কাশিকা কাপুৰ

কাশিকা কাপুৰ (ইংৰাজী ভাষা: Kashika Kapoor; জন্ম: ১৮ ফেব্ৰুৱাৰী ২০০৬) এগৰাকী ভাৰতীয় অভিনেত্ৰী, যিয়ে বলিউড আৰু তেলুগু ভাষা চিনেমাৰ লগতে মিউজিক ভিডিঅ'তো কাম কৰাৰ বাবে পৰিচিত। তেওঁ ২০২৪ চনত সামাজিক প্ৰেক্ষাপটত নিৰ্মিত ড্ৰামা আয়ুস্মতী গীতা মেট্ৰিক পাছৰ জৰিয়তে বলিউডত আত্মপ্ৰকাশ কৰে আৰু ২০২৫ চনত এল ওৱাই এফ: লাভ ইউৰ ফাদাৰ ছবিৰ জৰিয়তে তেলুগু চিনামাত খোজ পেলায়। তেওঁ এক ডজনতকৈও অধিক মিউজিক ভিডিঅ'ত মুখ্য অভিনেত্ৰী হিচাপে অভিনয় কৰিছে।

প্ৰাৰম্ভিক জীৱন আৰু শিক্ষা

২০০৬ চনৰ ১৮ ফেব্ৰুৱাৰীত ভাৰতৰ মহাৰাষ্ট্ৰৰ মুম্বাইত দীপক টেকচান্দানী আৰু দিব্য ৰিতু কাপুৰৰ ঘৰত কাশিকা কাপুৰৰ জন্ম হৈছিল। তেওঁৰ সাক্ষী টেকচান্দানী কাপুৰ নামৰ এগৰাকী ভগ্নীও আছে।

কাপুৰে মুম্বাইৰ যমুনাবাই নাৰ্চী স্কুলত অধ্যয়ন কৰিছিল আৰু পিছলৈ এন এম আই এম এছ ডিমান-টু-বি-ইউনিভাৰ্চিটিৰপৰা দূৰৱৰ্তী শিক্ষাৰ জৰিয়তে বেচেলৰ অৱ বিজনেছ এডমিনিষ্ট্ৰেচন ডিগ্ৰী লাভ কৰে। তেওঁ মুম্বাইৰ জেফ গোল্ডবাৰ্গ ষ্টুডিঅ'ত ছয় মাহ ধৰি অভিনয়ৰ প্ৰশিক্ষণ লৈছিল আৰু নিউয়ৰ্ক ফিল্ম একাডেমীত তিনিবছৰীয়া পেছাদাৰী অভিনয় পাঠ্যক্ৰম সম্পূৰ্ণ কৰিছিল।^১২

মিউজিক ভিডিঅ'

চলচ্চিত্ৰত আত্মপ্ৰকাশ কৰাৰ পূৰ্বে কাপুৰে কেইবাটাও মিউজিক ভিডিঅ'ত অভিনয় কৰি নিজৰ পাৰদৰ্শিতাৰ বাবে স্বীকৃতি লাভ কৰিছিল। তেওঁৰ কেইটামান উল্লেখনীয় কাম হ'ল:^{৩৪৫৬৭}

• অ' মেৰে দিল কে চেইন (২০২১), কণ্ঠ: শ্বাহিদ মালিয়া (সাৰেগামা)
• দিল পে জখম (২০২২), কণ্ঠ: জুবিন নটিয়াল (টি-চিৰিজ)
• তু লৌট আ (২০২২), কণ্ঠ: য়াচিৰ দেশাই (জেম টিউনছ পঞ্জাবী)
• নিন্দ্ৰা (২০২২), কণ্ঠ: শিবাণী কাশ্যপ (জী মিউজিক)
• সাজন (২০২২), কণ্ঠ: অংকিত তিৱাৰী (ৱাইল্ড বাফেলো মিউজিক), য'ত তেওঁ এটা জম্বিৰ চৰিত্ৰত অভিনয় কৰিছিল
• হিচাপ (২০২২), সহযোগী: পাৰস অৰোৰা (জী মিউজিক)
• থোড়ী থোড়ী ছাঞ্চ (২০২২) (মিট ব্ৰজ)
• ইশ্কা (২০২৩), কণ্ঠ: বৰুণ জৈন (ইউনিভাৰ্চেল মিউজিক ইণ্ডিয়া)
• অ' মাহী (২০২৩), কণ্ঠ: মহম্মদ দানিছ (টি-চিৰিজ)
• তেৰে কল ৰহণা (২০২৪), কণ্ঠ: বিশাল মিশ্ৰ (টি-চিৰিজ)
• চ্চা ৱালা প্যাৰ (২০২৪), কণ্ঠ: তুলসী কুমাৰ আৰু বিশাল মিশ্ৰ (টি-চিৰিজ)
• তেৰা মেৰা মিলনা (২০২৪) (জী মিউজিক)
• হাৰ (২০২৫), কণ্ঠ: নিশান্ত মালকানি

