল ইনফুৱেঞ্চাৰ হিচাপেও পৰিচিত হৈ পৰিছে। তেওঁৰ ডাবস্মেশ্ব ভিডিঅ’ ক্লিপবোৰৰ বাবে শৰ্মা ছ’চিয়েল মিডিয়াত ভাইৰেল হৈ পৰিছিল।^২

কৰ্মজীৱন

২০২১ চনত আকাশ পুৰীৰ বিপৰীতে ৰোমাণ্টিক ছবিৰ জৰিয়তে শৰ্মাই অভিনয় জীৱনৰ পাতনি মেলে।^৩ দ্য নিউ ইণ্ডিয়ান এক্সপ্ৰেছৰ মুৰলী কৃষ্ণ চি.এইচে মত প্ৰকাশ কৰে যে তেওঁৰ অভিনয়ে "আশাৰ সঞ্চাৰ কৰিছে।" ^৪ একে বছৰতে তেওঁ নাগা শৌৰ্যৰ বিপৰীতে লক্ষ্য ছবিতো অভিনয় কৰে, য’ত সমালোচকসকলে মত দিয়ে যে তেওঁক কেৱল "পৰ্দাত ধুনীয়া" দেখিছিল।^৫৬ ২০২২ চনত শৰ্মাই পাঞ্জা বৈষ্ণৱ তেজৰ বিপৰীতে ৰংগা ৰংগা বৈভৱংগা ছবিত অভিনয় কৰে।^৭ সংগীতা দেৱী দুন্দুৱে কয় যে, "এনে এখন ছবি য’ত চৰিত্ৰটোক ভালদৰে ফুটাই তোলা হোৱা নাই, তাত কেতিকাৰ অভিনয় কেৱল পৰ্যাপ্ত বুলিব পাৰি।" ^৮

শৰ্মাই ২০২৩ চনৰ ছবি ব্ৰোত সাই ধৰম তেজৰ বিপৰীতে অভিনয় কৰিছিল।^৯ এই ছবিখন বছৰটোৰ পঞ্চম সৰ্বাধিক উপাৰ্জনকাৰী ছবি হিচাপে পৰিগণিত হোৱাৰ লগতে তেওঁৰ প্ৰথমখন বাণিজ্যিক সফলতা লাভ কৰা ছবি হিচাপে চিহ্নিত হয়।^১০ দ্য নিউজ মিনিটৰ বালকৃষ্ণ গণেশনে লক্ষ্য কৰে যে, "কেতিকাই তেওঁৰ সীমিত চৰিত্ৰটোত এটা ভদ্ৰ অভিনয় আগবঢ়াইছে।" ^১১ শৰ্মাই ২০২৪ চনত বিজয় ৬৯ৰ জৰিয়তে হিন্দী ছবিত আত্মপ্ৰকাশ কৰে।^১২১৩ ফিল্মফেয়াৰৰ দেৱেশ শৰ্মাই উল্লেখ কৰে যে, "কিশোৰজনৰ ডাঙৰ প্ৰেমিকা হিচাপে কেতিকাৰ চৰিত্ৰটোৱে কাহিনীটোত এক আৱেগিক মাত্ৰা যোগ কৰিছে।" ^১৪