এলিদা আমিগো ই মন্তান্যা

এলিদা আমিগো ই মন্তান্যা (ইংৰাজী: Elida Amigó i Montanya; ৫ ছেপ্তেম্বৰ ১৯৩৫ – ৯ ছেপ্তেম্বৰ ২০২০) এণ্ডোৰাৰ এগৰাকী ইতিহাসবিদ, আৰ্কাইভিষ্ট, কৰ্মী আৰু ভোটাধিকাৰী আছিল। তেওঁ ১৯৭০ চনত এণ্ডোৰান মহিলাসকলক ভোটাধিকাৰ লাভ কৰিবলৈ সহায় কৰা নাৰীবাদী আন্দোলনৰ নেত্ৰী আছিল। তেওঁ এণ্ডোৰা ক্ষুদ্ৰ ৰাষ্ট্ৰৰ ইতিহাস আৰু সমাজ বিজ্ঞানৰ বিশেষজ্ঞ আছিল। তেওঁক "এণ্ডোৰাৰ মহিলা অৱস্থাৰ প্ৰতি সমালোচনামূলক সজাগতা আনিবলৈ পদক্ষেপ গ্ৰহণ কৰাপ্ৰথম এণ্ডোৰান বৌদ্ধিক মহিলা" বুলি বৰ্ণনা কৰা হৈছে।^১

জীৱনী

এলিদা আমিগো ই মন্তান্যাই ১৯৩৫ চনত এণ্ডোৰা লা ভেল্লাৰ ৰাজধানী চহৰত জন্মগ্ৰহণ কৰিছিল।^২৩ তেওঁ লেইদা, স্পেইনত অধ্যয়ন কৰিছিল, আৰু ১৯৫৭ চনত জাৰাগোজা বিশ্ববিদ্যালয়ৰ পৰা দাৰ্শনিক আৰু সাহিত্যত ডিগ্ৰী লাভ কৰি প্ৰথম এণ্ডোৰান মহিলা হিচাপে বিশ্ববিদ্যালয়ৰ স্নাতক হৈছিল।^১৩

বিশ্ববিদ্যালয় সমাপ্তিৰ পিছত, তেওঁ ১৯৬৯ চনলৈকে এণ্ডোৰাৰ সাধাৰণ পৰিষদৰ সংৰক্ষক হিচাপে কাম কৰিছিল।^১৩ এই সময়ছোৱাত তেওঁ মহিলাৰ অধিকাৰৰ দাবীত সক্ৰিয় হৈছিল আৰু এণ্ডোৰাৰ ভোটাধিকাৰ আন্দোলনৰ এগৰাকী নেতা হৈছিল, যাৰ ফলত ১৯৭০ চনত মহিলাসকলক ভোটাধিকাৰ দিয়া হয়।^২৩৪

তেওঁ সন্ত আৰ্মেংগোল বিদ্যালয়ত ইতিহাস আৰু ফ্ৰেন্স সাহিত্য পঢ়াইছিল।^১৪ তেওঁ এণ্ডোৰাৰ ইতিহাস গৱেষণাত জড়িত আছিল, ১৯৮০ চনত এণ্ডোৰান ইতিহাস বিজ্ঞান সমিতি গঠন কৰাত সহায় কৰিছিল আৰু তাৰ প্ৰথম সভাপতি আছিল।^১২৩ তেওঁ লজান, ছুইজাৰলেণ্ডত আন্তৰ্জাতিক ইতিহাস বিজ্ঞান কমিটীত কাম কৰিছিল।^৪ তেওঁৰ উল্লেখযোগ্য লেখা ১৯৭১ চনৰ ৬৯৩ বছৰ পিছত নামৰ কিতাপ, যি এণ্টনি মৰেল মৰাৰ সৈতে লিখিছিল।^২৫

১৯৭০ চনত তেওঁ এণ্ডোৰা মেগাজিন প্ৰকাশ কৰাৰ লগত জড়িত আছিল আৰু ১৯৭২ চনৰ পৰা পোজোব্ৰা মেগাজিনত যোগদান কৰিছিল।^১ তেওঁ ফন্দাছিও ক্লাৰা ৰাবাছা ২৩ বছৰ নেতৃত্ব দিছিল, আন্তৰ্জাতিক ৰেড ক্ৰছৰ সৈতে কাম কৰিছিল, আৰু ১৯৯৪-২০০৯ চনৰ ভিতৰত প্ৰেমী কাৰ্লেমেনী সাহিত্য বঁটা পৰিষদৰ সদস্য আছিল।^৩৪ তেওঁ এণ্ডোৰান বিজ্ঞান অকাডেমিৰ সদস্য আছিল আৰু ২০১২ চনত এণ্ডোৰাৰ সাধাৰণ পৰিষদৰ পৰা আগ্ৰা সাংস্কৃতিক বঁটা লাভ কৰিছিল।^২৩

দীৰ্ঘদিনীয়া ৰোগৰ ফলত ২০২০ চনত ৮৫ বছৰ বয়সত তেওঁৰ দেহাৱসান ঘটে।^১২