এন্নে ফাৰ্থ মাৰে

এন্নে ফাৰ্থ মাৰে জন্ম: ২৩ জুন, ১৯৩৫ চন, নিউজিলেণ্ডৰ ৱাংগানুই, এগৰাকী কৰ্মী, লেখিকা, আৰু ষ্টেনফৰ্ড বিশ্ববিদ্যালয়ৰ শিক্ষক হোৱাৰ লগতে এটা অলাভজনক সংস্থাৰ প্ৰতিষ্ঠাপক আৰু সভাপতি। মাৰেই হৈছে গ্ল’বেল ফাণ্ড ফৰ উইমেনৰ প্ৰতিষ্ঠাপক সভানেত্ৰী, যিয়ে বিশ্বৰ বিভিন্ন প্ৰান্তৰ মহিলাৰ মানৱ অধিকাৰক সমৰ্থন কৰা গোটসমূহৰ বাবে ধন সংগ্ৰহ আৰু প্ৰদান কৰে। ১৯৮৭ চনত তেওঁ এই সংস্থাটো প্ৰতিষ্ঠা কৰা হৈছিল আৰু ১৯৯৬ চনলৈকে তেওঁ সভানেত্ৰী হিচাপে কাম কৰি আছিল।^১২

ইয়াৰ পূৰ্বে ১৯৭৮ চনৰ পৰা ১৯৮৭ চনলৈকে উইলিয়াম এণ্ড ফ্ল’ৰা হিউলেট ফাউণ্ডেশ্যনৰ বাবে জনসংখ্যা আৰু পৰিৱেশ বিষয়ৰ ওপৰত তেওঁ দাতব্য প্ৰচেষ্টাৰ নেতৃত্ব দিছিল। ইয়াৰ পূৰ্বে তেওঁ ৰাষ্ট্ৰসংঘৰ লেখিকা আৰু ষ্টেনফৰ্ড, অক্সফৰ্ড আৰু ইয়েল বিশ্ববিদ্যালয়- এই তিনিখন বিশ্ববিদ্যালয়ৰ প্ৰেছৰ সম্পাদিকা আছিল।^১

২০০১ চনৰ পৰা ষ্টেনফৰ্ড বিশ্ববিদ্যালয়ত আন্তঃৰাষ্ট্ৰীয় মহিলা স্বাস্থ্য আৰু মানৱ অধিকাৰৰ ওপৰত অধ্যাপনা কৰি আহিছে মাৰেই। ২০১০ চনৰ পৰা তেওঁ "প্ৰেমক সামাজিক ন্যায়ৰ বাবে এক শক্তি হিচাপে" এটা পাঠ্যক্ৰমতো অধ্যাপনা কৰি আহিছে।^৩ তেওঁ চিভিকাছ, গ্ৰাছ ৰুটছ এলায়েন্স ফৰ কমিউনিটি এডুকেচন (GRACE), ইনিচিয়েটিভ ফৰ ইকুৱেলিটি (IfE), আৰু ন' মিন্স ন' ৱৰ্ল্ডৱাইড (NMNW)কে ধৰি কেইবাটাও সংস্থাৰ ব'ৰ্ডৰ সদস্য আৰু/বা উপদেষ্টা। ২০০৫ চনত শান্তিৰ ন'বেল বঁটাৰ বাবে যৌথভাৱে মনোনীত হোৱা হাজাৰ মহিলাৰ ভিতৰত তেওঁ অন্যতম।^৩

২০২২ চনত তেওঁক ছ'চাইটি অৱ উইমেন জিঅ'গ্ৰাফাৰ্ছৰ আউটষ্টেণ্ডিং এচিভমেণ্ট বঁটাৰে সন্মানিত কৰা হয়।^৪

মাৰে দুখন কিতাপৰ লেখক: পেৰাডাইম ফাউণ্ড: ইতিবাচক পৰিৱৰ্তন আৰু ক্ষোভৰ পৰা সাহসলৈ নেতৃত্ব দিয়া আৰু পৰিচালনা কৰা আৰু দৰিদ্ৰ দেশৰ মহিলাসকলৰ অন্যায় আৰু অস্বাস্থ্যকৰ পৰিস্থিতি আৰু ইয়াৰ বাবে তেওঁলোকে কি কৰিছে।