চলচ্চিত্ৰ আৰু দূৰদৰ্শন

কাপুৰে ২০২২ চনত ধাৰাবাহিক দ্য ভাইব হাণ্টাৰ্ছৰ জৰিয়তে অভিনয় জীৱনৰ পাতনি মেলে, য’ত তেওঁ তিনিটা খণ্ডত তান্যাৰ চৰিত্ৰত অভিনয় কৰিছিল।^৮৯

২০২৪ চনত আয়ুস্মতী গীতা মেট্ৰিক পাছৰ জৰিয়তে তেওঁৰ বলিউডত অভিষেক ঘটে। এই ছবিখনত তেওঁ গীতা নামৰ এগৰাকী যুৱতীৰ চৰিত্ৰত অভিনয় কৰিছিল যিয়ে গ্ৰাম্য ভাৰতত ছোৱালীৰ শিক্ষাৰ ক্ষেত্ৰত থকা সামাজিক বাধাৰ বিৰুদ্ধে প্ৰত্যাহ্বান জনায়।^১০

প্ৰদীপ খাইৰৱাৰৰদ্বাৰা পৰিচালিত এই ছবিখনে লিংগ সমতা আৰু সামাজিক ন্যায়ৰ ওপৰত গুৰুত্ব আৰোপ কৰাৰ বাবে প্ৰশংসা লাভ কৰিছিল। চৰিত্ৰটোৰ বাবে সাজু হ’বলৈ কাপুৰে গ্ৰাম্য অঞ্চলৰ ছোৱালীৰ সৈতে সময় কটাইছিল যাতে গীতাৰ অভিজ্ঞতাখিনি সঠিকভাৱে ফুটাই তুলিব পাৰে।^{১১১২১৩}

২০২৫ চনত পৱন কেথাৰাজুৰদ্বাৰা পৰিচালিত এল ওৱাই এফ: লাভ ইউৰ ফাদাৰ (LYF: Love Your Father) ছবিৰ জৰিয়তে কাপুৰে তেলেগু চিনামাত আত্মপ্ৰকাশ কৰে। চিনেমাখনত তেওঁ ছুইটীৰ চৰিত্ৰত অভিনয় কৰিছিল য’ত পিতৃ আৰু কন্যাৰ মাজৰ আৱেগিক সম্পৰ্কক অন্বেষণ কৰা হৈছে। ^১৪১৫

কাপুৰে প্যাৰ তুনে ক্যা কিয়া আৰু আদালতৰ দৰে দূৰদৰ্শন ধাৰাবাহিকতো অভিনয় কৰিছে। ইয়াৰ উপৰি দৰ্শকৰ সৈতে পোনপটীয়া যোগাযোগ কৰিবলৈ তেওঁ ৰিয়েলিটী শ্ব'ত অংশগ্ৰহণ কৰাৰ আগ্ৰহ প্ৰকাশ কৰিছে।^১৬

বাহ্যিক সংযোগ

• Kashika Kapoor | Actress - ইণ্টাৰনেট মুভি ডাটাবেছ
• Kashika Kapoor, Filmography, Movies, Kashika Kapoor News, Videos, Songs, Images, Box Office, Trailers, Interviews - Bollywood Hungama
• Kashika Kapoor: Movies, Photos, Videos, News, Biography & Birthday | Times of India