এম. ভি. পদ্মা শ্ৰীবাস্তৱ

মদাকাশিৰা বসন্ত পদ্মা শ্ৰীবাস্তৱ (M. V. Padma Srivastava; জন্ম ১৯৬৫) এগৰাকী ভাৰতীয় স্নায়ু বিশেষজ্ঞ, চিকিৎসা শিক্ষাবিদ, প্ৰাক্তন অধ্যাপক, লেখক আৰু গুৰুগ্ৰামৰ পাৰস হেল্থকেয়াৰত স্নায়ুবিজ্ঞানৰ অধ্যক্ষ হিচাপে কাৰ্যনিৰ্বাহ কৰি আছে।^১ তেওঁ মৃগী আৰু ষ্ট্ৰ'ক আক্ৰান্ত ৰোগীসকলক সহায় কৰাৰ বাবে এক্যুট ষ্ট্ৰ'ক প্ৰগ্ৰেম (ক'ড-ৰেড) নামৰ এক চিকিৎসা উদ্যোগৰ বাবে পৰিচিত, য'ত থ্ৰম্ব'লিছিছ কাৰ্যসূচীকে‍ ধৰি হাইপাৰএক্যুট ৰিপাৰফিউজন কৌশল অন্তৰ্ভুক্ত কৰা হয়।^২৩ চিকিৎসা বিজ্ঞানলৈ আগবঢ়োৱা অৱদানৰ বাবে ভাৰত চৰকাৰে তেওঁক ২০১৬ চনত দেশৰ চতুৰ্থ সৰ্বোচ্চ অসামৰিক সন্মান পদ্মশ্ৰী প্ৰদান কৰে।^৪

জীৱনী

১৯৬৫ চনত জন্মগ্ৰহণ কৰা পদ্ম শ্ৰীবাস্তৱে ১৯৯০ চনত অল ইণ্ডিয়া ইনষ্টিটিউট অৱ মেডিকেল ছায়েন্সৰ পৰা স্নায়ুবিজ্ঞানত স্নাতকোত্তৰ ডিগ্ৰী লাভ কৰাৰ পিছত তেওঁৰ আলমা মেটাৰত কেৰিয়াৰ আৰম্ভ কৰে য'ত তেওঁ স্নায়ুবিজ্ঞানৰ অধ্যাপিকা।^৫২চিকিৎসা বিজ্ঞানলৈ তেওঁৰ অন্যতম মূল অৱদান হৈছে এইমছত হাইপাৰএকিউট ৰিপাৰফিউজন কৌশল অন্তৰ্ভুক্ত কৰা ক’ড-ৰেড কাৰ্যসূচী আৰম্ভ কৰা, যিটো ভাৰতৰ ৰাজহুৱা খণ্ডত প্ৰথম বুলি কোৱা হৈছে।^৩ তেওঁ এইমছত এক ব্যাপক মৃগী কাৰ্যসূচী স্থাপনতো অৰিহণা যোগাইছিল আৰু ষ্ট্ৰ'ক আৰু মস্তিষ্কৰ পক্ষাঘাত বিষয়ক চৰকাৰী পুঁজিৰে কৰা গৱেষণাৰ সৈতে জড়িত। তেওঁ ভাৰতৰ ষ্ট্ৰ'ক তথ্যৰ বাবে থ্ৰম্ব'লিছিছৰ বাবে এছ. আই. টি. এছ-এন. ই. ডব্লিউ. ৰেজিষ্ট্ৰীৰ লগতে কেৰোলিন্সকা ইনষ্টিটিউটৰ ৰাষ্ট্ৰীয় সমন্বয়কাৰী হিচাপে এছ. আই, টি. এছ.-এছ. ই. এ. আৰ. এছ. ৰেজি‍ষ্ট্ৰী আৰু ভাৰত চৰকাৰৰ ৰাষ্ট্ৰীয় ষ্ট্ৰ'ক নিৰীক্ষণ কাৰ্যসূচী, ৰাষ্ট্ৰীয় ষ্ট্ৰ'ক ৰেজিষ্টেৰী, ভাৰতৰ অসংক্ৰামক ৰোগৰ বাবে ৰাষ্ট্ৰীয় প্ৰতিৰোধ কাৰ্যসূচীৰ লগত জডি়ত।^৩

