আৰৱা আবৌন

আৰৱা আবৌন (Arwa Abouon) জন্ম: ১৯৮২ – মৃত্যু: ২০২০) এগৰাকী লিবিয়ান-কানাডিয়ান ফটোগ্ৰাফাৰ আছিল।

জীৱনী

আৰৱা আবৌনে ১৯৮২ চনত লিবিয়াৰ ট্ৰিপলিত জন্মগ্ৰহণ কৰে। তেওঁ ট্ৰিপলিৰ আমাজিগ বংশৰ আছিল।।^১ ১৯৮৩ চনত মুয়াম্মাৰ গাদ্দাফি শাসনত দিয়া যুৱক নিযুক্তিৰ কাৰণে তেওঁ পৰিয়ালৰ সৈতে কানাডালৈ প্ৰব্ৰজন কৰে। তেওঁৰ দেউতাক, মুস্তাফা মহম্মদ আবৌনে (১৯৪০–২০১৩), নিজৰ পুত্ৰসকলৰ জীৱন সুৰক্ষাৰ বাবে আশংকা কৰিছিল।^২

আৰৱা আবৌনে ক্যুবেকৰ মণ্ট্ৰিয়েলৰ কনকৰ্ডিয়া বিশ্ববিদ্যালয়ত অধ্যয়ন কৰে আৰু তাৰ পৰা ডিজাইন আৰ্টত মেজৰ ডিগ্ৰী লাভ কৰি ২০০৭ চনত সুখ্যাতিৰে সূক্ষ্ম কলাৰ স্নাতক ডিগ্ৰী লাভ কৰে।^৩৪ তেওঁৰ শিল্প কৰ্ম পশ্চিমীয়া দেশত বাস কৰা এগৰাকী ইছলামিক মহিলা হিচাপে, তেওঁৰ জীৱনৰ অভিজ্ঞতাৰ পৰা বহুখিনি প্ৰভাৱিত হয় আৰু তেও তেওঁৰ কৰ্মত প্ৰায়ে পশ্চিমীয়া সাংস্কৃতিক প্ৰতীকৰ লগতে পৰম্পৰাগত ইছলামিক ৰীতি-নীতি, সাজ-পাৰ আৰু আইকনসমূহো সন্নিবিষ্ট কৰা হয়।^৩৫ তেওঁ ব্যাখ্যা কৰে যে, তেওঁৰ কামৰ লক্ষ্য হৈছে "ৰাজনৈতিক বিষয়ৰ পৰা বিশ্বাসৰ ভেটিৰ কাব্যিক উপস্থাপনলৈ মনোযোগ পৰিৱৰ্তন কৰি ইছলামিক সংস্কৃতিৰ এক সুক্ষ্ম প্ৰশংসাসূচক ভাস্কৰ্য্য শিল্পকৰ্ম কৰা।"^৬

আবৌনৰ কৰ্মৰাজি আন্তৰ্জাতিক পৰ্যায়ত কানাডা, আমেৰিকা যুক্তৰাষ্ট্ৰ, ইউৰোপ, এছিয়া আৰু মধ্যপ্ৰাচ্যৰ বিভিন্ন গেলেৰীত প্ৰদৰ্শিত হৈছে।^২ ২০১৪ চনত ভূমধ্যসাগৰীয় দেশৰ বাবে ২৬ সংখ্যক বাৰ্ষিক আলেকজেণ্ড্ৰা বিয়েনালে বঁটাত তেওঁৰ ডিপ্টিক (Diptych) মিৰ'ৰ মিৰ'ৰ, আল্লাহ আল্লাহে দ্বিতীয় পুৰস্কাৰ লাভ কৰে।^২৭ শিল্প সমালোচক ভেলেৰী বেহিয়েৰীয়ে এই শিল্প কৰ্মত লক্ষ্য কৰিছে যে, এই শিল্পৰ টুকুৰাটোৱে ওৰণি টানি লৈ আৰু ওৰণি নোলোৱাকৈ আবৌনৰ প্ৰতিফলন দেখুৱাইছে আৰু ই "ইচ্ছাকৃতভাৱে দৃশ্যগত সৰলতা আৰু হাস্যৰসৰ সৈতে" ধাৰাভাষ্য প্ৰদান কৰে।^৮ ২০২০ চনৰ ৯ জুনত মণ্ট্ৰিয়েলত তেওঁৰ মৃত্যু হয়।^৯১০

প্ৰদৰ্শনী

• ২০১২ - হৃদয় দ্বাৰা শিক্ষণ - তৃতীয় লাইন গ্যালাৰী, ডুবাই।^২১১
• ২০১৪ - হনোলুলু - চুলতান গ্যালাৰী, কুৱেইট।^১২
• ২০১৫ - বাৰ্থমাৰ্ক থিয়’ৰী - লণ্ডন প্ৰিণ্ট ষ্টুডিঅ', লণ্ডন, ইউ কে।^১৩৮
• ২০১৭ - অভয়াৰণ্য - FOR-SITE ফাউণ্ডেচন, ফ'ৰ্ট মেছন চেপেল, চান ফ্ৰান্সিস্কো, কেলিফৰ্নিয়া।
• ২০১৮ - সংযোগ: আমাৰ সংগ্ৰহৰ সৈতে আমাৰ শিল্প বৈচিত্ৰ্য সংলাপ, মণ্ট্ৰিয়েল মিউজিয়াম অৱ ফাইন আৰ্টছ^১৪