শ্ৰীবাস্তৱে ২০০৬–০৭ চনত নেচনেল একাডেমী অৱ মেডিকেল ছায়েন্সৰ অচন্ত লক্ষ্মীপথী বক্তৃতা আৰু এছ'চিয়েশ্যন অৱ ফিজিচিয়ানছ অৱ ইণ্ডিয়াৰ কে. এল. উইগ বক্তৃতা প্ৰদান কৰে; তেওঁ এনএএমএছ-ৰ বিমলা বিৰমণি বঁটা প্ৰাপক।^৬ ভাৰতৰ নেচনেল একাডেমী অৱ চাইন্সেছে ২০১৩ চনত তেওঁক তেওঁলোকৰ ফে'ল হিচাপে নিৰ্বাচিত কৰিছিল।^৫ ২০১৩–১৪ চনৰ ভিতৰত ইণ্ডিয়ান ষ্ট্ৰ’ক এছ’চিয়েশ্যনৰ ৰাষ্ট্ৰীয় সভানেত্ৰী হিচাপে কাৰ্যনিৰ্বাহ কৰিছিল।^৭ তেওঁ ভাৰত-আমেৰিকান বিজ্ঞান আৰু প্ৰযুক্তি মঞ্চৰ আয়োজক সমিতিৰ প্ৰাক্তন সদস্য আৰু মেছাচুচেটছ বষ্টন বিশ্ববিদ্যালয়ৰ স্নায়ুবিজ্ঞান বিভাগৰ অতিথি অধ্যাপিকা। তেওঁ বিজ্ঞান আৰু প্ৰযুক্তি মন্ত্ৰালয়, ভাৰতীয় চিকিৎসা গৱেষণা পৰিষদ (আইচিএমআৰ) আৰু জৈৱ প্ৰযুক্তি বিভাগৰ বহু টাস্ক ফ’ৰ্চতো আছে আৰু বহু চিকিৎসা প্ৰতিষ্ঠানৰ স্নায়ুবিজ্ঞানৰ উচ্চ শৈক্ষিক পাঠ্যক্ৰমৰ বাহ্যিক পৰীক্ষক। তেওঁ ৰাষ্ট্ৰীয় পৰীক্ষা ব'ৰ্ডৰ স্নায়ুবিজ্ঞানৰ বিশেষ ব'ৰ্ড আৰু তিৰুৱনন্তপুৰমৰ শ্ৰী চিত্ৰ তিৰুণাল ইনষ্টিটিউট ফৰ মেডিকেল ছায়েন্স এণ্ড টেকন'লজিৰ ইনষ্টিটিউট ব'ৰ্ডৰ সদস্য।^৩৮ তেওঁ ষ্ট্ৰ'ক কেয়াৰত বিতৰ্ক নামৰ এখন গ্ৰন্থ সম্পাদনা কৰিছে, ২০০তকৈও অধিক চিকিৎসা বিষয়ক গৱেষণা পত্ৰ আৰু প্ৰবন্ধ প্ৰকাশ কৰিছে আনসকলে প্ৰকাশ পোৱা গ্ৰন্থসমূহত অধ্যায়সমূহ অৱদান কৰিছে আৰু বহুতো আলোচনীৰ সম্পাদকীয় বোৰ্ডত সেৱা আগবঢ়াইছে।^{৯১০১১১২১৩৩} তেওঁ নেশ্যনেল একাডেমী অৱ মেডিকেল ছায়েন্সৰ (NAMS) নিৰ্বাচিত ফেল' আৰু তেওঁ পৰিষদৰ সদস্যও।^১৪১৫ ভাৰত চৰকাৰে ২০১৬ চনত তেওঁক পদ্মশ্ৰী অসামৰিক সন্মান প্ৰদান কৰিছিল।^৪ তেওঁ ২০১৬ চনকে ধৰি বহু বছৰ নতুন দিল্লীৰ সৰ্বভাৰতীয় চিকিৎসা বিজ্ঞান প্ৰতিষ্ঠানত স্নায়ুবিজ্ঞানৰ অধ্যাপক হিচাপে সেৱা আগবঢ়ায়।^৮১৬ ২০২৩ চনলৈকে, তেওঁ গুৰুগ্ৰাম পাৰছ হেলথকেয়াৰত স্নায়ুবিজ্ঞানৰ অধ্যক্ষ।^১